Lembanyutha 22:14 - The Holy Bible In Alur (Lur) Revised Orthography

¹⁴ Mugisa ni ju m’ulwoko kendi migi, kara gibed ku ng’ol ma gibin ko ba yen mi kwo, ma gimond ko ku i dhugola i adhura.

Lembanyutha 22:14 ပူးပေါင်းရင်းမြစ်များ

Thangambere 2:9

Man Yehova Mungu ketho yen ceke kubang’e kubang’e utwi kud i ng’om ma nyayu mutoro i wang’, ma ber de ni cemo; ku yen mi kwo bende i die podho, man yen mi ng’eyong’ec mi gin ma ber ku gin ma rac.

Thangambere 3:22

Man Yehova Mungu wacu kumae, Nen, ng’atu ma nico doko calu ng’atu acel m’i kindwa, kara eng’ei gin ma ber ku gin ma rac; man kawono, emaru rieyo cinge, man egam kum yen mi kwo bende, ecam de, man ebed kwo rondo ku rondo:

Zaburi 112:1

Wufoi Yehova. Mugisa ni ng’atu m’ulworo Yehova, Ma anyong’a nege dit kum lembang’ola pare.

Zaburi 118:20

Maeni dhugang’ pa Yehova; Ju ma pwe gibimondo i ie.

Ai 19:10

Man Yehova wacu ni Musa kumae, Cidh ba dhanu, man idwokgi leng’ tin kud urwo, man wek gilwok kendi migi,

Daniel 12:12

Mugisa ni ng’atu m’ukuro, man m’utundo kum ceng’ rubanga acel ku dak adek ku pier adek wi abic.

Yohana 10:7

Ka kumeno Yesu wacu igi kendo kumae, Andhandha, awacu iwu, An a dhugola mi rombe.

Yohana 10:9

An a dhugola; tek ng’atu moko mondo yor i bang’a, ebiboth, man ebimondo ebiwok woko de, ebinwang’u arusi de.

Yohana 14:15

Tek wumara wubiworo cik para.

Yohana 14:6

Yesu wacu ire kumae, An a yo ku lemandha, ku kwo de: Ng’atu acel de mbe ma bino ba Wego, ndhu ni kuma re.

Yohana 4:12

I dit ma sagu kwaruwa ma Yakobo, m’emio iwa kulo, ma en de emadhu pige, ku wote, man lim pare?

1 Jukorinto 7:19

Yaa en e gin moko ngo, yaango de en e gin moko ngo; ento woro lembang’ola pa Mungu re.

1 Jukorinto 8:9

Ento wubed ku weng’wu tego mu maeni maru doko ni gin ma redho jo ni ju ma ng’ic;

1 Jukorinto 9:5

Wan tego mwa mbe ma wapeyo ko dhaku ma jayici, cil calu dong jukwenda, man utumin Rwoth, ku Kefagi?

Jugalatia 5:6

Kum i Kristu Yesu yaa loko gin moko ngo, kadok yaango bende; ento yioyic re m’ubetimbre ni kum mer.

1 Yohana 3:3

Man ku ba dhanu ceke m’ubedo ku genogen maeni i bang’e edwokre leng’ gire, cil calu en e leng’.

1 Yohana 5:3

Kum maeni en e mer pa Mungu, nia wawor cik pare: man cik pare gi pek ungo.

Lembanyutha 2:7

Ng’atu ma ithe nuti, dong’ ewinj lembe ma Tipo yero ni kanisa. Ni ng’atu m’uloyo, abimie ecam kum yen mi kwo, ma ni i Paradis pa Mungu.

Lembanyutha 21:12

ma gang’ne nuti ma dit ma wiu; dhugolane apar wi ario, man malaika apar wi ario ni kum dhugolane; man nying’ ugore i wie, ma gi nying’ suru apar wi ario mi nyithindho pa Israel:

Lembanyutha 21:27

man gin moko m’ucido, kadi ng’atu ma timo gin mir adegi ku ndra de, bimondo i ie ki ngo: ndhu ju ma jugorogi i kitabu mi kwo pa Nyathi Rombo kendgi.

Lembanyutha 22:2

i die gengine. Man ng’et kulo kun ku kun yen mi kwo nuti, m’ecego nyinge ma tung’ tung’ apar wi ario, m’ecego ko nyinge ku ba dwi: man ith yende en e mi cangu thek.

Lembanyutha 22:7

Man nen, abino pio. Mugisa ni ng’atu m’uworo lembe mi lembila mi kitabu maeni.

Lembanyutha 7:14

Man awacu ire kumae, Rwoth para, ing’eyo. Man ewacu ira kumae, Maeni gi ju m’uai i masendi ma dit, man gilwoko kendi migi, gidwokogi tar de i rimo pa Nyathi Rombo.