Lembanyutha 22:12 - The Holy Bible In Alur (Lur) Revised Orthography

¹² Nen, abino pio; man sukulia para ni i bang’a, m’amio ni dhanu ceke kubang’gi nzu ng’atuman calku tic pare.

Lembanyutha 22:12 ပူးပေါင်းရင်းမြစ်များ

Kitabu Pa Yob 34:11

Kum ebiculo pi tic mi dhanu ni dhanune, Man ebiketho dhanu kubang’gi kubang’gi unwang’ calku yo migi.

Zaburi 28:4

Mi igi calu tic migi, man calku dubo mi giratima migi: Mi igi calku tic mi cing’gi; Cul igi calu m’uromo kugi.

Isaya 40:10

Nen, Rwoth Yehova bibino calu jarukara, man bote bibimo pire: Nen, sukulia pare ni kude, man sukulia pare ni i wang’e.

Isaya 62:11

Nen, Yehova yero ni kajik mi ng’om kumae, Wuwac ni Nyasayuni kumae, Nen, both peri bino; nen, sukulia pare ni kude, man sukulia pare ni i wang’e.

Yeremia 17:10

An, an a Yehova, ayenyo pidoic, aponjo adunde, kara ami ni dhanu kubang’gi kubang’gi ng’atuman calku yo pare, calku nying’ mi giratima pare.

Zefania 1:14

Ceng’ ma dwong’ pa Yehova ni ceng’ni, eni ceng’ni man etimbre pio, en e dwand ceng’ pa Yehova; dhanu ma tek ywak keca ku can.

Matayo 16:27

Kum Wod dhanu bibino i dwong’ pa Won karacelo ku malaika pare; e ebilund mio ni dhanu ceke kubang’gi calku tic pare.

Jurumi 14:12

Kum kumeno ku ba dhanu ceke m’i kindwa ng’atuman biyero pire gire ni Mungu.

1 Jukorinto 3:14

Tek tic pa ng’atu moko m’egomo yor i wie bipor bo, ebinwang’u sukuliane.

1 Jukorinto 3:8

Nie ng’atu m’upidho ku ng’atu m’ukwoyo pi de gin acel: ento ng’atuman binwang’u sukulia pare gire rom ku tic pare gire.

Lembanyutha 11:18

Man kwinyo nego thek man kwinyo peri wok, ku nindo ma jupoko ie lembe mi ju m’utho, man nindo ma jumio ie sukulia ni jumiru peri ma jubila, man ni jumaleng’, man ni ju m’ulworo nyingi, ju ma thindho ku ju ma dongo; man ninyotho ju m’unyotho ng’om.

Lembanyutha 2:23

Man abinego nyithindho pare ku tho; man kanisa ceke gibing’eyo nia an a ng’atu ma sayu i ic kud adunde: man abimio iwu kubeng’wu kubeng’wu calku tic mu.

Lembanyutha 20:12

Man aneno ju m’utho, ju ma dongo ku ju ma thindho, ma gicungo wang’ komker; e juyabu kitabu: man juyabu kitabu mange de, ma en e kitabu mi kwo: man jupoko lembe mi ju m’utho ku gin m’ugore i kitabune, calku tic migi.

Lembanyutha 22:20

Ng’atu m’utuco gin maeni wacu kumae, Eyo, abino pio. Amen. Bin Rwoth Yesu.

Lembanyutha 22:7

Man nen, abino pio. Mugisa ni ng’atu m’uworo lembe mi lembila mi kitabu maeni.

Lembanyutha 3:11

Abino pio: mak maeno m’ibedo ko ki, kara ng’atu moko kud umai jamkermiwic peri.