Lembanyutha 22:11 - The Holy Bible In Alur (Lur) Revised Orthography

¹¹ Wek ng’atu m’ugondre, utim gin m’ugondre asu: ng’atu m’ucido de, wek juketh ecid asu: man ng’atu ma pwe, wek etim bedopwe asu: man ng’atu maleng’, wek juketh ebed leng’ asu.

Lembanyutha 22:11 ပူးပေါင်းရင်းမြစ်များ

Kitabu Pa Yob 17:9

Ento ng’atu ma pwe bimoko ki i yo pare, Man ng’atu ma cinge leng’ bicikudoko tek.

Zaburi 81:12

Kum kumeno aweko gilub tok lembe ma adundegi yenyo, Kara giwoth ku lembapora migi gigi.

Lembrieko 14:32

Jujwigo jadubo ni kum timorac pare; Ento ju ma pwe kapondo migi nuti kinde m’etho.

Lembrieko 4:18

Ento yo mi ju ma pwe calu der mi rupiny, Ma cikusagre asaga ku rieny cil kum ceng’ ma cu.

Eklizia 11:3

Tek afuru pong’ ku koth, gikonjri gigi i ng’om; man tek yen upodho yor ariwa ma piny, kadi yor ariwa ma malu, i ka ma yen podho i ie, ebibedo keca.

Ezekiel 3:27

Ento kinde ma waweco wakudi abiyabu dhogi, man ibiwacu igi kumae, Rwoth Yehova wacu kumae, Ng’atu m’uwinjo, wek ewinji; man ng’atu m’uwinjo ngo, kud ewinji; kum gin gi ot mi jai.

Daniel 12:10

Dhanu dupa gibidwokri leng’, man gibidwokri tar, man jubimulo igi; ento judubo gibitimo dubo; man ng’atu moko mbe ma kind judubo ma bing’eyo thelembe; ento ju ma gi riek gibing’eyo thelembe.

Matayo 15:14

Wekgi: gi jutelwidhanu ma gin de gin abinga. Man tek abinga telo wi abinga, gin ario de gibipodho i vur.

Matayo 21:19

E kan eneno ulam dhu yo, ebino i bang’e, enwang’u gin moko de mbe i wie, ento ithe kende; man ewacu ire kumae, Dong’ nyingi kud ucek i kumi ki cil nja ku nja. E ulam uner ndhu ndhu nica.

Matayo 25:10

E kinde ma gicidho ning’iewo, cwar mugole wok; e ju ma giyikri gimondo gikugi ba cemo mir ambadha: e juciko dhugola.

Matayo 5:45

kara wubed wot Wegwu ma ni i polo: kum eketho ceng’ pare dongo wi judubo ku jubero bende, man ekonjo koth wi ju ma pwe ku wi ju ma pwe ngo bende.

Matayo 5:6

Mugisa ni ju ma kec ku rieu de benegogi kum bedopwe: kum gibiyeng’.

Yohana 8:21

Ka kumeno ewacu igi kendo kumae, Aai woko man wubiyenya, e wubitho i dubo mu: ka m’acidho i ie wucopo bino ngo.

Juefeso 5:27

kara ethier ire gire kanisa ma en e dwong’, ma poyo de mbe kadi bel de mbe kadok wagi gin ma kumeno de; ento kara ebed leng’ ma mulima de mbe.

Jukolosai 1:22

ento kawono re dong’ ekwiowu i kum mi ring’kume ni kum tho, kara ethierwu i wang’e gire ma wu leng’ ma poyo de mbe adote de mbe:

2 Timoteo 3:13

Ento dhanu ma rac ku ju ma girambri de gibisagri asaga, gibibombo abombi gin de jubibombogi.

Yuda 1:24

Nie ni ng’atu ma copo kurowu kara kud wukier, m’ecopo kethowu wang’ dwong’ pare ma lembe mbe i wiwu i mutoro ma dit,

Lembanyutha 16:21

Man pei ma dit, ku ba pei ceke pekne va lelo, uai i polo loro piny wi dhanu: man dhanu gicido Mungu kum masendi mi pei; kum masendine e dit apila.

Lembanyutha 22:3

Man kwong’o kwong’ bidong’ bedo umbe kendo: man komker pa Mungu ku pa Nyathi Rombo bibedo i ie: jumiru pare de gibitimo ire;