Lembanyutha 22:1 - The Holy Bible In Alur (Lur) Revised Orthography

¹ Man enyutho ira kulo mi pi mi kwo, ma rieny calu kidi ma ie pelele, m’eai kud i komker pa Mungu man pa Nyathi Rombo,

Lembanyutha 22:1 ပူးပေါင်းရင်းမြစ်များ

Zaburi 46:4

Kulo ma dit nuti, ma pige nyayu mu toro i adhura pa Mungu, Kamaleng’ mi hema pa Ng’atu ma Malu Ngbir.

Isaya 41:18

Abiyabu kulo wi ka m’utingre m’ubedo mananu, man pi ma dhenyni i die poga; abidwoko langa ni kut mi pi, man ng’om m’uthwo ni kulo roi pi.

Isaya 48:18

A tek iwinjo lembang’ola para mire! kuno di kwiocwiny peri bedo calu kulo ma dit, man kuno di bedopwe peri bedo calu mukura mi nam:

Isaya 66:12

Kum Yehova wacu kumae, Nen, abicoro kwiocwiny i bang’e calu kulo ma dit, man dwong’ mi thek calu kulo m’upong’: e wubidhodho kume; jubiting’owu wi dir, man jubithorowu wi cong.

Yeremia 17:13

E Yehova, ma genogen mir Israel, jubinyayu lewic wi dhanu ceke m’uweki. Ju m’uweka jubikiewogi i ng’om, kum giweko Yehova, ma kulo mi pi mi kwo.

Yeremia 2:13

Kum dhanu para timo lem ma rac ario: giweka, ma kulo mi pi mi kwo, man gitong’o igi kulo m’atong’a, kulo m’atong’a m’ung’eny, ma pi copo bedo i ie ngo.

Zekaria 14:8

E ebitimbre i ceng’ maeca, nia pi mi kwo biai kud i Yerusalem: ng’ete kucel yo ba nam ma yo nyangu, ng’ete mucelo ke yo ba nam ma yo reto: ebibedo i nindo mi lietho man i nindo mi koyo.

Yohana 13:32

man Mungu bidwoke dwong’ i ie gire, e ebidoko dwong’ de pio.

Yohana 15:26

Ento ka Jajuk ubino, m’abioro i beng’wu m’uai ba Wego, en e Tipo mi lemandha, m’uai ba Wego, ebinyutho lembe pira:

Yohana 4:14

ento ng’atu ma tek umadhu pi m’amio ire rieu binege kendo ki ngo; ento pi m’abimio ire bidoko ni kulo ma dhenyni i ie ni kwo ma rondo ku rondo.

Tic Mi Jukwenda 2:33

Ka kumeno en ma judo de malu ba cing’ Mungu ma yor acwic, m’ejolo lembang’ola ma Wego ng’olo pi Tipo Maleng’, ekonjo gin maeni, ma wuneno wuwinjo de.

Lembanyutha 1:1

Lembanyutha pa Yesu Kristu, ma Mungu mio ire enyuth ni jumiru pare, cil gin ma fodi nyanok bikotimbre be: man eoro enyuthe ku malaika pare ni jatic pare Yohana;

Lembanyutha 21:11

m’ebedo ku dwong’ pa Mungu: derne calu mi kidi ma pire tek hai, calu en e kidi ma jukite ma pii pii, ma leng’ calu kidi ma ie pelele:

Lembanyutha 21:6

Man ewacu ira kumae, Gidaru timbri. An a Alfa kud Omega, ma thangambere ku kajik. Abimio kum pi ma dhenyni mi kwo k’abamba ni ng’atu ma rieupi nege.

Lembanyutha 21:9

Man acel ma kind malaika abiro ma gi weg tabu abiro, ma ginur ku masendi abiro macen ubino; man eweco kuda, ewacu kumae, Bin kue, abinyutho iri mugole, ma dhaku pa Nyathi Rombo.

Lembanyutha 22:17

Man Tipo ku mugole giwacu, Bin. Man ng’atu m’uwinjo, dong’ ewac, Bin. Man ng’atu ma rieupi nege, dong’ ebin: man ng’atu m’uyenyo, dong’ egam pi mi kwo k’abamba.

Lembanyutha 22:6

Man ewacu ira kumae, Lembe maeni gi mandha gin andha de: man Rwoth, Mungu mi tipo mi jubila, eoro malaika pare unyuth ni jumiru pare gin ma fodi nyanok bikotimbre be.

Lembanyutha 3:21

Ng’atu m’uloyo, abimie ejany kuda i komker para, calu an bende aloyo, man ajany waku Vwa i komker pare.

Lembanyutha 5:13

Man giracwia pa Mungu nzu kubang’gi ma ni i polo, ku ma wi ng’om, ku ma the ng’om, ku ma wi nam, ku gin ceke ma ni i igi bende, awinjo gibewacu kumae, Mugisa, ku yung, ku dwong’, man kero, ubed ni ng’atu m’ujany wi komker, man ni Nyathi Rombo, rondo ku rondo.

Lembanyutha 5:6

Man aneno Nyathi Rombo i kind komker man i kind yedi ma kwo ang’wen, man i kind judongo, ecungo, calu ma tek juthume, ma tunge abiro, wang’e de abiro ma gi Tipo abiro pa Mungu, ma juoro i ng’om yu.

Lembanyutha 7:17

kum Nyathi Rombo ma ni i kind komker ebibedo jakwac migi, man ebitelo wigi ba pi mi kwo ma dhenyni: man Mungu biyweyo piwang’ pet kud i wang’gi.