Lembanyutha 21:6 - The Holy Bible In Alur (Lur) Revised Orthography

⁶ Man ewacu ira kumae, Gidaru timbri. An a Alfa kud Omega, ma thangambere ku kajik. Abimio kum pi ma dhenyni mi kwo k’abamba ni ng’atu ma rieupi nege.

Lembanyutha 21:6 ပူးပေါင်းရင်းမြစ်များ

Zaburi 36:9

Kum kulo mi kwo ni i beng’i: I der peri wabineno der.

Isaya 12:3

Ka kumeno wubitwomo pi kud i kulo m’atong’a mi both ku mutoro.

Yeremia 2:13

Kum dhanu para timo lem ma rac ario: giweka, ma kulo mi pi mi kwo, man gitong’o igi kulo m’atong’a, kulo m’atong’a m’ung’eny, ma pi copo bedo i ie ngo.

Hoseya 14:4

Abicangu dokcen migi, abimarugi k’abamba; kum ng’ecwiny para lokre woko kud i bang’e.

Yoel 3:18

Man ebitimbre i ceng’ maeca, nia gudi bitono pigulok ma lim lim, man ungulu gudi bimolo cak man kulo ceke mi Yuda bimolo pi; man kulo mi pi bidhenjre kud i ot pa Yehova, man ebidwoko poga mi Citim ng’ic.

Yohana 4:10

Yesu dwoko lembe ewacu ire kumae, Tek ing’eyo giramia pa Mungu, ku ng’atu m’uwacu iri kumae, Mi ira amadhi; kuno di ipenje, man kuno di emio iri pi mi kwo.

Yohana 4:11

Dhakune wacu ire kumae, Rwoth, gin moko mbe i beng’i m’itwom ko, man kulone de thuth: ka kumeno inwang’u pi mi kwo maeni kani?

Yohana 4:14

ento ng’atu ma tek umadhu pi m’amio ire rieu binege kendo ki ngo; ento pi m’abimio ire bidoko ni kulo ma dhenyni i ie ni kwo ma rondo ku rondo.

Jurumi 3:24

ma jugonyo lembe m’i wigi mananu ni kum berone ni kum war ma ni i Kristu Yesu:

Jurumi 8:32

Ng’atu ma kukwero ngo nimio Wode ma dhe, ento ewodhe piwa ceke, ebimio iwa gin ceke k’abamba bende karacelo kude ngo nedi?

1 Jukorinto 2:12

Ento wajolo, tipo m’i ng’om ungo, ento tipo m’uai ba Mungu; kara wang’ei gin ma Mungu mio iwa k’abamba.

1 Jukorinto 3:12

Ento tek ng’atu moko begomo wi there mola ma kwar, man mola ma tar, ku kidi ma pire tek, ku yen, ku lum, ku soka;

1 Jukorinto 3:21

Kum kumeno dong’ ng’atu moko kud ulule pi dhanu. Kum gin ceke en e mu;

1 Jukorinto 3:5

Ka kumeno Apolo en e girang’o? man ke Paolo de en e girang’o? Gi jutim ma wuyio ni kumgi; man dhanu ceke kubang’gi kubang’gi ng’atuman bedo ko calu Rwoth umio ire.

Lembanyutha 1:11

m’uwacu kumae, Gin m’ineno, gor i kitabu man iore ba kanisa abiro: bang’ Efeso, ba Smurna de, ba Pergamo de, ba Thuatera de, ba Sardi de, ba Filadelfia de, man ba Laodikia bende.

Lembanyutha 1:17

E kan anene, apodho the tiende pami ng’atu m’utho. Man eketho cinge ma yor acwic i kuma, ewacu kumae, Lworo kud unegi; an a ma kwong’a ku ma cen de,

Lembanyutha 1:8

An a Alfa kud Omega, Rwoth Mungu wacu, ng’atu ma tic ma yang’ de etie m’ebibino bende, m’e Jategokpo.

Lembanyutha 10:6

man ekwong’o kwong’ ku ng’atu ma bedo rondo ku rondo, m’ecwio polo ku giki m’i ie, ku ng’om man giki m’i ie, ku nam de man giki m’i ie, ya galu bidong’ bedo nuti kendo ngo:

Lembanyutha 16:17

Man mir abirone konjo tabu pare i lietho; e dwal ma dit uai i hekalu, kud i komker, uwacu kumae, Etimbre:

Lembanyutha 22:13

An a Alfa kud Omega, ma kwong’a man ma cen, thangambere man kajik.

Lembanyutha 22:17

Man Tipo ku mugole giwacu, Bin. Man ng’atu m’uwinjo, dong’ ewac, Bin. Man ng’atu ma rieupi nege, dong’ ebin: man ng’atu m’uyenyo, dong’ egam pi mi kwo k’abamba.

Lembanyutha 3:14

Man ni malaika mi kanisa m’i Laodikia kieu kumae: Ng’atu ma Amen, m’e jamulembe mandha ma andha de, m’e thangambere mi giracwia pa Mungu, ewacu gin maeni:

Lembanyutha 7:17

kum Nyathi Rombo ma ni i kind komker ebibedo jakwac migi, man ebitelo wigi ba pi mi kwo ma dhenyni: man Mungu biyweyo piwang’ pet kud i wang’gi.