Lembanyutha 21:3 - The Holy Bible In Alur (Lur) Revised Orthography

³ Man awinjo dwal ma dit uai i komker uwacu kumae, Nen, hema pa Mungu ni karacelo ku dhanu, man ebibedo kugi, man gibibedo dhanu pare man Mungu ku kite bibedo karacelo kugi, ni Mungu migi:

Lembanyutha 21:3 ပူးပေါင်းရင်းမြစ်များ

1 Ubimo 8:27

Ento Mungu bibedo wi ng’om andha? nen, polo man polo m’i polo copo romi ngo; e ka ot maeni m’agomo biromi nenedi!

2 Lemkei 6:18

Ento Mungu bibedo karacelo ku dhanu mi ng’om andha? nen, polo ku polo m’i polo copo romi ngo; e ka ot m’agomo ke biromi kani!

Ai 25:8

Man wek gitim ira kamaleng’, kara abed i kindgi.

Ai 29:45

Man abibedo i kind nyithindho mir Israel, man abibedo Mungu migi.

Isaya 12:6

Lwong’ ma tek man ikoki, in i ng’atu m’ubedo i Sayuni; kum Ng’atu Maleng’ mir Israel e dwong’ i kindi.

Yeremia 31:33

Ento maeni lembariba m’abitimo ku ot mir Israel yo ng’ei ceng’ maeca, Yehova wacu: Abiketho cik para i igi, man abikiewe i adundegi; man abibedo Mungu migi, e gibibedo dhanu para.

Yeremia 32:38

Man gibibedo dhanu para, man abibedo Mungu migi:

Ezekiel 37:27

Hema para bende bibedo karacelo kugi; man abibedo Mungu migi, man gibibedo dhanu para.

Ezekiel 43:7

Man ewacu ira kumae. Wod dhanu, maeni ka mi komker para, man ka die tienda, ka in’abibedo ie i kind nyithindho mir Israel mi nja. Man ot mir Israel bicido nyinga ma leng’ kendo ngo, kadok gin, kadi ju m’ubimo migi, kud asara migi, man kud avu ju m’ubimo migi i ka ma malu migi;

Ezekiel 48:35

Ebibedo bol rubanga apar wi abora gbur: man nying adhurane ugambre i ceng’ maeca bibedo kumae, Yehova ni kuca.

Zekaria 13:9

Man abikelo ng’ete mir adege i mac, e abidwokogi leng’ calu judwoko mola ma tar leng’, man abiponjogi calu juponjo mola ma kwar. Gibilwong’o nyinga, man abiwinjogi: abiwacu kumae, En e dhanu para; man gibiwacu kumae, Yehova en e Mungu para.

Zekaria 8:8

man abikelogi, e gibibedo i kind Yerusalem; man gibibedo dhanu para, man abibedo Mungu migi, i lemandha man i bedopwe.

Kitabu Mir Ang’wende Pa Musa Wel 9:16

E ebedo kumeca ceng’ ceke: afuru ume, man enen calu mac ku diewor.

Yohana 1:14

Man Lembe doko kum, ebedo de i kindwa (man waneno dwong’ne, dwong’ ma calu pa nyodo ma kulong’ pa Wego), m’epong’ ku bero ku lemandha de.

Yohana 14:23

Yesu loko lembe ewacu ire kumae, Tek ng’atu moko mara, ebiworo lem para: Vwa de bimare, man wabibino i bang’e wabitimo kabedo mwa de i bang’e.

2 Jukorinto 6:16

Ribri manedi ma hekalu pa Mungu giribri ko gikud ayi gin m’acwia? kum wan wa hekalu pa Mungu ma kwo; cil calu Mungu wacu kumae, Abibedo i igi, man abiwotho i igi; man abibedo Mungu migi, man gibibedo dhanu para.

2 Jukorinto 6:18

Man abibedo iwu ni Wego, Man wubibedo ira ni wota ku nyiga, Rwoth ma Jategokpo wacu.

1 Jutesaloniki 3:11

Nie dong’ Mungu mwa man Wegwa en, ku Rwoth mwa Yesu, unyuth yo mwa i beng’wu:

Juebrania 11:16

Ento kawono ava ng’om ma ber m’usagu negogi, ma en e m’i polo: kum kumeno lewic unego Mungu ngo i kumgi, ma nia julwong’e Mungu migi; kum eyiko adhura igi.

Juebrania 8:10

Kum maeni lembariba m’abitimo ku ot pa Israel Yo ku ng’ei ceng’ maeno, Rwoth uwacu; Abiketho cik para i pidoigi, Man abigorogi wi adundegi bende: Man abibedo igi ni Mungu, Man gibibedo ira ni dhanu:

Juebrania 8:2

m’e jatim mi kamaleng’, man mi hema mandha, ma Rwoth uguro re, dhanu ngo.

Lembanyutha 10:4

Man ka morpolo abiro weco ku dwandgi, ayenyo nik agor: man awinjo dwal uai i polo wacu kumae, Mwon ayi kum lembe ma morpolo abiro wacu, kud igorgi agora.

Lembanyutha 10:8

Man dwal m’awinjo ai i polo, awinje kendo m’ebeweco kuda, man ewacu kumae, Cidhi, ting’ kitabu m’ubedo ayaba i cing’ malaika m’ucungo wi nam ku wi ng’om de.

Lembanyutha 12:10

Man awinjo dwal ma dit i polo, m’uwacu kumae, Kawono both uwok, man tego man ker pa Mungu mwa, ku ng’ol pa Kristu pare: kum jubolo jagob utumegwa piny, en m’egobogi i wang’ Mungu mwa dieceng’ ku diewor.

Lembanyutha 21:7

Ng’atu m’uloyo ebilagu gin maeni; man abibedo Mungu pare, man ebibedo woda.

Lembanyutha 22:3

Man kwong’o kwong’ bidong’ bedo umbe kendo: man komker pa Mungu ku pa Nyathi Rombo bibedo i ie: jumiru pare de gibitimo ire;

Lembanyutha 7:15

Ka kumeno gini i wang’ komker pa Mungu; man gitimo ire dieceng’ ku diewor i hekalu pare: man ng’atu m’ujany wi komker biguro hema pare i wigi.