Lembanyutha 21:23 - The Holy Bible In Alur (Lur) Revised Orthography

²³ Man adhurane can ceng’ umbe i kume, kadok mi dwi de, nia urieny i wie: kum dwong’ pa Mungu care, man thalane en e Nyathi Rombo.

Lembanyutha 21:23 ပူးပေါင်းရင်းမြစ်များ

Zaburi 84:11

Kum Yehova Mungu en e ceng’ man ban: Yehova bimio bero man dwong’: Gin moko ma ber umbe m’ebicero ni ju m’uwotho atira.

Isaya 2:10

Mond i cana, man ipond i utur, kud i wang’ ndiri pa Yehova, man ni der mi dwong’ pare.

Isaya 2:19

Man dhanu bicidho i odcana, man i odng’om, kud i wang’ ndiri pa Yehova, man ni der mi dwong’ pare, kinde m’eai kara eyeng ng’om gbe gbe.

Isaya 2:21

kara gicidh i odcana, man i kind cana m’ukak kud i wang’ ndiri pa Yehova, man ni der mi dwong’ pare, kinde m’eai kara eyeng ng’om gbe gbe.

Isaya 24:23

Cwiny dwi bilund ng’abre, man lewic bimaku ceng’: kum Yehova mir udul bicamu ker wi got Sayuni, man i Yerusalem; man dwong’ bibedo nuti wang’ judongo pare.

Isaya 30:26

Mange ke der mi dwi bibedo calu der mi ceng’, man der mi ceng’ jubimedo wang’ abiro, calu der mi ceng’ abiro, i ceng’ ma Yehova twio ie wang’ lero mi dhanu pare, man m’ecangu ie goc mi rem migi.

Habakuk 3:3

Mungu bino kud i Teman, Man Ng’atu Maleng’ kud i got Paran. Sela. Dwong’ pare umo polo. Man ng’om upong’ ku pak pare.

Matayo 16:27

Kum Wod dhanu bibino i dwong’ pa Won karacelo ku malaika pare; e ebilund mio ni dhanu ceke kubang’gi calku tic pare.

Marko 8:38

Kum ng’atu ma tek lewic binege i kuma kum lembe para de i kind dhanum’utuk maeni mi gier ku dubo de, Wod dhanu bende lewic binege i kume, kan ebino i dwong’ pa Won ku malaika maleng’ de.

Luka 2:32

En e der mi nyuthonyuth ni Thekdha numange, Man dwong’ mi dhanu peri Israel.

Yohana 1:14

Man Lembe doko kum, ebedo de i kindwa (man waneno dwong’ne, dwong’ ma calu pa nyodo ma kulong’ pa Wego), m’epong’ ku bero ku lemandha de.

Yohana 1:18

Ng’atu moko mbe ma foduneno Mungu nindo moko; Wode kulong’, m’eni i kor Wego, enyuthe.

Yohana 1:4

Kwo bedo i ie; man kwone en e der mi dhanu.

Yohana 1:9

Maeni en e der andha, ma menyo dhanu ceke kubang’gi m’ubino i ng’om.

Yohana 17:24

Vwa, ayenyo nia gin bende m’imio ira wabed kugi karacelo ka m’ani ie, kara ginen dwong’ para, m’imio ira: kum imara ma fodi ng’om ku thekre ngo.

Yohana 5:23

kara dhanu ceke giyung Wod cil calu giyungo Wego. Ng’atu m’uyungo Wod ungo eyungo Wego m’uore de ngo.

Tic Mi Jukwenda 22:11

E kan acopo neno piny ungo kum rieny mi der maeno, e ju ma wawotho wakugi gidong’ gipeya ku cinga ka wabino Dameski.

Lembanyutha 14:4

Joni gi ju ma gicido ngo ku mon; kum gi ju ma sumba. Joni gi ju ma gilubo Nyathi Rombo ku ba ka m’ecidho i ie ceke. Joni jung’iewogi kud i kind dhanu, ya gibed ni landu mwoka ni Mungu man ni Nyathi Rombo.

Lembanyutha 18:1

Yo ng’ei gin maeni malaika mange ai i polo loro piny, m’e won ng’ol ma dit; man ng’om ucare ku der mi dwong’ pare.

Lembanyutha 21:11

m’ebedo ku dwong’ pa Mungu: derne calu mi kidi ma pire tek hai, calu en e kidi ma jukite ma pii pii, ma leng’ calu kidi ma ie pelele:

Lembanyutha 21:25

Man dhugolane bibedo acika ki ngo ku dieceng’ (kum diewor bibedo umbe keca):

Lembanyutha 22:5

Man diewor bidong’ bedo umbe kendo; man can der mi thala, kadok mi ceng’ de binegogi ngo; kum Rwoth Mungu bimio igi der: man gibibimo bim rondo ku rondo.

Lembanyutha 5:6

Man aneno Nyathi Rombo i kind komker man i kind yedi ma kwo ang’wen, man i kind judongo, ecungo, calu ma tek juthume, ma tunge abiro, wang’e de abiro ma gi Tipo abiro pa Mungu, ma juoro i ng’om yu.

Lembanyutha 7:17

kum Nyathi Rombo ma ni i kind komker ebibedo jakwac migi, man ebitelo wigi ba pi mi kwo ma dhenyni: man Mungu biyweyo piwang’ pet kud i wang’gi.