Lembanyutha 21:22 - The Holy Bible In Alur (Lur) Revised Orthography

²² Man aneno hekalu i ie ngo: kum Rwoth Mungu ma Jategokpo, ku Nyathi Rombo de, gi hekalune.

Lembanyutha 21:22 ပူးပေါင်းရင်းမြစ်များ

1 Ubimo 8:27

Ento Mungu bibedo wi ng’om andha? nen, polo man polo m’i polo copo romi ngo; e ka ot maeni m’agomo biromi nenedi!

2 Lemkei 2:6

Ento ng’a ma copo gomo ire ot, kum polo man polo mi polo copo rome ngo? e ka an ke a ng’a, ma nia agom ire ot, ndhu kara awang’ udok ma ng’wice ng’ar i wang’e?

2 Lemkei 6:18

Ento Mungu bibedo karacelo ku dhanu mi ng’om andha? nen, polo ku polo m’i polo copo romi ngo; e ka ot m’agomo ke biromi kani!

Isaya 66:1

Yehova wacu kumae, Polo en e komker para, man ng’om en e dundpiny mi tienda: ot ma nedi ma wubigomo ira? man ka ma nedi ma bibedo kayom para?

Matayo 24:2

Ento eloko lembe ewacu igi kumae, Wuneno gin maeni ceke ngo? andha awacu iwu kumae, Jubiweko kidi acel de ngo keni wi wagi ma jukubibolo piny ungo.

Yohana 10:30

An waku Vwa wan acel.

Yohana 13:32

man Mungu bidwoke dwong’ i ie gire, e ebidoko dwong’ de pio.

Yohana 4:21

Yesu wacu ire kumae, Dhaku, yia, saa bino, ma wubirwo ie ni Wego wi goduni ngo, kadok i Yerusalem de ngo.

Yohana 4:23

Ento saa bino, man enuti kawono, ma ju ma jurwo mandha gibirwo ni Wego i tipo man i lemandha: kum Wego yenyo wagi ju maeni e ma gibed jurwo ire.

Jukolosai 1:19

Kum ebedo ber ni Wego ya pong’ mi gin ceke bed i ie;

Jukolosai 2:9

kum Rucwic upong’ thur i ie ma ku kum,

Lembanyutha 1:8

An a Alfa kud Omega, Rwoth Mungu wacu, ng’atu ma tic ma yang’ de etie m’ebibino bende, m’e Jategokpo.

Lembanyutha 11:17

giwacu kumae, Wafoi, E Rwoth Mungu, ma Jategokpo, m’inuti man yang’ inuti; kum igamu tego peri ma dit, man ibimo bim.

Lembanyutha 14:4

Joni gi ju ma gicido ngo ku mon; kum gi ju ma sumba. Joni gi ju ma gilubo Nyathi Rombo ku ba ka m’ecidho i ie ceke. Joni jung’iewogi kud i kind dhanu, ya gibed ni landu mwoka ni Mungu man ni Nyathi Rombo.

Lembanyutha 15:3

Man giwero wer pa Musa ma jamiru pa Mungu, ku wer pa Nyathi Rombo, giwacu kumae, Tic peri gi dwong’ ma wang’u ijo de, E Rwoth Mungu, ma Jategokpo; yo peri bedopwe man andha de, in Ubimo mi nja.

Lembanyutha 16:14

kum gi tipo pajogi, ma gibetimo giranyutha; ma gicidho woko bang’ ubimo m’i ng’om ngung’, nicokogi karacelo ni lwiny mi ceng’ ma dwong’ pa Mungu, ma Jategokpo.

Lembanyutha 16:7

Man awinjo pemblam uwacu kumae, Eyo, E Rwoth Mungu, ma Jategokpo, lembapoka peri en e andha pwe de.

Lembanyutha 19:15

Man palamularu ma bith uwok kud i dhoge, kara egoi kudo thek: man ebibimogi kud uluth mi nyunyu: man ebinyono pany mi lak kwinyo pa Mungu, ma Jategokpo.

Lembanyutha 4:8

E yedi ang’wen ma kwone, ma bombgi abusiel abusiel kubang’gi nzu, wang’gi romo kumgi ceke ku yor i ie de: man kayom umbe igi dieceng’ ku diewor, ma giwacu ko kumae, Leng’, leng’, leng’, Rwoth Mungu, ma Jategokpo, ma yang’ enuti man enuti m’ebibino de.

Lembanyutha 5:6

Man aneno Nyathi Rombo i kind komker man i kind yedi ma kwo ang’wen, man i kind judongo, ecungo, calu ma tek juthume, ma tunge abiro, wang’e de abiro ma gi Tipo abiro pa Mungu, ma juoro i ng’om yu.

Lembanyutha 7:15

Ka kumeno gini i wang’ komker pa Mungu; man gitimo ire dieceng’ ku diewor i hekalu pare: man ng’atu m’ujany wi komker biguro hema pare i wigi.

Lembanyutha 7:17

kum Nyathi Rombo ma ni i kind komker ebibedo jakwac migi, man ebitelo wigi ba pi mi kwo ma dhenyni: man Mungu biyweyo piwang’ pet kud i wang’gi.