Lembanyutha 21:2 - The Holy Bible In Alur (Lur) Revised Orthography

² Man aneno adhura ma leng’, Yerusalem ma nyen, m’ebeloro m’eai kud i polo ba Mungu, ma juyike calu mugole m’urukre ni nico pare.

Lembanyutha 21:2 ပူးပေါင်းရင်းမြစ်များ

Zaburi 87:3

Juyero gin mi dwong’ piri, E adhura pa Mungu. [Sela.

Isaya 1:21

Adhura mandha doko ni won asara mire ma! en ma naka epong’ ku pokolembe mire! naka bedopwe gonjo i ie, ento kawono junek.

Isaya 52:1

Ceu, ceu, rony tegoni, E Sayuni; rony kendi peri ma ber, E Yerusalem: adhura ma leng’; kum ugambre kawono ju ma yaa mbe kugi man m’ucido bimondo ii kendo ngo.

Isaya 54:5

Kum Jacwic peri en e nico peri; nyinge Yehova mir udul: man Ng’atu Maleng’ mir Israel en e Jawarni; jubilwong’e Mungu mi ng’om ngung’.

Isaya 61:10

Anyong’a binega dit ni kum Yehova, anyong’a binego ng’eyong’ec para ni kum Mungu para; kum eronya ku kendi mi both, euma ku kanzu mi bedopwe, calu won ambadha rukre gire ku jambruko, man calu mugole rukre gire ku jambruko pare.

Isaya 62:4

Jubilwong’i Udhuru kendo ngo; kadok ng’om peri de jubilwong’o Uvuru kendo ngo: ento jubilwong’i Hefziba, man ng’om peri Beyula; kum anyong’a nego Yehova i kumi, man ng’om peri bigambre.

Yeremia 31:23

Yehova mir udul, Mungu mir Israel uwacu kumae, Gibiweco wec maeni i ng’om mi Yuda man i adhurane, kinde m’adwoko ng’eca migi kendo; Yehova mi mugisa iri, E kabedo mi bedopwe, E gudi mi leng’cwiny.

Yohana 3:29

Ng’atu m’ubedo ku mugole en e cwar mugole: ento jarim cwar mugole, m’ucungo m’uwinje de, anyong’a kwa nege kum dwand cwar mugole: ka kumeno anyong’a maeni timbre kakare.

2 Jukorinto 11:2

Kum ngiri benega piwu en e ngiri ma ayi Mungu ni i kume: kum adhumowu ni nico acel, kara aterwu ni Kristu calu nyaku ma leng’ ma sumba.

Juebrania 11:10

kum ekio adhura maeni m’ubedo ku kathere, ma jagomne ku jatimne en e Mungu.

Juebrania 11:16

Ento kawono ava ng’om ma ber m’usagu negogi, ma en e m’i polo: kum kumeno lewic unego Mungu ngo i kumgi, ma nia julwong’e Mungu migi; kum eyiko adhura igi.

Juebrania 12:22

endre wun wubino ba got Sayuni, ni adhura de pa Mungu ma kwo, Yerusalem m’i polo, man ni udul malaika ma kwandre ngo,

Juebrania 13:14

Kum wabedo keni ngo kud adhura ma bedo, ento wayenyo adhura ma bibino.

Lembanyutha 1:1

Lembanyutha pa Yesu Kristu, ma Mungu mio ire enyuth ni jumiru pare, cil gin ma fodi nyanok bikotimbre be: man eoro enyuthe ku malaika pare ni jatic pare Yohana;

Lembanyutha 1:4

Yohana ni kanisa abiro ma tic i Asia: Bero iwu man kwiocwiny, m’uai ba ng’atu ma tic ma yang’ de etie m’ebibino de: m’uai de ba Tipo abiro ma gini nyim komker pare;

Lembanyutha 1:9

An a Yohana, m’umegwu man jarib wakudu i masendi ku ker ku twiocwiny ma gini i Yesu, nwang’u ani i cula ma julwong’o Patmo, kum lembe pa Mungu man kum lembatuca pa Yesu.

Lembanyutha 11:2

Man ponde ma yo woko kum hekalu weke woko, kud ipore; kum jumie ni thek: man gibinyono adhura ma leng’ dwi pier ang’wen wi ario.

Lembanyutha 21:10

Man eyeya i Tipo ba got ma dit ma wiu, man enyutho ira adhura ma leng’ Yerusalem, m’uai i polo ba Mungu ubeloro piny,

Lembanyutha 21:9

Man acel ma kind malaika abiro ma gi weg tabu abiro, ma ginur ku masendi abiro macen ubino; man eweco kuda, ewacu kumae, Bin kue, abinyutho iri mugole, ma dhaku pa Nyathi Rombo.

Lembanyutha 22:17

Man Tipo ku mugole giwacu, Bin. Man ng’atu m’uwinjo, dong’ ewac, Bin. Man ng’atu ma rieupi nege, dong’ ebin: man ng’atu m’uyenyo, dong’ egam pi mi kwo k’abamba.

Lembanyutha 22:19

man tek ng’atu moko bikabu kum lembe mi kitabu mi lembila maeni, Mungu de bikabu maka pare kud i yen mi kwo, man kud i adhura ma leng’, ma pire gore i kitabu maeni.

Lembanyutha 3:12

Ng’atu m’uloyo, abikethe ni mbegi i hekalu pa Mungu para, man ebiwok woko ku keca kendo ngo: man abigoro nying’ Mungu para i wie, man nying adhura pa Mungu para, ma Yerusalem ma nyen, m’uai i polo ba Mungu para loro piny, ku nyinga ma nyen an gira.