Lembanyutha 21:10 - The Holy Bible In Alur (Lur) Revised Orthography

¹⁰ Man eyeya i Tipo ba got ma dit ma wiu, man enyutho ira adhura ma leng’ Yerusalem, m’uai i polo ba Mungu ubeloro piny,

Lembanyutha 21:10 ပူးပေါင်းရင်းမြစ်များ

1 Ubimo 18:12

Man ebitimbre, kan aai i beng’i, nia Tipo pa Yehova biting’i teri i ka m’ang’eyo ngo; man kan abino ayero ni Ahab de, man ecopo nweng’i ngo, ebinega: ento an m’a jatic peri agamu lworo Yehova i aradu para.

2 Ubimo 2:16

E giwacu ire kumae, kawono nen, dhanu ma jutego pier abic gini ku jutic peri; Wakwei, wek gicidhi, man giyeny rwoth peri, kuno nyo Tipo Yehova ting’e, man ebole wi got moko, kadi i poga moko. Man ewacu kumae, Wubioro ngo.

Ezekiel 11:1

Mange ke Tipo ting’a malu, man etera ba dhugang’ ma yo nyangu mi ot pa Yehova, ma neno yo nyangu: man nen, i dhugola mi dhugange dhanu pier ario wi abic; man aneno Yazania ma wod Azur i kindgi, man Pelatia ma wod Benaya, ma gi judongomawijo mi dhanu.

Ezekiel 11:24

Man Tipo ting’a malu, man etera i ginmawokiwang’ ku Tipo pa Mungu i Kaldayo, ba ju mi ng’eca. Kum kumeno ginmawokiwang’ m’aneno idho malu kud i bang’a.

Ezekiel 3:14

Kum kumeno Tipo ting’a malu, man etera cen; man acidho i lembe ma kec, i lietho mi tipona; man cing’ Yehova e tek i kuma.

Ezekiel 8:3

Man erieyo ayi mi cing’, man emaka ku yukwia moko; e Tipo ting’a malu i die ng’om ku polo, man ekela i ginmawokiwang’ pa Mungu ba Yerusalem, ba dhugola mi dhugang’ mi lelagang’ ma yor i ie ma nen yor ariwa ma malu; ka ma kom mir ayi gin m’acwia mi nyeko ni i ie, ma nyayu nyeko.

Tic Mi Jukwenda 8:39

E kinde ma giai kud i pi, Tipo Rwoth urwinyo ku Filipo biti; e jamugumba dong’ unene kendo ngo, kum ecidho i yo pare ma anyong’a nege.

Jugalatia 4:26

Ento Yerusalem ma malu bedo agonya, ma en e megwa.

Lembanyutha 1:10

Nwang’u ani i Tipo i ceng’ pa Rwoth, e awinjo dwal ma dit yor i ng’eya, calu mir agwara,

Lembanyutha 11:2

Man ponde ma yo woko kum hekalu weke woko, kud ipore; kum jumie ni thek: man gibinyono adhura ma leng’ dwi pier ang’wen wi ario.

Lembanyutha 17:3

Man etera cen i Tipo cil i yamba: man aneno dhaku m’ubedo wi yedi ma kwar ngbo, m’epong’ ku nying’ mir acidi, ma wie abiro tunge ke apar.

Lembanyutha 21:2

Man aneno adhura ma leng’, Yerusalem ma nyen, m’ebeloro m’eai kud i polo ba Mungu, ma juyike calu mugole m’urukre ni nico pare.

Lembanyutha 3:12

Ng’atu m’uloyo, abikethe ni mbegi i hekalu pa Mungu para, man ebiwok woko ku keca kendo ngo: man abigoro nying’ Mungu para i wie, man nying adhura pa Mungu para, ma Yerusalem ma nyen, m’uai i polo ba Mungu para loro piny, ku nyinga ma nyen an gira.

Lembanyutha 4:2

E ndhu ndhu nica ani i Tipo: man nen, komker ukethre i polo, man ng’atu acel ujany wi komker;