Lembanyutha 20:9 - The Holy Bible In Alur (Lur) Revised Orthography

⁹ Man giidho malu gicori wi kalac mi ng’om, man gitieko kagonjo mi jumaleng’, kud adhura ma jumaru de: e mac uai i polo loro piny, man ecamugi.

Lembanyutha 20:9 ပူးပေါင်းရင်းမြစ်များ

Thangambere 19:24

Yehova lund ukonjo mac ku muganga wi Sodom man wi Gomora kud i polo ku ba Yehova;

2 Ubimo 6:15

E kinde ma jatic pa dhanu pa Mungu uai pir kugweno, man ewok woko, nen, udul utieko adhurane ku riuni man magali, E jatic pare wacu ire kumae, Aka, rwoth para! wabitimo nenedi?

Kitabu Pa Yob 38:18

Ing’eyo ng’om i kalacne? Yer, tek ing’eyo maeni ceke.

Zaburi 106:18

Man jucwinyo mac i kind udulgi; Lebmac uwang’u dhanu ma judubo;

Zaburi 87:2

Yehova maru dhugang’ mi Sayuni Ma sagu kabedo ceke pa Yakobo.

Zaburi 97:3

Mac wotho i wang’e, Man ewang’u jusend pare kun ku kun.

Isaya 30:33

Kum Kanyoth juyiko con; eyo, juyiko ni ubimo; etime thuth man lac; udhurune en e mac ku yen ma dit; yuyo pa Yehova, calu kulo mi muganga, ubecwinye.

Isaya 37:36

E malaika pa Yehova wok woko, man egoyo dhanu rubanga dak acel ku pier abora wi abic i kagonjo mi Juascuri; man kinde ma dhanu ai pir kugweno, nen, maeni ceke gin avu.

Ezekiel 38:16

man ibibino malu kum dhanu para Israel, calu afuru m’uumo ng’om: ebitimbre i nindo ma cen, nia abikeli kum ng’om para, kara thek ung’eya, kinde m’adwokra leng’ ni kumi, E Gog, i wang’gi.

Ezekiel 38:22

Man abimondo i pokolembe kude ku thong’om man ku rimo; man abicoro koth i wie, man wi udul pare, man wi kodhidhanu dupa ma gini kude, koth m’ucore ma dit, ku pei ma dit, man mac, ku muganga.

Ezekiel 38:9

Man ibiidho malu, ibibino calu wavuvu, ibibedo calu afuru ma umo ng’om, in, kud udul peri ceke, man kodhidhanu dupa karacelo kudi.

Ezekiel 39:6

Man abioro mac wi Magog, man wi ju m’ubedo museme i cula; e gibing’eyo nia an a Yehova.

Mika 2:13

Jamorpiny uidho i wang’gi: gimoro piny man gikadhu ba dhugang’, e giwok woko kudo; man ubimo migi kadhu i wang’gi, man Yehova ni i wigi.

Habakuk 1:6

Kum, nen, ating’o Jukaldayo, thek maeno ma gingoi ma vur vur de, ma givodho avodha kud i kalac mi ng’om, kara gimwony kabedo ma migi ngo.

Kitabu Mir Ang’wende Pa Musa Wel 11:1

Man dhanu gibedo calu jungedhe, ma gibeyero lem ma rac i ith Yehova: e kinde ma Yehova winjo maeni, ng’ecwiny pare opo; man mac pa Yehova wang’ i kindgi, man ewang’ i tung’ gonjo.

Kitabu Mir Ang’wende Pa Musa Wel 16:35

Man mac uai ba Yehova, e ewang’u dhanu dak ario ku pier abic ma githiero udok ma ng’wice ng’ar.

Luka 17:29

ento i ceng’ ma Lot uai i ie ku i Sodom, mac ku muganga ai i polo ucwi, unyothogi ceke:

Luka 19:43

Kum ceng’ biwok i kumi, ka jukwoji bidhuro ng’om i theri, man gibitieki kingli, man gibikuri kun ku kun ceke,

Luka 21:20

Ento ka wuneno njuru asikari ubetieko Yerusalem wulund wung’ei nia nyoth pare dhingo ceng’ni.

Luka 9:54

Ka julubne Yakobo ku Yohana gineno maeni, giwacu kumae, Rwoth, iyenyo walwong’ mac uai i polo lor piny, uwang’gi?

Poi Mi Cik 23:14

kum Yehova Mungu peri wotho i kind kagonjo peri, kara ebodhi, man kara emi judegini i weng’i; ka kumeno kagonjo peri bed leng’, kara kud enen gin m’ucido i beng’i, man elokre cen kud i kumi.

2 Jutesaloniki 1:8

m’eculo ko kwor ni ju m’ung’eyo Mungu ngo, man ni ju m’uworo lembanyong’a ma juboth ko pa Rwoth mwa Yesu ngo:

Juebrania 13:13

Ka kumeno dong’ wawoku woko i bang’e i ng’ei kagonjo, ma wayeyu ko cac pare.

Lembanyutha 11:5

Man tek ng’atu moko yenyo etimgi rac, mac ai kud i dhoggi man ecamu jukwojgi; man tek ng’atu moko biyenyo etimgi rac, ebikonegre kumeno be.

Lembanyutha 13:13

Man etimo giranyutha ma dit, kara eketh cil mac uai i polo ulor i ng’om i wang’ dhanu.