Lembanyutha 20:6 - The Holy Bible In Alur (Lur) Revised Orthography

⁶ Ng’atu m’ubedo ku maka pare i cer ma kwong’ane mugisa kwanye e leng’ de: tho mir arionde mbe ku tego wi ju maeni; endre gibibedo julam pa Mungu ku pa Kristu, man gibibimo gikugi rundi rubanga acel.

Lembanyutha 20:6 ပူးပေါင်းရင်းမြစ်များ

Isaya 4:3

Man ebitimbre, nia ng’atu m’udong’ i Sayuni, ku ng’atu m’udong’ i Yerusalem, jubilwong’o leng’, en e ku ba dhanu ceke ma jukiewoi kind ju ma kwo i Yerusalem;

Isaya 61:6

Ento jubilwong’owu julam pa Yehova; dhanu bilwong’owu jutim pa Mungu mwa: wubicamu lonyo mi thek, man wubilulu giwu ni kum dwong’ migi.

Daniel 12:12

Mugisa ni ng’atu m’ukuro, man m’utundo kum ceng’ rubanga acel ku dak adek ku pier adek wi abic.

Luka 14:15

Ka ng’atu acel m’i kind ju m’ubedo dhu cam karacelo kude winjo gin maeno, ewacu ire kumae, Mugisa ni ng’atu ma bicamu kwen i ker pa Mungu.

Jurumi 12:1

Ka kumeno, umego, akwayuwu ku kisa pa Mungu, ya wuthier kumwu ubed ni lam ma kwo, ma leng’, ma yire ni Mungu, ma en e rwo mu mi tipo.

Jurumi 8:17

man tek nyithindho, nwang’u jucampacu; jucampacu pa Mungu, man jucampacu karacelo ku Kristu; tek wasendra wakude, kara juyungwa karacelo wakude.

2 Timoteo 2:12

tek wamula ku cani, wabicamu ker wakugi: tek wabikwere, en bende ebikwerowa:

1 Petro 2:5

wun bende, calu kidi ma kwo, wugombru wi ot mi tipo, kara wubed ni lamulam ma leng’, ma wuthiero ko lam mi tipo, ma yire ni Mungu ni kum Yesu Kristu.

1 Petro 2:9

Ento wun wu thekdhanu ma jugoyo nyingwu, lamulam mi ker, thek ma leng’, dhanu mi piny ma dhe pa Mungu, kara wunyuth bero pare m’elwong’owu kud i mudko i der pare ma wang’uic:

Lembanyutha 1:6

man eketho wabed ni ker, julam ni Mungu pare man Won; dwong’ ku kero bed ire rondo ku rondo. Amen.

Lembanyutha 14:13

Man awinjo dwal m’uai i polo wacu kumae, Kieu kumae, Mugisa ni ju m’utho m’utho i Rwoth ugambre kawono: eyo, Tipo wacu, kara giyom ni tic migi ma gimuli kudo; kum tic migi lubogi.

Lembanyutha 2:11

Ng’atu ma ithe nuti, dong’ ewinj lembe ma Tipo yero ni kanisa. Ng’atu m’uloyo ebinwang’u remo mi tho mir arionde ngo.

Lembanyutha 20:14

Man tho ku Hadeya de jubayugi i nammac. Maeni en e tho mir arionde, ma en e nammac.

Lembanyutha 21:8

Ento ni julworo, ku ju ma gi juyic ungo, ku ju ma gi gin mir adegi, ku juneg nek, ku weg tarwang’, ku weg jogi, ku ju ma rwo ni ayi gin m’acwia, ku jundra ceke bende, maka migi bibedo i nam ma wang’ ku mac ku muganga bende; ma en e tho mir arionde.

Lembanyutha 22:5

Man diewor bidong’ bedo umbe kendo; man can der mi thala, kadok mi ceng’ de binegogi ngo; kum Rwoth Mungu bimio igi der: man gibibimo bim rondo ku rondo.

Lembanyutha 22:7

Man nen, abino pio. Mugisa ni ng’atu m’uworo lembe mi lembila mi kitabu maeni.

Lembanyutha 3:21

Ng’atu m’uloyo, abimie ejany kuda i komker para, calu an bende aloyo, man ajany waku Vwa i komker pare.

Lembanyutha 5:10

man iketho gibed ni ker ku julam de ni Mungu mwa; man gibimo bim wi ng’om.