Lembanyutha 20:4 - The Holy Bible In Alur (Lur) Revised Orthography

⁴ Man aneno komker, ku ju m’ujany i wigi, man pokolembe mire igi: man aneno kwo mi ju ma juthumo wigi pi lembatuca pa Yesu, man pi lembe pa Mungu, man wagi ju ma girwo ngo ni yedi, kadok ni ayine, ma gijolo kiedo ngo ternyimgi kud i cing’gi de; man gibedo, gibimo de giku Kristugi rundi rubanga acel.

Lembanyutha 20:4 ပူးပေါင်းရင်းမြစ်များ

Daniel 2:44

Man i nindo mir ubimo maeno Mungu m’i polo biketho ker ma binyothre ngo rondo ku rondo, kadok camukerne de jubiweko ngo ni dhanu mi thek mange; ento ebituro nziki nziki man ebijigo ker maeni ceke, man ebicungo mi nja.

Daniel 7:18

Ento jumaleng’ pa Ng’atu ma Malu Ngbir bijolo ker, man gibibedo wi ker nja, cil mi rondo ku rondo.

Daniel 7:22

maram ng’atu m’uti mi ceng’ uwok ko, e lembapoka mire ni jumaleng’ pa Ng’atu ma Malu Ngbir, man nindo wok ma jumaleng’ ucamu ie ker.

Daniel 7:27

Man ker ku bimobim, ku dwong’ mi ker ma the polo dho, jubimio ni dhanu mi jumaleng’ pa Ng’atu ma Malu Ngbir: ker pare en e ker ma rondo ku rondo, man bimobim ceke gibitimo ire man gibiwore.

Daniel 7:9

Aneno maram juketho ko komker, man ng’atu m’uti mi ceng’ ujany: kendi pare tar calu pei, man yukwie calu yuk rombe ma leng’; komker pare lebmac m’uliel, ukobrene mac m’uliel.

Malaki 4:5

Nen, abioro iwu Elia ma jabila ma fodi ceng’ ma dit mi ndiri pa Yehova fok’uwok ungo.

Matayo 19:28

E Yesu wacu igi kumae, Andha awacu iwu, Nia wun ma wulubo ng’eya, i nyol ma nyen ka Wod dhanu bijany wi komker mi dwong’ pare, wun bende wubijany wi komker apar wi ario, ma wupoko ko lembe ni suru apar wi ario mir Israel.

Matayo 24:10

Dhanu dupa de bilund kier, gibimiri de, man gibidagri.

Marko 6:16

Ento Herode, kan ewinjo pire, ewacu kumae, Yohana, m’athumo wie, ecer.

Marko 6:27

E sieu maeni ubimo oro asikari acel ma kind ju ma kuro kume, eng’olo de ya ecidh ekel wie: man ecidho ethumo wie i odkol,

Marko 9:11

E gipenje, giwacu kumae, Ebedo nenedi ma jugorcik giwacu nia Elia bikolar bino be e?

Luka 1:17

Man ebicidho i wang’e i tipo ku tego pa Elia, niloko adunde wego ni nyithindho, juco de niwotho i rieko mi weg bedopwe; niyau dhanu m’ubedo ayika ni Rwoth.

Luka 14:14

e mugisa bikwenyi: kum gin moko mbe kugi ma gicul kawang’e: kum ebicule iri i cer mi weg bedopwe.

Luka 22:30

kara wucam wumadh de dhu mesa para i ker para; man wubijany wi komker ku poko lembe wi suru apar wi ario mir Israel.

Yohana 14:19

Fodi nyanok, e ng’om binena kendo ngo; ento wun wunena: kum abedo kwo, wun bende wubibedo kwo.

Jurumi 11:15

Kum tek cor ma jucoro kogi cen en e pot ma jupoto ko ng’om, joi ma jujolo kogi ke bibedo girang’o, ndhu kwo ngo m’uai ba ju m’utho?

Jurumi 8:17

man tek nyithindho, nwang’u jucampacu; jucampacu pa Mungu, man jucampacu karacelo ku Kristu; tek wasendra wakude, kara juyungwa karacelo wakude.

2 Timoteo 2:12

tek wamula ku cani, wabicamu ker wakugi: tek wabikwere, en bende ebikwerowa:

Lembanyutha 1:2

m’enyutho pi lembe pa Mungu, man pi lembatuca pa Yesu Kristu, cil gin ceke m’eneno.

Lembanyutha 1:9

An a Yohana, m’umegwu man jarib wakudu i masendi ku ker ku twiocwiny ma gini i Yesu, nwang’u ani i cula ma julwong’o Patmo, kum lembe pa Mungu man kum lembatuca pa Yesu.

Lembanyutha 11:11

Man yo ng’ei ceng’ adek ku ng’ete e lietho mi kwo m’uai ba Mungu mondo i igi, man gicungo wi tiendgi; e lworo ma dit upodho wi ju m’unenogi.

Lembanyutha 11:15

Man malaika mir abirone kudho agwara; m’ulubo maeno dwal ma dit i polo, man giwacu kumae, Ker m’i ng’om udoko ker pa Rwoth mwa, man pa Kristu pare: man ebibimo bim rondo ku rondo.

Lembanyutha 11:3

Man abimio ni jumulembe para ario, man gibiewo ceng’ rubanga acel ku dak ario ku pier abusiel, ma gikendo gonia.

Lembanyutha 11:7

Man ka gibidaru lembatuca migi, yedi m’uai i longro ma there mbe ebitimo lwiny kugi, ebiloyogi de, man ebinegogi.

Lembanyutha 12:11

Man givoye ni kum rimb Nyathi Rombo, man ni kum wec mi lembatuca migi; man gimaru kwo migi ngo cil ni tho.

Lembanyutha 14:11

man yiro mi ndiba migi idho malu rondo ku rondo; man yom umbe igi dieceng’ ku diewor, gi ju m’urwo ni yedi kud ayine de, ku ju m’ujolo kiedo mi nyinge.

Lembanyutha 15:2

Man aneno gin ma calu nam mi kieu m’ujebre ku mac: ku ju m’uloyo kum lembe mi yedi, man kum ayi pare, man kum wel nyinge, gicungo dhu nam mi kieu, man gi weg adungu pa Mungu.

Lembanyutha 17:8

Yedi m’ineno yang’ enuti, man embe: man edhingo ai i longro ma there mbe, m’ecidho ko i kanyothri. E ju m’ubedo wi ng’om igi biwang’ lii, gi ju ma nying’gi kugore ngo i kitabu mi kwo ugambre i thek ma ng’om uthekre ko, ka gineno yedi, maram yang’ enuti, man embe, man ebibino.

Lembanyutha 2:26

Man ng’atu m’uloyo, ku ng’atu m’ukuro tic para de cil i kajikne, abimie ng’ol wi thek:

Lembanyutha 20:6

Ng’atu m’ubedo ku maka pare i cer ma kwong’ane mugisa kwanye e leng’ de: tho mir arionde mbe ku tego wi ju maeni; endre gibibedo julam pa Mungu ku pa Kristu, man gibibimo gikugi rundi rubanga acel.

Lembanyutha 22:5

Man diewor bidong’ bedo umbe kendo; man can der mi thala, kadok mi ceng’ de binegogi ngo; kum Rwoth Mungu bimio igi der: man gibibimo bim rondo ku rondo.

Lembanyutha 3:21

Ng’atu m’uloyo, abimie ejany kuda i komker para, calu an bende aloyo, man ajany waku Vwa i komker pare.

Lembanyutha 4:4

E komker pier ario wi ang’wen udhoko komkerne gbur; man aneno judongo pier ario wi ang’wen ujany wi komkerne, gironyo kendi ma tar; man jamkermiwic mi mola ma kwar ni i wigi.

Lembanyutha 6:9

Man kan ealu ayi mir abije, aneno the pemblam kwo mi ju ma junego pi lem pa Mungu, man pi lembatuca ma gibedo kudo:

Lembanyutha 7:3

ewacu kumae, Kud wutim ng’om rac, kadok nam, kadi yedhi, ma fodi wakuketho ayi temyim jumiru pa Mungu mwa.