Lembanyutha 20:2 - The Holy Bible In Alur (Lur) Revised Orthography

² Man emaku ng’ec, ma thwol ma con, ma en e Wonabali ku Jok, man etwie mi rundi rubanga acel,

Lembanyutha 20:2 ပူးပေါင်းရင်းမြစ်များ

Thangambere 3:1

Nwang’u thwol riek ma sagu yedi mange ceke m’i thim ma Yehova Mungu cwio. Man ewacu ni dhaku kumae, Meno te, Mungu wacu kumae, Kud wucam kum nying’ yen ceke m’i podho?

Thangambere 3:15

man abinyayu amone i kindwu wuku dhaku, man i kind kodhini ku kodhine: ebicanyu wii, man ibitong’o ufunytiende.

Kitabu Pa Yob 1:7

E Yehova wacu ni Jok kumae, Iai kani? Jok ulund udwoko lembe ni Yehova, man ewacu kumae, Aai wotho kun ku kun i ng’om, man aai wotho malu man piny i ie.

Isaya 24:22

E jubicokogi karacelo, calu jucoko jukol i vur, man jubiciko bang’gi i odkol; e yo ng’ei nindo dupa jubiliewogi.

Isaya 27:1

I nindo raaeca Yehova bisendo nyang’ ma dit ma thwol ma ringo pio ku palamularu pare ma tek man ma dit ku ma nwang’ de, man nyang’ ma dit ma thwol ma gonda gonda; man ebinego ng’ec ma ni i nam.

Ezekiel 47:5

Yo ku ng’eye eporo rubanga acel; man en e kulo ma dit m’acopo kadhu kud i ie ngo; kum pige dongo, en e pi ma jukwang’ i ie akwang’a, en e kulo ma dit ma jucopo kadhu ngo.

Matayo 19:29

Man ku ba dhanu nzu m’uweko udi, kadi umego, kadi nyimego, kadi wego, kadi mego, kadi nyithindho, kadi ng’om pi nyinga, ebinwang’u acel bang’ dak man ebicamu pacu mi kwo ma rondo ku rondo.

Matayo 8:29

Man nen, gikok akoka, giwacu kumae, Wabedo kud ang’o wakudu, in i Wod Mungu? ibino kuni nisendowa ma fodi kanindone kutundo ngo?

Marko 4:15

Ju maeni gi ju ma gibedo dhu yo, ka ma jucoyo ie lembe; ka giwinjo de, e ndhu ndhu nica Jok ubino, ekabu lembe ma jucoyo i igi woko.

Marko 5:7

ekok ku dwande ma tek, ewacu kumae, Lembe mwa ang’o wakudi, Yesu, in i Wod Mungu ma Malu Ngbir. Aketho ikwong’o ba Mungu, kud imi ira ndiba.

Yohana 12:31

Kawono pokolembe mi ng’ombuni nuti: kawono jubibayu jadit mi ng’ombuni woko.

Yohana 16:11

pi pokolembe, kum lem pa jadit mi ng’ombuni daru pokre.

Jurumi 16:20

Man Mungu mi kwiocwiny binyono Jok the tiendwu fodi nyanok. Bero pa Rwoth mwa Yesu Kristu bed i beng’wu.

Juebrania 2:14

Kum nwang’u nyithindho gr jurib ring’o ku rimo, en gire bende egamu maeno nino kumeca; kara ni kum tho ethir ng’atu ma jatego mi tho, ma en e wonabali;

1 Petro 5:8

Wubed nger, wuki de; jakwojwu ma wonabali, calu umvor m’ubeywak, ubewotho ku ku ku, m’ebeyenyo ko ka ng’atu m’ecam:

2 Petro 2:4

Kum tek Mungu weko malaika m’udubo ngo, ento ebologi i gehena, man ekethogi i vur mi mudho, ma jugwoko kogi cil ni pokolembe;

Yuda 1:6

Man ke malaika de ma gigwoko ka ker migi gigi ngo, ento giweko kakagi m’umakugi, egwoko i kol ma nja ku nja the mudho, cil i lembapoka mi ceng’ ma dwong’ nini.

Lembanyutha 12:13

Man ka ng’ec uneno nia jubole piny i ng’om, enyayu ragedo kum dhaku m’unyolo nyathin ma nico.

Lembanyutha 12:15

Man thwol uthwogo pi ma calu kulo kud i dhoge i tok dhakune, kara kulone mole.

Lembanyutha 12:17

Man kwinyo nego ng’ec dwanya kum dhakune, man ecidho nitimo lwiny ku kodhi dhakune m’udong’, m’ugwoko lembang’ola pa Mungu, m’umaku lembatuca pa Yesu Kristu de:

Lembanyutha 12:3

E giranyutha mange nen i polo: man nen, ng’ec ma dit ma kwar, ma wie abiro tunge ke apar, man jamkermiwic abiro ni i wie.

Lembanyutha 12:4

Man yibe telo theng cero mir adege m’i polo, man ebologi i ng’om: man ng’ec ucungo wang’ dhaku ma ceng’ni nyol, kara kinde m’enyol emwony nyathin pare.

Lembanyutha 12:9

Man jubolo ng’ec ma dwong’ piny, en e thwol ma con, en ma julwong’e Wonabali man Jok, en m’e jawondi mi ng’om ngung’; jubole piny i ng’om, man malaika pare de jubologi piny gikugi.

Lembanyutha 13:2

Man yedine m’aneno ayine pamir ayi ng’u, man tiende pa tiend wai, dhoge ke pami dhu umvor: man ng’ec umio tego pare ire, ku komker pare, ku ng’ol ma dit.

Lembanyutha 13:4

man girwo ni ng’ec, kum emio ng’ol pare ni yedi; man girwo ni yedine, giwacu kumae, Ng’a ma calu yedi maeni? man ng’a ma copo kiedo lwiny kude?

Lembanyutha 20:10

Man wonabali m’ubombogi jubole i nammac ku muganga bende, ka ma yedi ku jabila mi ndra bende gini ie; man jubimio igi ndiba dieceng’ ku diewor rondo ku rondo.

Lembanyutha 20:7

Man ka rundi rubanga acel uthum, jubigonyo Jok kud i kol pare,

Lembanyutha 9:11

Ubimo m’i wigi de nuti ma en e malaika mi longro ma there mbe: nyinge ma ku dhu Juebrania en e Nyoth, man ku dhu Juyunani ke nyingene Janyoth.