Lembanyutha 20:13 - The Holy Bible In Alur (Lur) Revised Orthography

¹³ Man nam uwodho ju m’utho ma ni i ie: man tho ku Hadeya de giwodho ju m’utho ma ni i igi: man jupoko lembe migi kubang’gi kubang’gi ng’atuman calku tic pare.

Lembanyutha 20:13 ပူးပေါင်းရင်းမြစ်များ

Isaya 26:19

Avu peri bibedo kwo; avu para gibicer. Wuceu man wuwer wer, wu ju m’ubedo i utur; kum thoi peri en e calu thoi mir uboko, e ng’om biwodho avu.

Hoseya 13:14

Abiwarugi kud i tego mi liel: abiwarugi kud i tho: E tho, masendi peri ni kani? E liel, nyoth peri ni kani? lokocwiny bibedo apana ni wang’a.

Matayo 11:23

In de, Kapernaum, jubiyungi malu i polo’ ibicidho piny i Hadeya: kum tek tic ma tek m’utimbre ii utimbre i Sodom, kuno di enuti cil eni.

Matayo 16:27

Kum Wod dhanu bibino i dwong’ pa Won karacelo ku malaika pare; e ebilund mio ni dhanu ceke kubang’gi calku tic pare.

1 Jukorinto 15:26

Jakwor macen ma bikabre en e tho.

Lembanyutha 1:18

man ng’atu ma Kwo; an ma nwang’u atho, man nen, abedo kwo mi rondo ku rondo, man abedo ku kifungula mi tho man mi Hadeya.

Lembanyutha 2:23

Man abinego nyithindho pare ku tho; man kanisa ceke gibing’eyo nia an a ng’atu ma sayu i ic kud adunde: man abimio iwu kubeng’wu kubeng’wu calku tic mu.

Lembanyutha 20:12

Man aneno ju m’utho, ju ma dongo ku ju ma thindho, ma gicungo wang’ komker; e juyabu kitabu: man juyabu kitabu mange de, ma en e kitabu mi kwo: man jupoko lembe mi ju m’utho ku gin m’ugore i kitabune, calku tic migi.

Lembanyutha 20:14

Man tho ku Hadeya de jubayugi i nammac. Maeni en e tho mir arionde, ma en e nammac.

Lembanyutha 21:4

man ebiyweyo piwang’ pet kud i wang’gi; man tho bibedo nuti i kendo ngo; kadok can, kadi ywak, kadok remokum de bibedo nuti kendo ngo: gin i ma kwong’a daru kadhu.

Lembanyutha 6:8

E aneno, man nen, riuni ma foo: man ng’atu m’ubedo i wie, nyinge Tho; man Hadeya de lubo ng’eye. Man jumio igi ng’ol wi ng’et ng’om mir ang’wende, ya gineg ku palamularu, ku ndru de, man ku thong’om, man ku yedi ma kwiny m’i ng’om.