Lembanyutha 2:3 - The Holy Bible In Alur (Lur) Revised Orthography

³ man twiocwiny nuti i beng’i man iciro cir pi nyinga, man iol ungo.

Lembanyutha 2:3 ပူးပေါင်းရင်းမြစ်များ

Zaburi 37:7

Yom i Yehova, man ikure ku twiocwiny: Cwinyi kud uring kum ng’atu ma yo pare bedo miero, Kum ng’atu m’uketho lembapora ma rac utimbre.

Zaburi 69:7

Kum ayeyo cac ni kumi; Lewic uumo wang’a.

Mika 7:9

Abiciro ng’ecwiny pa Yehova, kum adubo ire, maram ebikoro ko i lembe para, man etim lembapoka ira: ebiwodha woko ba der, e abineno bedopwe pare.

Marko 15:21

Man gicung’o ng’atu acel m’ubekadhu akadha, Simon ma Jakurene, m’uai i thim, m’e won Iskander giku Rufo, ya gici gikugi, kara eyei yen m’athara pare.

Luka 14:27

Ng’atu ma tek kuyeyo yen m’athara pare ngo, elubo ko ng’eya, ecopo bedo jalubna ngo.

Luka 18:1

Man eyero lembabola igi nia dong’ girwo thiri thiri, cwinygi kud uai;

Luka 21:19

I twiocwiny mu wubibodho kwo mu.

Luka 5:5

Simon uloko lembe ewacu kumae, Japonji, wamula ku tic ku diewor soro, e wakwanyu gin moko ngo: ento kum lem peri abiluro voi.

Luka 8:15

Maeno m’i ng’om ma ber ke, joni gi calu ju m’uwinjo lembe i adunde ma ber ma cu de, ma ka giwinjo lembe, gimoko kume ki, man gicego nying’gi ku twiocwiny.

Yohana 15:21

Ento gin maeni ceke gibitimo i kumwu pi nyinga, kum ging’eyo ng’atu m’uora ngo.

Jurumi 12:12

ma anyong’a benegowu i genogen; ma wutwio ko cwinywu i masendi; ma wubedo ko asu i rwo;

Jurumi 16:12

Wumoth Trufaina ku Trufosa, ma gimuli ku tic i Rwoth. Wumoth Persi ma jamer, m’emule dit ku tic i Rwoth.

Jurumi 2:7

ni ju ma ni kum twiocwiny i timober giyenyo dwong’ ku yung man nyothri ngo, kwo ma rondo ku rondo:

Jurumi 8:25

Ento tek wageno gin ma waneno ngo, e walund wakure ku twiocwiny.

1 Jukorinto 13:7

emule ku gin ceke, eyio gin ceke, egeno gin ceke, eciro gin ceke.

1 Jukorinto 16:16

ya wun bende wubed wor ni wagi ju ma kumeno, man ni dhanu ceke kubang’gi kubang’gi ma gikonjri gikugi i tic man gimuli i tic.

2 Jukorinto 10:15

ma wakulula ko ngo ma sagu kapor mwa, i tic ma jumange gimuli ko; endre ma wabedo ku genogen nia, calu yioyic mu bedongo, e wabidoko dit ni kumwu calku jampor mwa ni sag ma jusagri ko,

2 Jukorinto 11:23

Gin gi jutim pa Kristu? (Ayero calu abelu) an e m’asagu; i tic m’amula ko ma sagu dit, i kol ma sagu dit, ku wang’ goc ma kaporne mbe, i tho wang’ udul.

2 Jukorinto 4:1

Ka kumeno kum wabedo ku tim maeni, calu wanwang’u kisa, e wavoc ungo:

2 Jukorinto 4:16

Kum kumeno wavoc ungo; ento kadok ng’atu mwa ma yo woko betop, ento ng’atu mwa ma yor i iwa doko nyen ku ba rupiny ku ba rupiny.

2 Jukorinto 5:9

Kum kumeno bende wakeco mwa, nia kadok wani thuwa kadi wambe, wabed ma wanyayu mutoro i ie.

2 Jukorinto 6:5

ku wang’ goc, ku kol, i yakni, kud i tic ma jumuli ko, kud i kurokur, kud i kwirocam;

Jugalatia 6:2

Wuyei ter mi juwedwu man pa wadi man pa wadi, e wuketh cik pa Kristu timbre kakare kumeno.

Jugalatia 6:9

Man ku waol ku timo tic ma ber: kum ka kakare tundo wabikayp, tek wavoc ungo.

Jufilipi 2:16

ma wubethiero lembe mi kwo; kara abed ku gin moko m’abin alula i kume i ceng’ pa Kristu, ya aringo mananu ngo kadi amula ku tic de mananu ngo.

Jufilipi 4:3

Eyo, akwei ma tek bende, jatic ma ku mberembere andha, kony mon maeni, kum wamula ku tic wakugi i lembanyong’a ma juboth ko, ku Klement bende, man jutic wada m’udong’ de, ma nying’gi ni i kitabu mi kwo.

Jukolosai 1:11

ma wudoko tek ku tego ceke, calku tek mi dwong’ pare, ni twiocwiny ceke ku mwonyolembe ma jumwonyo hai ku mutoro:

1 Jutesaloniki 1:3

ma wapoi ko areri kum tic mu i yioyic man tic mu i mer ma wumulu kudo ku twiocwiny mu mi genogen i Rwoth mwa ma Yesu Kristu, i wang’ Mungu mwa ku Wegwa;

1 Jutesaloniki 2:9

Kum wupoi, umego, pi tic ma wamula ko ku sendri: ma wabewatimo diewor ku dieceng’, kara ku wanur kindwu moko, wayero iwu lembanyong’a ma juboth ko pa Mungu.

1 Jutesaloniki 5:12

Ento wakwayuwu, umego, ya wung’ei ju ma gimuli ku tic i kindwu, man gini i wiwu i Rwoth, man gijukowu;

2 Jutesaloniki 3:13

Ento wun, umego, kud wuol ku timo ber.

2 Jutesaloniki 3:5

Dong’ Rwoth utel adundewu i mer pa Mungu, man i twiocwiny pa Kristu.

2 Jutesaloniki 3:8

kadi wacamu kwen mananu de ngo i cing’ ng’atu moko, ento i muli mi tic man i sendri, watimo diewor ku dieceng’, kara ku wanur ng’atu moko m’i kindwu:

1 Timoteo 4:10

Kum lembe nini wabemula ku tic man wabeii aiia, kum genogen mwa ndhu ni yo ba Mungu ma kwo, m’e Jalar mi dhanu yu, ndhu mi ju m’uyie.

1 Timoteo 5:17

Maku judongo m’ubimo bim cu dong’ jukwan ya giromo ku yung ma juyungo kojo wang’ ario, ma dhene re ju ma gimuli ku tic mi lembe ku mi ponji de.

Juebrania 10:36

Kum can twiocwiny ubenegowu, kara, wun ma wudaru timo yeny ma Mungu yenyo, wujol lembang’olane.

Juebrania 12:1

Ka kumeno dong’ wan bende, kum afuru mi jumulembe ma dit ma kumeni betiekowa, wawenyu ter ma pek kubang’e kubang’e, ku dubo ma rubowa tho tho kumeni, man dong’ waringu ku twiocwiny i kwaya ma juketho i wang’wa,

Juebrania 13:13

Ka kumeno dong’ wawoku woko i bang’e i ng’ei kagonjo, ma wayeyu ko cac pare.

Juebrania 6:10

kum Mungu en e won gondri ngo ma nia wie wil kum tic mu man mer ma wunyutho kum nyinge, kum wutimo ni jumaleng’, man wubetimo asu.

Juebrania 6:12

kara kud wubed ku molkum, endre wubed jupor mi jucampacu mi lembang’ola ni kum yioyic ku twiocwiny.

Juebrania 6:15

Man kumeno, kan edaru ciro ku twiocwinye, enwang’u lembang’olane.

2 Petro 1:6

i ng’eyong’ec mu ke kwerigijo; i kwerigijo mu ke twiocwiny; i twiocwiny mu ke bedo ma ayi Mungu ni i kume;

Lembanyutha 1:9

An a Yohana, m’umegwu man jarib wakudu i masendi ku ker ku twiocwiny ma gini i Yesu, nwang’u ani i cula ma julwong’o Patmo, kum lembe pa Mungu man kum lembatuca pa Yesu.

Lembanyutha 3:10

Kum igwoko lembe mi twiocwiny para, an bende abigwoki ni saa mir abidhe, saa maeno ma bibino wi ng’om ngung’, nimulo i ju m’ubedo wi ng’om.