Lembanyutha 2:27 - The Holy Bible In Alur (Lur) Revised Orthography

²⁷ man ebibimogi ku dul mi nyunyu, calu agulu pa jacwiagulu ng’eny nziki nziki; calu an bende ajolo ba Vwa;

Lembanyutha 2:27 ပူးပေါင်းရင်းမြစ်များ

Zaburi 49:14

Jukethogi calu udul rombe ni liel; Tho bibedo jakwac migi: Man ju m’atira bicamu ker i wigi kugweno; Man leng’kumgi bibedo ni liel kara udare, Kara kabedo moko bed umbe ire.

Isaya 30:14

Man ebing’enye calu agulu pa jacwiagulu ng’eny, m’eng’enye nziki nziki m’eweko ngo; ketho nia ebinwang’u dekle ngo i kind kodine m’ecopo gamu ko mac i kendo, kadi m’etwom ko pi kud i kulo m’atong’a.

Yeremia 19:11

man ibiwacu igi kumae, Yehova mir udul uwacu kumae, Abituro dhanu maeni kud adhura maeni kumeni, calu ng’atu moko turo agulu pa jacwiagulu, ma jucopo dwoko dho kendo ngo; e gibiyiko i Tofeth, maram ka moko bibedo umbe ma juyik i ie.

Daniel 7:18

Ento jumaleng’ pa Ng’atu ma Malu Ngbir bijolo ker, man gibibedo wi ker nja, cil mi rondo ku rondo.

Daniel 7:22

maram ng’atu m’uti mi ceng’ uwok ko, e lembapoka mire ni jumaleng’ pa Ng’atu ma Malu Ngbir, man nindo wok ma jumaleng’ ucamu ie ker.

Matayo 11:27

Vwa mio ira gin ceke: ng’atu moko mbe de m’ung’eyo Wod, ndhu Wego re; kadok Wego de ng’atu moko mbe m’ung’eyo, ndhu Wod, man ng’atu ma tek Wod uyenyo enyuthe ire.

Luka 22:29

man ang’olo iwu ker, cil calu Vwa ng’olo ira,

Yohana 17:24

Vwa, ayenyo nia gin bende m’imio ira wabed kugi karacelo ka m’ani ie, kara ginen dwong’ para, m’imio ira: kum imara ma fodi ng’om ku thekre ngo.

Lembanyutha 12:5

Man enyolo wode, ng’atu ma nico, m’ebibimo thek ceke kud uluth mi nyunyu: man nyathin pare juting’e malu ba Mungu, man ba komker pare.

Lembanyutha 19:15

Man palamularu ma bith uwok kud i dhoge, kara egoi kudo thek: man ebibimogi kud uluth mi nyunyu: man ebinyono pany mi lak kwinyo pa Mungu, ma Jategokpo.