Lembanyutha 2:26 - The Holy Bible In Alur (Lur) Revised Orthography

²⁶ Man ng’atu m’uloyo, ku ng’atu m’ukuro tic para de cil i kajikne, abimie ng’ol wi thek:

Lembanyutha 2:26 ပူးပေါင်းရင်းမြစ်များ

Zaburi 2:8

Penja, man abimio iri thek ni aba peri, Man ng’et ng’om ma wi tung’ ni piny peri.

Zaburi 2:9

Ibiturogi ku dul mi nyunyu; Ibing’enyogi nziki nziki calu agulu pa jacwiagulu.

Zaburi 49:14

Jukethogi calu udul rombe ni liel; Tho bibedo jakwac migi: Man ju m’atira bicamu ker i wigi kugweno; Man leng’kumgi bibedo ni liel kara udare, Kara kabedo moko bed umbe ire.

Daniel 7:18

Ento jumaleng’ pa Ng’atu ma Malu Ngbir bijolo ker, man gibibedo wi ker nja, cil mi rondo ku rondo.

Daniel 7:22

maram ng’atu m’uti mi ceng’ uwok ko, e lembapoka mire ni jumaleng’ pa Ng’atu ma Malu Ngbir, man nindo wok ma jumaleng’ ucamu ie ker.

Daniel 7:27

Man ker ku bimobim, ku dwong’ mi ker ma the polo dho, jubimio ni dhanu mi jumaleng’ pa Ng’atu ma Malu Ngbir: ker pare en e ker ma rondo ku rondo, man bimobim ceke gibitimo ire man gibiwore.

Matayo 10:22

Man dhanu ceke gibidaguwu kum nyinga: ento ng’atu m’uciro cil i kajikne, ng’atuni e ma biboth.

Matayo 19:28

E Yesu wacu igi kumae, Andha awacu iwu, Nia wun ma wulubo ng’eya, i nyol ma nyen ka Wod dhanu bijany wi komker mi dwong’ pare, wun bende wubijany wi komker apar wi ario, ma wupoko ko lembe ni suru apar wi ario mir Israel.

Matayo 24:13

Ento ng’atu ma biciro cil i kajikne, ng’atuno biboth.

Yohana 6:29

Yesu loko lembe ewacu igi kumae, Maeni tic pa Mungu ya wuyi ng’atu m’eoro.

Jurumi 2:7

ni ju ma ni kum twiocwiny i timober giyenyo dwong’ ku yung man nyothri ngo, kwo ma rondo ku rondo:

Jurumi 8:37

Ento, i gin maeni ceke wasagu weg avoci ni kum ng’ atu m’umaruwa.

1 Jutesaloniki 3:5

Kum lembe nini an bende, kan acopo twio cwinya kendo ngo, aoro kara ang’ei yioyic mu, kara jabidhe kud ubidhwu ku yo moko, tic ma wamula kudo maru bedo mananu.

Juebrania 3:6

ento Kristu re calu wod, wi ot pa Mungu; ma ode en e wan nini, tek wamaku tegocwiny mwa ki man kulula mi genogen mwa ku tego cil i kajikne.

Yakobo 2:20

Ento iyenyo ing’ei, in i dhanu ma kiti mbe, nia yioyic ma tung’ ku tic ebedo lule?

1 Yohana 2:19

Giai i kindwa, ento gi mwa ngo; kum tek gi mwa, kuno di gidong’ i bang’wa: ento giai, kara ginyuthri nia gi mwa ceke ngo.

1 Yohana 3:23

Maeni de cik pare, nia wayi nying Wode Yesu Kristu, man wamara cil calu emio iwa cik.

1 Yohana 5:5

En e ng’a m’uloyo ng’om, ndhu ng’atu m’uyio nia Yesu en e Wod Mungu ngo?

Lembanyutha 2:11

Ng’atu ma ithe nuti, dong’ ewinj lembe ma Tipo yero ni kanisa. Ng’atu m’uloyo ebinwang’u remo mi tho mir arionde ngo.

Lembanyutha 2:17

Ng’atu ma ithe nuti, dong’ ewinj gin ma Tipo yero ni kanisa. Ni ng’atu m’uloyo, abimio ire kum mana m’akana, man abimio ire kidi ma tar, man wi kidine nying’ ma nyen m’ukieure, ma ng’atu moko mbe m’ung’eye ndhu ng’atu m’ujole.

Lembanyutha 2:7

Ng’atu ma ithe nuti, dong’ ewinj lembe ma Tipo yero ni kanisa. Ni ng’atu m’uloyo, abimie ecam kum yen mi kwo, ma ni i Paradis pa Mungu.

Lembanyutha 20:4

Man aneno komker, ku ju m’ujany i wigi, man pokolembe mire igi: man aneno kwo mi ju ma juthumo wigi pi lembatuca pa Yesu, man pi lembe pa Mungu, man wagi ju ma girwo ngo ni yedi, kadok ni ayine, ma gijolo kiedo ngo ternyimgi kud i cing’gi de; man gibedo, gibimo de giku Kristugi rundi rubanga acel.

Lembanyutha 21:7

Ng’atu m’uloyo ebilagu gin maeni; man abibedo Mungu pare, man ebibedo woda.

Lembanyutha 22:5

Man diewor bidong’ bedo umbe kendo; man can der mi thala, kadok mi ceng’ de binegogi ngo; kum Rwoth Mungu bimio igi der: man gibibimo bim rondo ku rondo.

Lembanyutha 3:12

Ng’atu m’uloyo, abikethe ni mbegi i hekalu pa Mungu para, man ebiwok woko ku keca kendo ngo: man abigoro nying’ Mungu para i wie, man nying adhura pa Mungu para, ma Yerusalem ma nyen, m’uai i polo ba Mungu para loro piny, ku nyinga ma nyen an gira.

Lembanyutha 3:21

Ng’atu m’uloyo, abimie ejany kuda i komker para, calu an bende aloyo, man ajany waku Vwa i komker pare.

Lembanyutha 3:5

Ng’atu m’uloyo bironyo kendi ma tar kumeni; man abiruco nyinge woko kud i kitabu mi kwo ki ngo, man abituco nyinge i wang’ Vwa, kud i wang’ malaika pare.