Lembanyutha 2:24 - The Holy Bible In Alur (Lur) Revised Orthography

²⁴ Ento ayero iwu, ni dongwu m’udong’ i Thuatera, ma fodi wumbe ku ponji maeni, ma wung’eyo gin ma thuth pa Jok ungo, calu giwacu; abolo ter mange ngo i wiwu.

Lembanyutha 2:24 ပူးပေါင်းရင်းမြစ်များ

Tic Mi Jukwenda 15:28

Kum ebedo ber ni Tipo Maleng’, iwa de, ya ku waketh ter i wiwu ma sagu gin maeni m’ubedo dre:

Tic Mi Jukwenda 16:14

Nwang’u dhaku moko ma nyinge Ludia, m’e jatim jamkuloka m’uluga, m’eai i adhura Thuatera, en e ng’atu ma rwo ni Mungu, ewinjo dwandwa: Rwoth uting’o adundene kara ie pid pi gin ma Paolo yero.

1 Jukorinto 2:10

Ento Mungu nyuthogi iwa ku Tipo: kum Tipo beyenyo i gin ceke, eyo, cil lembe pa Mungu ma ng’eyo tek.

2 Jukorinto 11:3

Ento alworo, kuno nyo ku yo moko, calu thwol uboinbo Eva ku rieko pare, e pidoiwu binyothre kud i bedo m’ebedo ma abombi mbe i ie man i leng’ m’e leng’ ko yo ba Kristu.

2 Jukorinto 2:11

kara Jok kud unwang’ kuloka i wiwa: kum wan wacobo ngo kum pidoic pare.

Yakobo 3:15

Rieko maeni en e rieko m’uai malu loro piny ungo, ento en e m’i ng’om, mi kum m’anyola, pa wonabali.

Lembanyutha 1:11

m’uwacu kumae, Gin m’ineno, gor i kitabu man iore ba kanisa abiro: bang’ Efeso, ba Smurna de, ba Pergamo de, ba Thuatera de, ba Sardi de, ba Filadelfia de, man ba Laodikia bende.

Lembanyutha 12:9

Man jubolo ng’ec ma dwong’ piny, en e thwol ma con, en ma julwong’e Wonabali man Jok, en m’e jawondi mi ng’om ngung’; jubole piny i ng’om, man malaika pare de jubologi piny gikugi.

Lembanyutha 13:14

Man ebombo ju m’ubedo wi ng’om ni kum giranyutha ma jumio ire etim i wang’ yedi; m’ewacu ko ni ju m’ubedo wi ng’om, ya gitim ayi yedi m’ubedo ku rem ma jutong’e ko ku palamularu man ebedo kwo.

Lembanyutha 2:13

Ang’eyo ka m’ibedo i ie, en e ka ma komker pa Jok ni ie; man imaku nyinga ki, man ikwero yioyic para ngo, cil i ceng’ pa Antipa ma jamulembe para, ng’atu mandha para, ma junego i kindwu, ka ma Jok bedo i ie.

Lembanyutha 2:18

Man ni malaika mi kanisa ma ni i Thuatera kieu kumae: Wod Mungu, ma nying wang’e va lebmac, tiende de calu mola m’urieny, uwacu gin maeni kumae:

Lembanyutha 2:9

Ang’eyo masendi peri, ku canpiny m’unegi (ento ilony), ku lembacidi mi ju m’uwacu ya gi Juyahudi, man gi kumeno ngo, endre gi cokri pa Jok.