Lembanyutha 2:23 - The Holy Bible In Alur (Lur) Revised Orthography

²³ Man abinego nyithindho pare ku tho; man kanisa ceke gibing’eyo nia an a ng’atu ma sayu i ic kud adunde: man abimio iwu kubeng’wu kubeng’wu calku tic mu.

Lembanyutha 2:23 ပူးပေါင်းရင်းမြစ်များ

I Lemkei 17:18

Ang’o mange ma fodi Daudi copo wacu iri pi yung m’itimo ni jatic peri? kum ing’eyo jatic peri.

I Lemkei 28:9

Man in, Suleman ma woda, dong’ ing’ei Mungu pa wuru, man itim ire kud adundeni ma cu man ku pidoic ma yot; kum Yehova yenyo i adunde ceke, man eng’eyo porolembe ceke mi pidoic. Tek iyenye, ebinwangre iri; ento tek iweke, ebibei woko mi nja.

I Lemkei 29:17

Ang’eyo bende, Mungu para, nia iponjo adunde, man anyong’a negi i bedopwe. An gira, i bedopwe mir adundena athiero ku beroewinya gin maeni ceke: man kawono aneno kud anyong’a dhanu peri, ma ginuti keni, githiero iri ku berocwiny.

2 Lemkei 6:30

dong’ ilund iwinj kud i polo ma kabedo peri, man iwek lembene woko, man imi ni dhanu kubang’gi kubang’gi ng’atuman calku woth pare ceke, m’ing’eyo adundene (kum in, in i kendi, ing’eyo adunde mi nyithi dhanu);

Kitabu Pa Yob 24:23

Mungu mio igi ya gibed museme, e giyom i wie; E wang’e bedo wi giratima migi.

Zaburi 139:1

E Yehova, iyenya, man ing’eya.

Zaburi 26:2

Mul ia, E Yehova, man inena; Ponj adundena ku pidoia.

Zaburi 44:21

Mungu biyenyo maeni ngo? Kum eng’eyo lembamung’a mir adunde.

Zaburi 62:12

E Rwoth, mer mi bero bende en e peri; Kum imio ni dhanu ceke kubang’gi kubang’gi ng’atuman calku tic pare.

Zaburi 7:9

A wek dubo mi judubo thum, ento keth ju ma pwe cungi: Kum Mungu ma pwe mulo pidoic kud adunde.

Yeremia 11:20

Ento, E Yehova mir udul, m’ipoko lembe pwe, m’iponjo adunde ku pidoic, abineno culokwor peri i kumgi; kum anyutho iri lembe para.

Yeremia 17:10

An, an a Yehova, ayenyo pidoic, aponjo adunde, kara ami ni dhanu kubang’gi kubang’gi ng’atuman calku yo pare, calku nying’ mi giratima pare.

Yeremia 20:12

Ento, E Yehova mir udul, m’iponjo ju ma pwe, m’ineno adunde ku pidoic, wek anen culokwor peri i kumgi; kum anyutho lembe para iri,

Zefania 1:11

Wugoi nduru, wu ju m’ubedo i Maktec; kum dhanu ceke mi Kanan wigi jik; dhanu ceke ma giyeyo ter mi mola ma tar juthumogi woko.

Matayo 16:27

Kum Wod dhanu bibino i dwong’ pa Won karacelo ku malaika pare; e ebilund mio ni dhanu ceke kubang’gi calku tic pare.

Luka 16:15

Ewacu igi kumae, Wun wu ju ma wugonyo lembe m’i wiwu giwu i wang’ dhanu; ento Mungu ng’eyo adundewu: kum gin m’utingre ku ba dhanu en e gin mir adegi kud i wang’ Mungu.

Yohana 21:17

Ewacu ire wang’ adege kumae Simon, wod Yona, imara? Can unego Petro kum epenje wang’ adege kumae, Imara? Man ewacu ire kumae, Rwoth, ing’eyo gin ceke; ing’eyo nia ameri. Yesu wacu ire kumae, Mi cam ni rombe para.

Yohana 4:16

Yesu wacu ire kumae, Cidhi, ilwong’ cweri, e kan idwog keni.

Tic Mi Jukwenda 1:24

E girwo, giwacu kumae, In, i Rwoth, m’ung’eyo adunde dhanu yu, nyuth ng’atu m’ifoyo ku kind juario maeni,

Jurumi 14:12

Kum kumeno ku ba dhanu ceke m’i kindwa ng’atuman biyero pire gire ni Mungu.

Jurumi 8:27

man ng’atu ma yenyo i adunde eng’eyo karamb pidoic mi Tipo, kum ekwayu pi jumaleng’ calku yeny ma Mungu yenyo.

2 Jukorinto 5:10

Kum wan ceke wabikonyuthra be ngbeng’ i wang’ kom mi ng’olo lembe pa Kristu; kara dhanu ceke kubang’gi kubang’gi ng’atuman unwang’ gin m’utimbre i kum, rom ku gin m’etimo, kadok ebedo ber kadi rac.

Jugalatia 6:5

Kum dhanu ceke ng’atuman biyeyo ter pare gire.

Poi Mi Cik 13:11

E Israel ceke biwinjo, man lworo binegogi, e gibitimo wadi dubo ma calu maeni kendo ngo i kindi.

Poi Mi Cik 17:13

E dhanu ceke biwinjo, e lworo binegogi, man gibitimo mi ng’oc kendo ngo.

Poi Mi Cik 19:20

E ju m’udong’ gibiwinjo, man lworo binegogi, e ugambre i nindo maeca gibitimo dubo ma kumeca kendo ngo i kindi.

Poi Mi Cik 21:21

E dhanu ceke mir adhura ma thugi bicanye ku Iddi m’etho ko: kab dubo cen kud i kindi kumeni; e Israel ceke biwinjo, man lworo binegogi.

Juebrania 4:13

Man giracwia pa Mungu mbe ma kunyuthre ngo i wang’e: endre gin ceke gi muneru man gibedo ayaba ngbeng’ i wang’ ng’atu ma wabedo ku lembe wakugi.

1 Petro 1:17

Man tek wulwong’e calu en e Wego, m’epoko lembe mi dhanu ng’atuman calku tic pare ma dhanu bedo ko tung’ tung’ ungo i wang’e, e wubed ku lworo i nindo mi bedo mu:

Lembanyutha 2:11

Ng’atu ma ithe nuti, dong’ ewinj lembe ma Tipo yero ni kanisa. Ng’atu m’uloyo ebinwang’u remo mi tho mir arionde ngo.

Lembanyutha 2:7

Ng’atu ma ithe nuti, dong’ ewinj lembe ma Tipo yero ni kanisa. Ni ng’atu m’uloyo, abimie ecam kum yen mi kwo, ma ni i Paradis pa Mungu.

Lembanyutha 20:12

Man aneno ju m’utho, ju ma dongo ku ju ma thindho, ma gicungo wang’ komker; e juyabu kitabu: man juyabu kitabu mange de, ma en e kitabu mi kwo: man jupoko lembe mi ju m’utho ku gin m’ugore i kitabune, calku tic migi.

Lembanyutha 20:13

Man nam uwodho ju m’utho ma ni i ie: man tho ku Hadeya de giwodho ju m’utho ma ni i igi: man jupoko lembe migi kubang’gi kubang’gi ng’atuman calku tic pare.

Lembanyutha 22:12

Nen, abino pio; man sukulia para ni i bang’a, m’amio ni dhanu ceke kubang’gi nzu ng’atuman calku tic pare.

Lembanyutha 6:8

E aneno, man nen, riuni ma foo: man ng’atu m’ubedo i wie, nyinge Tho; man Hadeya de lubo ng’eye. Man jumio igi ng’ol wi ng’et ng’om mir ang’wende, ya gineg ku palamularu, ku ndru de, man ku thong’om, man ku yedi ma kwiny m’i ng’om.

1 Samwil 16:7

Ento Yehova wacu ni Samwil kumae, Kud inen wang’e, kadi kadongone; kum akwere: kum Yehova neno calu dhanu neno ngo; kum dhanu neno ayi ma yo woko, ento Yehova neno yo i adunde.