Lembanyutha 2:2 - The Holy Bible In Alur (Lur) Revised Orthography

² Ang’eyo tic peri, ku tic m’imuli kudo man twiocwiny peri, man nia bedo ku dhanu ma rac copre iri ngo, man imulo i ju ma gilwongri gigi jukwenda, enke gi kumeno ngo, man inwang’u nia gi jundra;

Lembanyutha 2:2 ပူးပေါင်းရင်းမြစ်များ

Zaburi 1:6

Kum Yehova ng’eyo yo mi ju ma pwe; Ento yo mi judubo birwinyo.

Matayo 7:23

E abilund tuco igi kumae, Fodi ang’eyowu ki ngo: wuai kud i vuta, wu ju m’utimo camuco.

Yohana 6:6

Ewacu lembe maeni m’emulo ko ie: kum eng’eyo en gin m’ebitimo.

Jugalatia 1:7

ma en e mange ngo: ento jumoko nuti ma gibeng’abu cwinywu, gibeyenyo guok lembanyong’a ma juboth ko pa Kristu dok tung’.

Juefeso 4:14

kara ku wabed nyithindho kendo, ma juthoro ku ku ku ma yamu mi ponji ma tung’ tung’ ting’o mberembere, ku rieko mi dhanu, i riu, tok abombi mi kier;

1 Jutesaloniki 1:3

ma wapoi ko areri kum tic mu i yioyic man tic mu i mer ma wumulu kudo ku twiocwiny mu mi genogen i Rwoth mwa ma Yesu Kristu, i wang’ Mungu mwa ku Wegwa;

1 Jutesaloniki 5:21

wuponj gin ceke; wuceru wi maeno m’e ber;

2 Timoteo 2:19

Ento ther ukungu lembe pa Mungu cungo ki, m’ebedo kud ayi mae, Rwoth ung’eyo ju ma gi jupare: man, dong’ dhanu ceke kubang’gi kubang’gi ma gilwong’o nying Rwoth giwek tic ma en e tic mi bedopwe ngo.

Juebrania 6:10

kum Mungu en e won gondri ngo ma nia wie wil kum tic mu man mer ma wunyutho kum nyinge, kum wutimo ni jumaleng’, man wubetimo asu.

1 Yohana 4:1

Jumer, kud wuyi tipo ceke, ento wuponj tipo, tek giai ba Mungu, kum jubila mi ndra dupa cidho nge nge i ng’om.

Lembanyutha 2:5

Ka kumeno poi pi ka m’iai i ie kan ipodho, man ilok cwinyi itim tic ma kwong’a de; tek kumeno ngo abino i beng’i, man abikabu thethala peri woko kud i kakare, tek iloko cwinyi ngo.

Lembanyutha 2:6

Ento lembe mae ni i beng’i, ya idagu tic mi Junikolai, ma an bende adagu.

Lembanyutha 2:9

Ang’eyo masendi peri, ku canpiny m’unegi (ento ilony), ku lembacidi mi ju m’uwacu ya gi Juyahudi, man gi kumeno ngo, endre gi cokri pa Jok.

Lembanyutha 3:1

Ni malaika mi kanisa ma i Sardi kieu kumae: Ng’atu m’ubedo ku Tipo abiro pa Mungu, man cero de abiro, uwacu gin maeni: Ang’eyo tic peri, nia nyingi nuti ya ibedo kwo, enke in avu.

Lembanyutha 3:15

Ang’eyo tic peri, nia in i ng’ic kadok lieth de ngo: ayenyo ibed ng’ic kadi lieth.

Lembanyutha 3:8

Ang’eyo tic peri (nen, aketho dhugola m’ubedo ayaba i weng’i, ma ng’atu moko mbe ma copo ciko), ya nyathi tego moko ni i beng’i, man igwoko lembe para, man ikwero nyinga de ngo.