Lembanyutha 2:17 - The Holy Bible In Alur (Lur) Revised Orthography

¹⁷ Ng’atu ma ithe nuti, dong’ ewinj gin ma Tipo yero ni kanisa. Ni ng’atu m’uloyo, abimio ire kum mana m’akana, man abimio ire kidi ma tar, man wi kidine nying’ ma nyen m’ukieure, ma ng’atu moko mbe m’ung’eye ndhu ng’atu m’ujole.

Lembanyutha 2:17 ပူးပေါင်းရင်းမြစ်များ

Zaburi 25:14

Lembapora pa Yehova ni ba ju m’ulwore; Man ebinyutho igi lembariba pare,

Zaburi 36:8

Cwinygi bikwio lwe ku mio mi ot peri; Man ibiketho gimadhu kum kulo ma dit mi mutoro peri.

Ai 16:33

E Musa wacu ni Harun kumae, Gam tabu, man iketh mana asisa acel i ie, man ikane i wang’ Yehova, kara jugwoke cil kum dhanum’utuk mu.

Lembrieko 14:10

Adunde ng’eyo lem ma kec pare gire; Man jawirok ribre ngo ku mutoro pare,

Lembrieko 3:32

Kum ng’atu ma kit lembe pare mbe en e ginmajudagu i wang’ Yehova; Ento lembapora pare ni ku ju m’atira.

Isaya 56:4

Kum Yehova yero pi jumugumba m’ugwoko ceng’ sabatu para, man m’ufoyo gin ma nyayu mutoro i ia, man m’umoko kum lembariba para kumae:

Isaya 56:5

Abimio igi nying’ mi poi i ot para man yor i gang’kidi para ma sagu nyithindho ma co ku nyithindho ma nyir; abimio igi nying’ mi nja, ma bikabre woko ngo.

Isaya 62:2

Man thek bineno bedopwe peri, man ju m’ubimo ceke bineno dwong’ peri; man jubilwong’i ku nying’ ma nyen, ma Yehova bicaku ku dhoge.

Isaya 65:13

Ka kumeno Rwoth Yehova wacu kumae, Nen, jutic para bicamu, ento kec binego wu; nen, jutic para bimadhu, ento rieu binegowu; nen, anyong’a binego jutic para, ento jubinyayu lewic i wiwu;

Isaya 65:15

E wubiweko nyingwu ni kwong’ ba ju m’afoyo; man Rwoth Yehova binegi; man ebilwong’o jutic pare ku nying’ mange:

Matayo 13:11

Man eloko lembe ewacu igi kumae, Ecibre iwu ya wung’ei giramung’a mi ker m’i polo, endre ecibre ngo igi.

Marko 7:16

Ng’atu moko ma ithe nuti m’ewinjo ko, wek ewinji.

Yohana 4:32

Ento ewacu igi kumae, Cam para nuti mir acama ma wung’eyo ngo.

1 Jukorinto 2:14

Nie ng’atu ma mi kum ejolo gin mi Tipo Mungu ngo: kum gibedo ni lemkasegu ire; man ecopo ng’eyogi ngo, kum jung’iogi ku tipo.

Jukolosai 3:3

Kum wutho, man kwo mu bedo apana karacelo ku Kristu i Mungu.

Lembanyutha 14:3

man giwero calu en e wer ma nyen i wang’ komker, man i wang’ yedi ang’wen ma kwo ku judongo: man ng’atu moko mbe ma copo ng’eyo weje ndhu dhanu rubanga dak acel ku pier ang’wen wi ang’wen, ma gi ju ma jung’iewogi kud i ng’om.

Lembanyutha 19:16

Man ebedo ku nyinge m’ugore wi kendi pare man wi bambe kumae, ubimo mir ubimo, man rwoth mi rwodhi.

Lembanyutha 2:11

Ng’atu ma ithe nuti, dong’ ewinj lembe ma Tipo yero ni kanisa. Ng’atu m’uloyo ebinwang’u remo mi tho mir arionde ngo.

Lembanyutha 2:7

Ng’atu ma ithe nuti, dong’ ewinj lembe ma Tipo yero ni kanisa. Ni ng’atu m’uloyo, abimie ecam kum yen mi kwo, ma ni i Paradis pa Mungu.

Lembanyutha 3:22

Ng’atu ma ithe nuti, dong’ ewinj gin ma Tipo yero ni kanisa.

Lembanyutha 3:6

Ng’atu ma ithe nuti, dong’ ewinj gin ma Tipo wacu ni kanisa.