Lembanyutha 2:14 - The Holy Bible In Alur (Lur) Revised Orthography

¹⁴ Endre nyalembe moko ni i ia i kumi, kum jumoko ni i beng’i ma gimaku lemponji pa Balam, m’uponjo Balak ya ubol gin ma redho jo i wang’ nyithindho pa Israel, ya gicam gin ma julamu ni ayi gin m’acwia, man’nitimo tarwang’ bende.

Lembanyutha 2:14 ပူးပေါင်းရင်းမြစ်များ

Isaya 57:14

Man ebiwacu kumae, Wubol malu, wubol malu, wuyik yo, wukab gin ma redho jo kud i yo mi dhanu para.

Yeremia 6:21

Ka kumeno Yehova wacu kumae, Nen, abiketho ginmaredhojo i wang’ dhanu maeni; e wego ku wodo gibikier i kumgi karacelo; wat ku jarimbe birwinyo.

Ezekiel 3:20

Kendo, kinde ma ng’atu ma pwe lokre ku ba bedopwe pare, man etimo kier, man aketho gin ma jukier i kume i wang’e, ebitho: kum ipoye ngo, ebitho i dubo pare, man tic ma pwe m’etimo jubipoi pire ngo; ento abilwong’o rimo pare i cingi.

Ezekiel 44:12

Kum gitimo igi i wang’ mungu m’araga migi, man gidoko ni cudho mi kier ni ot mir Israel; ka kumeno ating’o cinga i kumgi, Rwoth Yehova wacu, man gibiyeyo kier migi.

Kitabu Mir Ang’wende Pa Musa Wel 24:14

Man kawono, nen, adok ba dhanu para: koibin, man abiewo iri gin ma dhanu maeni bitimo kum dhanu peri i ceng’ ma cen.

Kitabu Mir Ang’wende Pa Musa Wel 31:16

Nen, joni ketho nyithindho mir Israel, ni kum lembapora pa Balam, udubo ni Yehova i lembe mi Peor, e kum kumeno thong’om ubedo i kind udul pa Yehova.

Kitabu Mir Ang’wende Pa Musa Wel 31:8

Man ginego ubimo mi Midian karacelo ku dhanu migi ma junego: en e Evi, ku Rekem, ku Zur, man Hur, ku Reba, gin ubimo abic mi Midian: Balam bende ma wod Beor ginego ku palamularu.

Matayo 18:7

Can wi ng’om kum gin ma ketho jukier! kum ebedo kumeno nia gin ma ketho jukier ukoubin be; ento can wi ng’atu maeno ma gin ma ketho jukier uwok ni kume!

Tic Mi Jukwenda 15:29

ya wuceru ni gin ma julamu ni ayi gin m’acwia, man kum rimo, man kum gin ma judeyo adeya, man kum tarwang’; tek wugwokru ni gin maeili nwang’u ebibedo ber iwu. Dong’ wubedi.

Tic Mi Jukwenda 21:25

Ento pi Thekdhanumange ma giyio, wagoro, wang’olo nia dong’ gigwokri gigi kum gin ma julamu ni ayi gin m’acwia, man ni rimo, ku gin ma judeyo adeya, man kum tarwang’.

Jurumi 11:9

Man Daudi wacu kumae, Dong’ mesa migi dok ni uwic, man ngbak, Ku gin ma redhojo, ku cul de igi:

Jurumi 14:13

Ka kumeno ku wapoku lembe kendo ma nia ng’atuman upok lembe wi wadi man wi wadi: endre ma sagu wupok lembe mae, nia ng’atu moko kud uketh gin ma redho jo i yo p’umin, kadi kaka ma jupodho i ie.

Jurumi 14:21

En e ber nicamu ring’o ngo, kadi madhu pigulok, kadi timo gin moko m’umeru kier i kume.

Jurumi 9:32

Pirang’o’ Kum giyenye ku yioyic ungo, endre calu eyenjre ku tic. Gikier kum kidi ma redhojo;

1 Jukorinto 1:23

ento wayero mwa Kristu ma jugure, ni Juyahudi lembene bedo ni gin ma redho jo, ni Thekdhanumange ke ebedo ni lemkasegu;

1 Jukorinto 7:2

Ento, kum tarwang’, wek co kubang’gi kubang’gi ng’atuman ubed ku cege gire, man ke mon de kubang’gi kubang’gi wek ng’atuman ubed ku cware gire.

Juebrania 13:4

Wek gam ma jugambri ko bed ku yung i kind jo ceke, kavuto de kud ubed m’ecido: kum weg tarwang’ man weg gier Mungu bipoko lembe migi.

Yocuwa 24:9

Balak ma wod Zipor, m’ubimo mi Moab, elund eai man ekiedo kum Israel: man eoro elwong’o Balam ma wod Beor kara ekwong’wu;

1 Petro 2:8

man, Kidi ma redho jo, ku cana mi kier; kum gikier kum lembe, ma gi juco ko; ma yang’ jukethogi kum maeno bende.

2 Petro 2:15

ma giweko ko yo ma atira gikiewo, ma gikwanyu ko yo pa Balam wod Bosor, m’umaru sukulia mi timorac;

Yuda 1:11

Can i wigi! kum gikwanyu yo pa Kain, man gikonjri vur i kier pa Balam kara ginwang’ sukulia, e girwinyo i piem pa Kora.

Lembanyutha 2:20

Endre lembe moko ni i ia i kumi, kum iweko dhaku ma Yezebel, m’elwongre gire jabila ma dhaku; man eponjo ewingo jumiru para de ya gitim tarwang’, man gicam gin ma julamu ni ayi gin m’acwia.

Lembanyutha 2:4

Endre lembe ni i ia i kumi, nia iweko mer peri ma kwong’a.

Lembanyutha 21:8

Ento ni julworo, ku ju ma gi juyic ungo, ku ju ma gi gin mir adegi, ku juneg nek, ku weg tarwang’, ku weg jogi, ku ju ma rwo ni ayi gin m’acwia, ku jundra ceke bende, maka migi bibedo i nam ma wang’ ku mac ku muganga bende; ma en e tho mir arionde.

Lembanyutha 22:15

Yo woko gwogi, man weg jogi, ku weg tarwang’, ku juneg nek, ku ju ma lamu ayi gin m’acwia, ku kwai dhanu ceke m’umaru ndra m’utimo de.