Lembanyutha 2:13 - The Holy Bible In Alur (Lur) Revised Orthography

¹³ Ang’eyo ka m’ibedo i ie, en e ka ma komker pa Jok ni ie; man imaku nyinga ki, man ikwero yioyic para ngo, cil i ceng’ pa Antipa ma jamulembe para, ng’atu mandha para, ma junego i kindwu, ka ma Jok bedo i ie.

Lembanyutha 2:13 ပူးပေါင်းရင်းမြစ်များ

Matayo 10:23

Ento ka ginyayu ragedo i kumwu i adhura maeni, wuring i mange: kum andha awacu iwu kumae, Wubikadhu ku i adhura pa Israel ungo, ka fodi Wod dhanu kubino ngo.

Matayo 24:9

E gibilund miowu ni masendi, man gibinegowu: thek ceke de bidaguwu kum nyinga.

Matayo 4:10

Yesu lund uwacu ire kumae, Ai kakeni, Jok: kum egore kumae, Rwo ni Rwoth Mungu peri, man itim ire kende.

Luka 21:17

Dhanu ceke de bidaguwu pi nyinga.

Tic Mi Jukwenda 22:20

e ka rimb Stefano ma jamulembe peri cwir, nwang’u an de acungo i vute, ayia de ayio, akuro kum kendi mi ju m’unege de.

Tic Mi Jukwenda 9:14

keni de ebedo ku ng’ol m’uai ba julam ma dongo m’etwi ko dhanu ceke m’ulwong’o nyingi.

1 Jutesaloniki 5:21

wuponj gin ceke; wuceru wi maeno m’e ber;

1 Timoteo 5:8

Ento tek ng’atu moko gwoko dhanu pare gire ngo, e ka juode ma dhe de k’egwokogi ngo, meca ekwero yioyic, man edoko rac ma sagu ng’atu ma jayic ungo.

2 Timoteo 1:13

Ceri wi kit lembe ma cu m’iwinjo i bang’a, ku yioyic ku mer ma ni i Kristu Yesu.

2 Timoteo 2:12

tek wamula ku cani, wabicamu ker wakugi: tek wabikwere, en bende ebikwerowa:

Juebrania 10:23

dong’ wamak lembatuca mi genogen mwa ki kara kud elokre; kum ng’atu m’ung’olo en e mandha:

Juebrania 3:6

ento Kristu re calu wod, wi ot pa Mungu; ma ode en e wan nini, tek wamaku tegocwiny mwa ki man kulula mi genogen mwa ku tego cil i kajikne.

Yakobo 2:7

Gicido nying’ mi yung ma wulwongru kudo ngo?

Lembanyutha 1:5

m’uai de ba Yesu Kristu, ma en e jamulembe mandha, m’e kayu mi ju m’utho, man jabim mir ubimo m’i ng’om. Ire m’emaruwa, m’egonyowa kud i dubo mwa ku rimbe;

Lembanyutha 11:3

Man abimio ni jumulembe para ario, man gibiewo ceng’ rubanga acel ku dak ario ku pier abusiel, ma gikendo gonia.

Lembanyutha 12:11

Man givoye ni kum rimb Nyathi Rombo, man ni kum wec mi lembatuca migi; man gimaru kwo migi ngo cil ni tho.

Lembanyutha 13:2

Man yedine m’aneno ayine pamir ayi ng’u, man tiende pa tiend wai, dhoge ke pami dhu umvor: man ng’ec umio tego pare ire, ku komker pare, ku ng’ol ma dit.

Lembanyutha 14:12

Keni en e twiocwiny mi jumaleng’, gi ju ma giworo lembang’ola pa Mungu, ku yioyic pa Yesu.

Lembanyutha 17:14

Joni gibitimo lwiny kum Nyathi Rombo, Nyathi Rombo de biloyogi, kum en e Rwoth mi rwodhi, man Ubimo mir ubimo; man ju ma gibedo gikugi de gibiloyo gikugi, ma gi ju ma julwong’ogi jugoyo wigi de gi mandha de.

Lembanyutha 17:6

Man aneno dhakune mer ku rimb jumaleng’, ku rimb ju m’utho pi Yesu. Man kan anene, ia wang’ lii ku wang’uic ma dit.

Lembanyutha 2:2

Ang’eyo tic peri, ku tic m’imuli kudo man twiocwiny peri, man nia bedo ku dhanu ma rac copre iri ngo, man imulo i ju ma gilwongri gigi jukwenda, enke gi kumeno ngo, man inwang’u nia gi jundra;

Lembanyutha 3:11

Abino pio: mak maeno m’ibedo ko ki, kara ng’atu moko kud umai jamkermiwic peri.

Lembanyutha 3:3

Ka kumeno dong’ ipoi maram yang’ ijolo man iwinjo de; man igwoke, ilok cwinyi de. Ka kumeno tek ikuro ngo, abibino calu jakwo, man saa m’abibino i ie i wi ibing’eyo ngo.