Lembanyutha 19:8 - The Holy Bible In Alur (Lur) Revised Orthography

⁸ Man emire ire nia eronjre gire ku bongu ma nwang’ ma nwe nwe, ma riang’ni, ma leng’ de: kum bongu ma nwang’ ma nwe nwe en e tic mi bedopwe mi jumaleng’.

Lembanyutha 19:8 ပူးပေါင်းရင်းမြစ်များ

Zaburi 132:9

Wek julam peri gironjri ku bedopwe; Man wek jumaleng’ peri kok ni mutoro.

Lembrieko 31:22

Etimo girapedha ire gire; Kendi pare bongu ma nwang’ ma nwe nwe man m’uluga.

Isaya 3:23

man kieu mi cing’, ku bongu ma nwang’ ma ber, ku gali, man bongu mi wang’.

Isaya 61:10

Anyong’a binega dit ni kum Yehova, anyong’a binego ng’eyong’ec para ni kum Mungu para; kum eronya ku kendi mi both, euma ku kanzu mi bedopwe, calu won ambadha rukre gire ku jambruko, man calu mugole rukre gire ku jambruko pare.

Ezekiel 16:10

Aronyi bende ku bongu m’aruka, man aroyo dend yedi m’i nam i tiendi, man atwii gbur ku bongu ma nwang’ ma ber, aumi de ku bongu mi thondh ukoko.

Ezekiel 44:17

Man ebibedo nia, kinde ma gimondo i dhugang’ mi lelagang’ ma yor i ie, gibibedo aronya ku kendi ma nwang’; man yuk rombe moko biwok i kumgi ngo, kinde ma gitimo i dhugang’ mi lelagang’ ma yor i ie, man i ot.

Matayo 17:2

e kite lokre i wang’gi; wang’e de rieny pami ceng’, kendi pare de doko tar calu der.

Matayo 22:12

man ewacu ire kumae, Jarimo, imondo kakeni nenedi m’ikendo kendi mir ambadha ngo e? E dhoge tal kau.

Marko 9:3

e kendi pare rieny, udoko tar pr, ma jabodho moko mbe m’i ng’om ma copo dwoke tar kumeca.

Luka 24:4

E etimbre, kinde ma cwinygi ng’abre kum lembene, nen, juario cungo i vutgi ku kendi m’urieny:

Tic Mi Jukwenda 1:10

E kinde ma gibeneno i polo tel nwang’u ebecidho, nen, dhanu ario gicungo i vutgi ku kendi ma tar;

Jurumi 13:14

Ento dong’ wurony Rwoth Yesu Kristu, man kud wuyik kaka ni kum, ni awanyane ma rac.

Jurumi 3:22

en e bedopwe pa Mungu ma ni kum yioyic i Yesu Kristu ni dhanu ceke ma giyio; kum tung’ tung’ umbe;

Lembanyutha 15:4

Ng’a ma lworo binege ngo, E Rwoth, ma k’ebiyungo nyingi de ngo? kum in i kendi e m’i leng’; kum thek ceke bibino man gibirwo i weng’i; kum tic peri mi bedopwe udaru nyuthre.

Lembanyutha 15:6

e malaika abiro ma gibedo ku masendi abiro giwok kud i hekalu, ma gironyo kidi ma pire tek, ma leng’ m’uriang’ni de, ma korgi bedo atwia ku foto mi mola ma kwar.

Lembanyutha 19:14

Man njuru asikari m’i polo gilubo ng’eye ku wi riuni ma tar, ma gironjri ku bongru ma nwang’ ma nwe nwe, ma tar ma leng’ de.

Lembanyutha 3:18

amio iri rieko nia ing’ieu mola ma kwar i bang’a m’uwang’ i mac, kara idok m’i lony; ku kendi ma tar, kara ironjri, kara lewic mi muneru peri kud unen: man mo m’i wang’ de m’iwir ko weng’i, kara inen.