Lembanyutha 19:7 - The Holy Bible In Alur (Lur) Revised Orthography

⁷ Dong’ anyong’a negwa wabed ku mutoro ma dit de, man dong’ warniu dwong’ ire: kum ambadha pa Nyathi Rombo wok, man dhaku pare daru yikre gire.

Lembanyutha 19:7 ပူးပေါင်းရင်းမြစ်များ

Zaburi 107:42

Ju m’atira binene, man anyong’a binegogi; Man kier ceke bimio dhoge.

Zaburi 48:11

Wek anyong’a neg got Sayuni, Wek anyong’a neg nyig Yuda, Kum pokolembe peri.

Zaburi 9:14

Kara anyuth pak peri ceke, I dhugang’ pa nya Sayuni Anyong’a binega i both peri.

Lembrieko 29:2

Kinde ma dhanu ma pwe nyai, anyong’a nego dhanu; Ento kinde ma jadubo bimo, dhanu gamu cwinygi.

Wer Pa Suleman 3:11

Wuwok woko, E wu nyig Sayuni, man wunen ubimo ma Suleman, Ku jamkermiwic ma min uruke ko, I ceng’ mi nyom pare, Man i ceng’ mi mutoro mir adundene.

Isaya 52:1

Ceu, ceu, rony tegoni, E Sayuni; rony kendi peri ma ber, E Yerusalem: adhura ma leng’; kum ugambre kawono ju ma yaa mbe kugi man m’ucido bimondo ii kendo ngo.

Isaya 62:5

Kum calu jalawobi gamu mugole, e woti bigemi kumeca; man calu anyong’a nego won ambadha kum mugole, e anyong’a binego Mungu peri i kumi kumeca.

Isaya 66:10

Anyong’a negwu karacelo ku Yerusalem, man anyong’a negwu pire, wun ceke ma wumare: anyong’a negwu ku mutoro karacelo kude, wun ceke ma wuywage;

Isaya 66:14

E wubineno maeni, man anyong’a binego adundewu, cogowu de biloth calu lum ma numu: man cing’ Yehova bing’eire yo ba jutic pare; man kwinyo binege kum judegine.

Zekaria 9:9

Anyong’a negi dit, E nya Sayuni; koki, E nya Yerusalem: nen, ubimo peri bino i beng’i; en e pwe, man e won both; e mol, man eberingo ku wi kana, en e wi kana ma nyathi kana.

Matayo 1:20

Ento ka ie pido kum lembe maeni, nen, malaika pa Rwoth uwok i bang’e ku wang’ lek ewacu kumae, Yusuf, i wod Daudi, lworo kud unegi nigamu Mariamu ma dhaku peri i beng’i: kum maeno m’egamu i ie en e pa Tipo Maleng’.

Matayo 22:2

Ker m’i polo pore kud ubimo moko, m’utimo agba mir ambadha ni wode,

Luka 12:36

wun giwu wubed calu dhanu m’ukio rwoth migi, kan ebiai i agba mir ambadha; kara, kan edwogo edwong’o de, giyab ire pio pio.

Yohana 3:29

Ng’atu m’ubedo ku mugole en e cwar mugole: ento jarim cwar mugole, m’ucungo m’uwinje de, anyong’a kwa nege kum dwand cwar mugole: ka kumeno anyong’a maeni timbre kakare.

2 Jukorinto 11:2

Kum ngiri benega piwu en e ngiri ma ayi Mungu ni i kume: kum adhumowu ni nico acel, kara aterwu ni Kristu calu nyaku ma leng’ ma sumba.

Juefeso 5:23

Kum cwar dhaku en e wie ni dhaku, calu Kristu en e wie ni kanisa, ma en gife en e jalar mi kum.

Juefeso 5:32

Giramung’a maeni e dit; ento ayero pi Kristu man pi kanisa.

Poi Mi Cik 32:43

Anyong’a negwu, E wu thek, ku dhanu pare: Kum ebiculo wang’ rimb jutic pare, Man ebiculo kwor kum jusendne, Man ebitimo adunya pi ng’om pare, pi dhanu pare.

Jufilipi 3:3

kum wan wa weg yaa, ma warwo ku Tipo pa Mungu, e walula i Kristu Yesu, man wageno mwa kum ungo:

Lembanyutha 11:13

Man i saa maeno digidi ma dit uyengre, man theng adhura mir apaje podho; man dhanu rubanga abiro tho ku digidine: e dong’ dhanu m’udong’ lworo makugi, man gimio dwong’ ni Mungu mi polo.

Lembanyutha 19:9

Man ewacu ira kumae, Kieu kumae, Mugisa ni ju ma julwong’ogi ni cemo mir uthieno mir ambadha pa Nyathi Rombo. Man ewacu ira kumae, Maeni lemandha pa Mungu.

Lembanyutha 21:2

Man aneno adhura ma leng’, Yerusalem ma nyen, m’ebeloro m’eai kud i polo ba Mungu, ma juyike calu mugole m’urukre ni nico pare.

Lembanyutha 21:9

Man acel ma kind malaika abiro ma gi weg tabu abiro, ma ginur ku masendi abiro macen ubino; man eweco kuda, ewacu kumae, Bin kue, abinyutho iri mugole, ma dhaku pa Nyathi Rombo.

1 Samwil 2:1

Man Hana rwo, ewacu kumae: Adundena ufoire i Yehova; Judodo tunga i Yehova; Dhoga medre wi judegi para; Kum anyong’a nega i both peri.