Lembanyutha 19:2 - The Holy Bible In Alur (Lur) Revised Orthography

² kum poko lembe pare gin andha man pwe; kum epoko lembe pa dhaku ma won asara ma dit, en m’enyotho ng’om ku tarwang’ pare, man eculo wang’ rimb jumiru pare i cinge.

Lembanyutha 19:2 ပူးပေါင်းရင်းမြစ်များ

2 Ubimo 9:7

E ibigoyo ot pa Ahab ma rwoth peri, kara acul rimb jutic para ma jubila, man rimb jutic ceke pa Yehova, kum cing’ Yezebel.

Zaburi 19:9

Lworo pa Yehova e leng’, m’ebedo mi nja: Lembapoka pa Yehova en e andha, man gibedo ndhu pwe.

Isaya 25:1

Yehova, in i Mungu para; abidodi, abipaku nyingi; kum itimo gin ma wang’u ijo, cil lembapora ma con, ibedo mandha i lemandha de.

Daniel 7:26

Ento jubiketho pokolembe, man jubikabu bimobim pare woko, kara girwinye ginyothe cil i kajikne.

Poi Mi Cik 32:35

Kwor en e para, ku culo, I nindo ma tiendgi bikier i ie: Kum nindo mi ruvwa migi ni ceng’ni, Man gin ma bibino i wigi biwok pio.

Poi Mi Cik 32:4

Cana, tic pare bedo ndhu cu; Kum yo pare ceke e pwe: Mungu mi lemandha man m’umbe dubo, En e pwe man atira.

Poi Mi Cik 32:43

Anyong’a negwu, E wu thek, ku dhanu pare: Kum ebiculo wang’ rimb jutic pare, Man ebiculo kwor kum jusendne, Man ebitimo adunya pi ng’om pare, pi dhanu pare.

Lembanyutha 15:3

Man giwero wer pa Musa ma jamiru pa Mungu, ku wer pa Nyathi Rombo, giwacu kumae, Tic peri gi dwong’ ma wang’u ijo de, E Rwoth Mungu, ma Jategokpo; yo peri bedopwe man andha de, in Ubimo mi nja.

Lembanyutha 18:20

Anyong’a negwu i kume, in i polo, ku wun wu jumaleng’, man wu jukwenda, ku wu jubila; kum Mungu poko lembe mu i wie.

Lembanyutha 18:3

Kum ni kum pigulok mi kwinyo mi tarwang’ pare thek ceke gipodho; man ju m’ubimo m’i ng’om gitimo tarwang’ kude, man jukuloka m’i ng’om gidoko julonyo ni kum tego mi jambayunga pare.

Lembanyutha 6:10

man gikok ku dwandgi ma dit, giwacu kumae, Rokani, E Rwoth, m’i leng’ andha de, ipoko lembe man iculo wang’ rimbwa wi ju m’ubedo wi ng’om ungo?