Lembanyutha 19:10 - The Holy Bible In Alur (Lur) Revised Orthography

¹⁰ Man apodho piny the tiende nirwo ire. Man ewacu ira kumae, Kud itim kumeno: an a jatic wedu wakudi ku juwedu de ma gibedo ku lembatuca pa Yesu: rwo ni Mungu: kum lembatuca pa Yesu en e tipo mi lembila.

Lembanyutha 19:10 ပူးပေါင်းရင်းမြစ်များ

2 Ubimo 17:36

ento Yehova, m’ukelowu malu kud i ng’om mi Misiri ku tego ma dit man ku bote m’urieire, wulwore, man wurum giwu ire, man wulam lam ire:

Zaburi 45:11

Kum kumeno ubimo bimaru leng’kumi: Kum en e rwoth peri; man ijwigri ire.

Ai 34:14

(kum ibirwo ni mungu mange ngo: kum Yehova, ma nyinge Nyeko, en e Mungu ma janyeko);

Daniel 2:46

Ubimo ma Nebukadnezar ulund upodho arieba wang’e, man erwo ni Daniel, man eng’olo nia jumi lam ire ku gin ma ng’wice ng’ar.

Daniel 7:10

Kulo mi mac ukadhu uai i wang’e: rubanga mi rubanga gitimo ire, man rubanga apar bang’ rubanga apar gicungo i wang’e: e juketho pokolembe, man juyabu kitabu.

Matayo 4:10

Yesu lund uwacu ire kumae, Ai kakeni, Jok: kum egore kumae, Rwo ni Rwoth Mungu peri, man itim ire kende.

Marko 5:22

Nie ng’atu acel ma kind judongo m’i kacokri ma nyinge Yairo, bino; e kan enene de, epodho the tiende,

Marko 7:25

Ento ndhu ndhu nica dhaku, ma nyathi nyare won tipo m’ucido, kan ewinjo pire, ebino epodho the tiende.

Luka 1:19

Malaika dwoko lembe ewacu ire kumae, An a Gabriel, ma cungo i wang’ Mungu; man juora niyero iri, nikelo iri rwonglembe maeni de.

Luka 24:44

Man ewacu igi kumae, Maeni en e lembe para m’ayero iwu, ma fodi ani i beng’wu, nia gin ceke koutimbre be kakare, m’ugore pira i cik pa Musa, ku jubila, ku i zaburi de.

Yohana 5:39

Wuyenyo i lembagora pa Mungu, kum wuwacu nia nyo wubedo ku kwo ma rondo ku rondo i igi; maeni de gi gin m’unyutho lembe pira;

Tic Mi Jukwenda 10:43

Jubila ceke ginyutho pire, nia ni kum nyinge ku ba dhanu ceke m’uyio ire ebinwang’u ruc mi dubo.

Tic Mi Jukwenda 13:27

Kum ju ma gibedo Yerusalem, ku jubim migi de, kum ging’eye ngo, kadok dwand jubila ma jusomo ku ba ceng’ sabatu, giketho etimbre kakare ku gonje.

2 Jukorinto 8:7

Ento calu wusegru i gin ceke, i yioyic, man i wec, ku ng’eyong’ec de, man i morkum ceke, man i mer mu ma yor i bang’wa, wunen ya wusegru i bero maeni bende.

Juefeso 5:15

Ka kumeno wubed ku weng’wu maram wuwotho ko, calu ju ma jurieko ngo ngo, endre calu jurieko;

Juefeso 5:33

Endre wun bende kubeng’wu kubeng’wu ng’atuman umar cege gire cil calu en gire; man dhakune bed ku wang’e m’elwor ko cware.

Jufilipi 3:3

kum wan wa weg yaa, ma warwo ku Tipo pa Mungu, e walula i Kristu Yesu, man wageno mwa kum ungo:

1 Jutesaloniki 5:15

Nen nia ng’atu moko kud ucul gin ma rac ni wadi ka wang’ gin ma rac; ento elub pare tok gin ma ber thiri thiri, ng’atuman ni wadi man ni wadi, man ni dhanu ceke.

Juebrania 1:14

Gin ceke gi tipo mi timotim ungo, ma juorogi ya gitim tic pi ju ma bicamu pacu mi bothi?

Juebrania 12:25

Wunen nia kud wukwer ng’atu m’ubeyero. Kum tek giboth ungo ka gikwero ng’atu m’utwong’ogi i ng’om, e wan ma walokra ku ba ng’atu m’utwong’owa kud i polo wabiboth ungo ma sagu dit:

1 Yohana 5:10

Ng’atu m’uyio ni Wod Mungu ebedo ku lembanyutha i ie: ng’atu m’uyio Mungu ngo eketho ebedo jandra; kum eyio lembanyutha ngo ma Mungu nyutho pi Wode.

1 Yohana 5:21

Nyithindho para ma thindho, wugwokru giwu ni ayi gin m’acwia.

Lembanyutha 1:1

Lembanyutha pa Yesu Kristu, ma Mungu mio ire enyuth ni jumiru pare, cil gin ma fodi nyanok bikotimbre be: man eoro enyuthe ku malaika pare ni jatic pare Yohana;

Lembanyutha 1:9

An a Yohana, m’umegwu man jarib wakudu i masendi ku ker ku twiocwiny ma gini i Yesu, nwang’u ani i cula ma julwong’o Patmo, kum lembe pa Mungu man kum lembatuca pa Yesu.

Lembanyutha 12:11

Man givoye ni kum rimb Nyathi Rombo, man ni kum wec mi lembatuca migi; man gimaru kwo migi ngo cil ni tho.

Lembanyutha 12:17

Man kwinyo nego ng’ec dwanya kum dhakune, man ecidho nitimo lwiny ku kodhi dhakune m’udong’, m’ugwoko lembang’ola pa Mungu, m’umaku lembatuca pa Yesu Kristu de:

Lembanyutha 14:7

man ewacu ku dwal ma dit, Wulwor Mungu, man wumie dwong’: kum saa mi pokolembe pare wok: man wurwo ni ng’atu m’ucwio polo ku ng’om ku nam ku kulo ma dhenyni bende.

Lembanyutha 15:4

Ng’a ma lworo binege ngo, E Rwoth, ma k’ebiyungo nyingi de ngo? kum in i kendi e m’i leng’; kum thek ceke bibino man gibirwo i weng’i; kum tic peri mi bedopwe udaru nyuthre.

Lembanyutha 19:9

Man ewacu ira kumae, Kieu kumae, Mugisa ni ju ma julwong’ogi ni cemo mir uthieno mir ambadha pa Nyathi Rombo. Man ewacu ira kumae, Maeni lemandha pa Mungu.

Lembanyutha 4:10

judongo pier ario wi ang’wen bipodho piny i wang’ ng’atu m’ujany wi komker, man gibirwo ire m’ebedo kwo rondo ku rondo, man gibibolo jamkermiwic migi wang’ komker, ma giwacu ko kumae,