Lembanyutha 18:6 - The Holy Bible In Alur (Lur) Revised Orthography

⁶ Wumi ire cil calu emio, man wumi ire wang’ ario calku tic pare: i kikombe m’ejebo i ie, jeb ire wang’ ario.

Lembanyutha 18:6 ပူးပေါင်းရင်းမြစ်များ

Zaburi 137:8

E nyar Babeli, ma jubinyothi Ng’atu m’umio sukulia iri Calu itimo iwa, ebibedo jamutoro.

Zaburi 28:4

Mi igi calu tic migi, man calku dubo mi giratima migi: Mi igi calku tic mi cing’gi; Cul igi calu m’uromo kugi.

Isaya 40:2

Wuyer lemjuk ni Yerusalem; wulwong’ i bang’e, nia ali pare thum, nia juweko kier pare, nia ejolo pi dubo pare wang’ ario kud i cing’ Yehova.

Isaya 61:7

Wubibedo ku piny wang’ ario ka lewic mu; man anyong’a binegogi ni kum makapiny migi ka cac: ka kumeno gibibedo ku piny wang’ ario i ng’om migi; mutoro mi nja bibedo igi.

Yeremia 16:18

Man abilar culo kier migi ku dubo migi wang’ ario, kum gicido ng’om para kud avu mi ginmajudagu migi, man gipong’o aba para ku ginmajudagu migi.

Yeremia 17:18

Wek lewic umak ju m’usenda, ento kud iwek lewic umaka; wek cwinygi ng’abre, ento kud iyi cwinya ng’abre; kel ceng’ ma rac i wigi, man inyothgi ku nyoth wang’ ario.

Yeremia 50:15

Wukok i kume gbur: ejwigre gire; odkur pare podho, juredho gang’kidi pare piny; kum en e culokwor pa Yehova: wucul kwor i kume; calu etimo, e wutim i kume kumeca.

Yeremia 50:29

Wulwong’ weg atum karacelo kum Babeli, dhanu ceke ma gomo atum; wugur hema i kume gbur; kud wuyi ng’atu moko ma pare bothi: wucul i kume calku tic pare; calku gin ceke m’etimo, wutim i kume kumeca; kum etingre ni Yehova, ni Ng’atu Maleng’ mir Israel.

Yeremia 51:24

Man abiculo kum Babeli man kum ju m’ubedo i Kaldayo ceke lem ma rac ceke ma gitimo i Sayuni i weng’wu, Yehova wacu.

Yeremia 51:49

Calu Babeli ketho ju ma junego mir Israel upodho, e ju ma junego i ng’om ceke bipodho kumeca i Babeli.

Ywak 3:64

Ibiculo kwor i kumgi, E Yehova, calku tic m’i cing’gi.

Zekaria 9:12

Wulokru ba ka ma tek, wu jukol mi genogen: cil tinuni ayero nia abimio wang’ario iri.

2 Timoteo 4:14

Iskander ma jathiedh nyunyu etima rac dit: Rwoth bimio ire rom ku tic pare:

Lembanyutha 13:10

Tek ng’atu moko en e jathebkol, e ecidho i kol: tek ng’atu moko binego ku palamularu, en de jubikonege be ku palamularu. Twiocwiny ku yioyic mi jumaleng’ ni keni.

Lembanyutha 14:10

en bende ebimadhu kum pigulok mi kwinyo pa Mungu, m’ubedo ayika m’ajeba ngo i kikombe mi ng’ecwiny pare; man jubimie ndiba ma ku mac man muganga i wang’ malaika maleng’, man i wang’ Nyathi Rombo:

Lembanyutha 16:19

Man adhura ma dwong’ upokre ni ng’ete adek, man adhura mi thek upodho; man Babeli ma dit jupoi pire i wang’ Mungu, ya jumi ire kikombe mi pigulok mi kwinyo mi kwiny pare.

Lembanyutha 17:2

m’ubimo m’i ng’om gitimo kugi tarwang’, man ju m’ubedo wi ng’om jumerogi ku pigulok mi tarwang’ pare.

Lembanyutha 17:4

Man dhakune ronjre uluga man kwar ngbo, m’erukre de ku mola ma kwar ku kidi ma pire tek man kidi ma i upal, m’emaku kikombe mi mola ma kwar i cinge ma gin mir adegi pong’ i ie, cil gin m’ucido mi tarwang’ pare,

Lembanyutha 18:20

Anyong’a negwu i kume, in i polo, ku wun wu jumaleng’, man wu jukwenda, ku wu jubila; kum Mungu poko lembe mu i wie.