Lembanyutha 18:4 - The Holy Bible In Alur (Lur) Revised Orthography

⁴ Man awinjo dwal mange ai i polo, wacu kumae, Wuwoki, dhanu para, wuwok kud i ie, kara kud wuribru ki ku dubo pare, man kara kud wujol kum masendi pare:

Lembanyutha 18:4 ပူးပေါင်းရင်းမြစ်များ

Thangambere 19:14

E Lot uwok woko, man eweco ku cog nyige, m’ugamu nyige, man ewacu kumae, Wuai, wuwodhru woko ku ka maeni; kum Yehova binyotho adhura maeni. Ento ebedo calu ng’atu m’utimo lele i wang’ cog nyige.

Zaburi 50:18

Kinde m’ineno jakwo, iyio ire, Man makapiny peri ni karacelo ku weg dubriswa.

Isaya 48:20

Wuai kud i Babeli, wuring Jukaldayo; wuyer maeni ku dwal mi wer, wuwac maeni, wuyere cil kum kajik mi ng’om: wuwac kumae, Yehova waru jatic pare ma Yakobo.

Isaya 52:11

Wuai, wuai, wuai ku kuno, kud wumul gin m’ucido; wuai kud i kinde; wudwokru giwu leng’, wu ju m’uyeyo agulu pa Yehova.

Yeremia 50:8

Wuring kud i die Babeli, man wuai woko kud i ng’om mi Jukaldayo, man wubed calu nyogi diegi i wang’ udul lim.

Yeremia 51:45

Dhanu para, wuai woko kud i kinde, man wubodhru giwu ku ba dhanu ku ba dhanu ng’atuman ni ng’ecwiny ma lake tek pa Yehova.

Yeremia 51:50

Wun ma wuboth ni palamalaru, wucidhi, kud wucung ling’; wupoi kum Yehova ku bor, man wuwek Yerusalem umond i pidoiwu.

Yeremia 51:6

Wuring kud i die Babeli, man ku ba dhanu ku ba dhanu ng’atuman ubodh kwo pare; kud wukebru woko ni kum kier pare: kum en e nindo mi culokwor pa Yehova; ebiculo kwor i kume.

Yeremia 51:9

Kuno di wacangu Babeli, ento ecangre ngo: wuweke, man wek wacidh kubang’wa kubang’wa ng’atuman i ng’om thugi ma dhe; kum lembapoka pare tundo kum polo, man juting’e malu cil kum afuru.

Matayo 23:30

wuwacu de kumae, Tek wanuti i ceng’ ma kwaruwa nuti i ie, kuno di waribra kugi ngo i rimo mi jubila.

2 Jukorinto 6:17

Kum kumeno Wuai woko kud i kindgi, man wubed tung’, Rwoth uwacu, Man kud wuraul gin m’ucido; E abijolowu.

1 Timoteo 5:22

Kud iketh cingi vur vur kum ng’atu moko, kadi kud iribri i dubo mi jumange: igwokri giri leng’.

2 Yohana 1:11

kum ng’atu m’umothe nwang’u giribri gikude i tic ma rac pare.