Lembanyutha 18:3 - The Holy Bible In Alur (Lur) Revised Orthography

³ Kum ni kum pigulok mi kwinyo mi tarwang’ pare thek ceke gipodho; man ju m’ubimo m’i ng’om gitimo tarwang’ kude, man jukuloka m’i ng’om gidoko julonyo ni kum tego mi jambayunga pare.

Lembanyutha 18:3 ပူးပေါင်းရင်းမြစ်များ

Isaya 47:15

Gin m’imuli i ie bibedo iri kumeni: ju ma giloko kuloka kudi ugambre i aradu peri gibigondri kubang’gi kubang’gi ng’atuman i yo pare gire; ng’atu moko bibedo mbe m’ubodhi.

Yeremia 51:34

Nebukadrezar m’ubimo mi Babeli cama, man enyona, edwoka ni agulu ma ie nanu, emwonya calu nyang’, epong’o ie ku gin ma mit para; ebaya woko.

Yeremia 51:7

Babeli bedo ni kikombe ni mola ma kwar i cing’ Yehova, ma mero ng’om ngung’: thek madhu kum pigulok pare; ka kumeno thek gin abelu.

Ywak 4:5

Ju ma camu cemo ma mit hai gibedo kendgi i gengi: Ju ma jutungogi ku kendi ma kwar gigwaku udhuru mi weyo.

Nahum 3:4

kum udul asara pa won asara ma nen ber, ma en e dhaku mir ajoga, m’eloko thek ni kum asara pare, man juudi ni kum ajoga pare.

Luka 7:25

Ento wucidho woko nineno ang’o? ng’atu m’uronjre ku kendi ma yomi? Nen, ju m’ukendo kendi m’urieny, m’ubedo ku lonyo de, gini i udi mir ubimo.

1 Timoteo 5:11

Ento mon ma thindho re ma coggi tho kwergi: kum ka gibijai kum Kristu kum ava gin m’utimogi, e gibiyenyo gigambri;

Lembanyutha 14:8

Man mange, malaika mir arionde, m’ulubo ng’eye, ewacu kumae, Babeli ma dit, upodho, upodho m’eketho thek ceke gimadhu pigulok mi kwinyo mi tarwang’ pare.

Lembanyutha 17:2

m’ubimo m’i ng’om gitimo kugi tarwang’, man ju m’ubedo wi ng’om jumerogi ku pigulok mi tarwang’ pare.

Lembanyutha 18:19

Man giketho utur i wigi, gikok kumae, ku ywak man can, giwacu, Can, can, adhura ma dit, ma i ie dhanu ceke ma gibedo ku combo migi i pi juketho gilony ni kum lonyo pare! kum i saa acel juketho edong’ lwe.

Lembanyutha 18:23

man der mi thala birieny kendo ki ngo ii; man ba dwand won ambadha ku pa mugole de biwinjre kendo ki ngo ii; kum jukuloka peri naka gi juker m’i ng’om; kum thek ceke bombre ni kum ajoga peri.

Lembanyutha 18:7

Wumi ire ndiba ku can kumeni ma rom ku yung m’eyungre ko, man dhetho mi yeny ma ie yenyo: kum ewacu yo i adundene kumae, Abedo ubimo ma dhaku, man an a dhaku ma cwara tho ngo, man abineno can ki ngo.

Lembanyutha 18:9

Man ju m’ubimo m’i ng’om, m’utimo tarwang’ kude m’ubedo i ayunga ceke de gikugi, gibiywak ku goyo nduru i wie, ka gineno yiro mi wang’ m’ewang’ ko,