Lembanyutha 18:22 - The Holy Bible In Alur (Lur) Revised Orthography

²² Man dwand jubodho mir adungu ku jubodho mi wer man jubodho mir ungbalu man jubodho mir agwara gibiwinjri kendo ki ngo ii; man jabodho, mi tic ceke ma tek nuti, gibinwangri ii ki ngo; man ba dwand pom biwinjre kendo ii ki ngo;

Lembanyutha 18:22 ပူးပေါင်းရင်းမြစ်များ

Kitabu Pa Yob 3:7

Nen, wek diewor maeno bed kende; Dwal mi mutoro kud umond i ie.

Eklizia 12:4

Man dhugola bibedo acika i gengi; kinde ma badwal mi rego bijik, man dhanu biai ku ba dwand winyo, man nyig badwal ceke jubijwigo;

Isaya 23:12

Man ewacu kumae, Anyong’a binegi kendo ngo, E in i Nyasidoni ma sumba ma jusendo: ai, kadh lokaca ba Kitim; cil kuca ibibedo ku yom ungo.

Yeremia 16:9

Kum Yehova mir udul, Mungu mir Israel, uwacu kumae: Nen, abiketho dwal mir anyong’a ku dwal mi mutoro, dwand won ambadha ku dwand mugole jik i kakeni, i weng’wu man i nindo mu.

Yeremia 25:10

Mange ke abikabu dwal mir anyong’a ku dwal mi mutoro, dwand won ambadha, man dwand mugole, ku badwal mi kidi rego, man der mi thala kud i bang’gi.

Yeremia 33:11

dwal mi mutoro ku dwal mir anyong’a biwinjre kendo, man dwand won ambadha ku dwand mugole, dwand ju m’uwacu kumae, Wumi foc ni Yehova mir udul, kum Yehova e ber, kum mer mi bero pare bedo mi nja; man mi ju m’ukelo lam mi foyofoc i ot pa Yehova. Kum abiketho ng’eca m’i ng’ombe dwogo calu ma kwong’a, Yehova wacu.

Yeremia 7:34

Abilund jigo dwal mir anyong’a man dwal mi mutoro, ku dwand won ambadha man dwand mugole ku i adhura mi Yuda, man kud i gengi mi Yerusalem; kum ng’om bidoko ni uvuru.

Ezekiel 26:13

Man abiketho badwal mi wer peri jik; man jubiwinjo badwal mir adungu peri kendo ngo.

Matayo 9:23

E ka Yesu bino i ot pa jabim, eneno ju m’ukudho bilo, ku njuru dhanu m’ubeyakni,