Lembanyutha 18:20 - The Holy Bible In Alur (Lur) Revised Orthography

²⁰ Anyong’a negwu i kume, in i polo, ku wun wu jumaleng’, man wu jukwenda, ku wu jubila; kum Mungu poko lembe mu i wie.

Lembanyutha 18:20 ပူးပေါင်းရင်းမြစ်များ

Zaburi 107:42

Ju m’atira binene, man anyong’a binegogi; Man kier ceke bimio dhoge.

Zaburi 109:28

Wek gikwong’, ento imi mugisa: Kinde ma giai, lewic bimakugi, Ento anyong’a binego jatic peri.

Zaburi 18:47

En e Mungu m’uculo kwor pira, Man m’ujwigo kodhidhanu the tienda.

Zaburi 48:11

Wek anyong’a neg got Sayuni, Wek anyong’a neg nyig Yuda, Kum pokolembe peri.

Zaburi 58:10

Anyong’a binego won bedopwe kinde m’eneno culokwor: Ebilwoko tiende ku rimb judubo;

Zaburi 94:1

E Yehova, in i Mungu ma culokwor en e peri, In i Mungu ma culokwor en e peri, rieny.

Lembrieko 11:10

Kinde ma lembe bedo miero ni ju ma pwe, anyong’a nego adhura; Man kinde ma judubo rwinyo, woi bedo nuti.

Isaya 26:21

Kum, nen, Yehova ai kud i kakare kara esend ju m’ubedo i ng’om kum kier migi: ng’om bende biyabu rimo pare, man ebiumo ju ma junego pare kendo ngo.

Isaya 44:23

Wuwer, E polo, kum Yehova timo maeni; wukoki, wu ng’et ng’om ma yo piny; wu moj wer, wu gudi, E luli, man yen kubang’e kubang’e ma ni i ie: kum Yehova waru Yakobo, man ebinwang’u dwong’ ire gire ni kum Israel.

Isaya 49:13

Wuwer, E polo; man anyong’a negi, E ng’om; man wumoj wer, E gudi: kum Yehova juko dhanu pare, man ngisi binege kum jupare ma jusendo.

Zefania 3:15

Yehova kabu pokolembe peri woko, ebayu jadegini woko: ubimo mir Israel, en e Yehova, eni i kindi; lworo binegi kendo ngo kum lem ma rac.

Juefeso 2:20

ma wugombru wi kathere mi jukwenda ku jubila, Yesu Kristu en e m’e kidi ma dwong’ mi gui;

Juefeso 3:5

ma kum dhanum’utuk mange juketho eng’eire ngo ni wot dhanu, calu ma kawono enyuthre ni jukwenda pare ma leng’ man jubila i Tipo;

Juefeso 4:11

Man emio jumoko ya gibed jukwenda; jumoko ke, jubila; jumoko ke, juyer lembanyong’a ma juboth ko; jumoko ke, jugwok kanisa man juponji;

Poi Mi Cik 32:42

Abimero athero para ku rimo, Man palamularu para bicamu ring’kum; Ku rimb ju ma junego man jukol, Ku ba juwi jutelwic mi judegi.

2 Petro 3:2

kara wupoi kum lembe ma jubila maleng’ ular uyero, ku lembang’ola pa Rwoth Jalar ni kum jukwenda mu:

Yuda 1:17

Ento wun, jumer, wupoi pi lembe ma yang’ alar ayero ni kum jukwenda pa Rwoth mwa ma Yesu Kristu;

Lembanyutha 12:12

Ka kumeno anyong’a negwu, E polo, ku wun ma wubedo i igi de. Can ni ng’om ku nam de: kum wonabali loro piny i beng’wu, ma kwinyo ma dit ni i bang’e, m’eng’eyo ko nia nindo dong’ ire nyanok kende.

Lembanyutha 18:6

Wumi ire cil calu emio, man wumi ire wang’ ario calku tic pare: i kikombe m’ejebo i ie, jeb ire wang’ ario.

Lembanyutha 6:10

man gikok ku dwandgi ma dit, giwacu kumae, Rokani, E Rwoth, m’i leng’ andha de, ipoko lembe man iculo wang’ rimbwa wi ju m’ubedo wi ng’om ungo?

Jupoklembe 5:31

Dong’ judegi peri ceke ginyothri kumeca, E Yehova: Ento dong’ ju m’umare gibed calu ceng’ kan ewok i tego pare. Man ng’om ukwio rundi pier ang’wen.