Lembanyutha 18:19 - The Holy Bible In Alur (Lur) Revised Orthography

¹⁹ Man giketho utur i wigi, gikok kumae, ku ywak man can, giwacu, Can, can, adhura ma dit, ma i ie dhanu ceke ma gibedo ku combo migi i pi juketho gilony ni kum lonyo pare! kum i saa acel juketho edong’ lwe.

Lembanyutha 18:19 ပူးပေါင်းရင်းမြစ်များ

2 Samwil 13:19

Man Tamar uketho vuru i wie, eyeco kendi pare de ma kite tung’ tung’ ma ni i kume; man egwaku wie ku cinge, man ecidho i yo pare, m’ewotho kuywak ma tek.

Nehemia 9:1

Nie i ceng’ pier ario wi ang’wende mi dwi maeni nyithindho mir Israel gicokri ku kwiro cam, man kud usuba, ku ng’om i wigi.

Kitabu Pa Yob 2:12

E kinde ma giting’o wang’gi malu ku bor cen, man ging’eye ngo, giting’o dwandgi malu, e giywak; man kubang’gi kubang’gi ng’atuman uyeco kanzu pare, e gikiro utur yor i polo i wigi.

Isaya 13:19

Man Babeli, ma dwong’ mi ker, leng’ mi kuhaya mi Jukaldayo, bibedo calu Sodom ku Gomora kinde ma Mungu ng’ielogi.

Ywak 2:10

Judongo pa nya Sayuni bedo wi ng’om, gibedo ling’; Gikiro utur i wigi; gitwiri gigi ku gonia; Nyir ma ng’won mi Yerusalem gikulo wigi i ng’om.

Ezekiel 27:30

man gibiketbo dwandgi winjre i wii, man gibiywak ni can, man gihiketho utur i wigi; gibirudri gigi i vuru,

Yocuwa 7:6

E Yocuwa yeco kendi pare, man epodho arieba wang’e i ng’om i wang’ sanduk pa Yehova maram uthieno wok ko, en ku judongo mir Israel; man giketho utur i wigi.

Lembanyutha 17:16

Man tung apar m’ineno, ku yedi, maeni bidagu dhaku ma won asara, man gibiweke lwe man muneru, man gibicamu ring’kume, man gibiwang’e pet ku mac.

Lembanyutha 18:10

ma gicungo ko ku bor ni lworo mi ndiba pare, ma giwacu ko kumae, Can, can, adhura ma dwong’, Babeli, adhura ma tek! kum i saa acel pokolembe peri wok.

Lembanyutha 18:3

Kum ni kum pigulok mi kwinyo mi tarwang’ pare thek ceke gipodho; man ju m’ubimo m’i ng’om gitimo tarwang’ kude, man jukuloka m’i ng’om gidoko julonyo ni kum tego mi jambayunga pare.

Lembanyutha 18:8

Ka kumeno i ceng’ acel masendi pare biwok, tho, ku can, man ndru; man ebiwang’ kot ku mac; kum Rwoth Mungu m’upoko lembe pare e tek.

1 Samwil 4:12

E ng’atu acel pa Benyamin uai kud i njuru asikari, man ebino i Cilo ceng’ nino, ku kendi pare m’uyec, man ku ng’om i wie.