Lembanyutha 18:11 - The Holy Bible In Alur (Lur) Revised Orthography

¹¹ Man jukuloka m’i ng’om giywak man can unegogi i kume, kum ng’atu moko mbe m’ung’iewo jambkuloka migi kendo;

Lembanyutha 18:11 ပူးပေါင်းရင်းမြစ်များ

Lembrieko 3:14

Kum kuloka pare ber ma sagu kuloka mi mola ma tar, Man kulokane sagu mola ma kwar ma leng’.

Isaya 13:19

Man Babeli, ma dwong’ mi ker, leng’ mi kuhaya mi Jukaldayo, bibedo calu Sodom ku Gomora kinde ma Mungu ng’ielogi.

Isaya 47:15

Gin m’imuli i ie bibedo iri kumeni: ju ma giloko kuloka kudi ugambre i aradu peri gibigondri kubang’gi kubang’gi ng’atuman i yo pare gire; ng’atu moko bibedo mbe m’ubodhi.

Ezekiel 27:9

Naka judongo mi Gebal ku juriekone gini ii ni juyik the combo peri: naka combo ceke mi nam ku dhanune de gini ii kara gilok jamkuloka peri.

Zefania 1:11

Wugoi nduru, wu ju m’ubedo i Maktec; kum dhanu ceke mi Kanan wigi jik; dhanu ceke ma giyeyo ter mi mola ma tar juthumogi woko.

Zefania 1:18

Kadok mola ma tar migi kadi mola ma kwar migi bicopo bodhogi ngo i ceng’ mi kwinyo pa Yehova; ento ng’om dho biwang’ ku mac mi ngiri pare: kum ebijigo, eyo, ebijigo ku ndiri, dhanu ceke m’ubedo i ng’om.

Matayo 22:5

Ento gidwoko lembene ni tara, gicidho de i yo migi, acel ba podho pare, mange kuloka pare;

Yohana 2:16

man ewacu kumae ni ju m’uloko akuru, Wuwodh giki maeni woko; kud wudwok ot pa Vwa ni odkuloka.

2 Petro 2:3

I kethocwiny ma giketho hai kum piny gibitimo i kumwu ku lembabombi kara ginwang’ kuloka: ma pokolembe migi gambre con ugalu ngo, nyoth migi de nindo ngo.

Lembanyutha 18:15

Jukuloka mi ginduni, ma gilony ni kume, gibicungo ku bor ni lworo mi ndiba pare, ma giywak can de negogi;

Lembanyutha 18:20

Anyong’a negwu i kume, in i polo, ku wun wu jumaleng’, man wu jukwenda, ku wu jubila; kum Mungu poko lembe mu i wie.

Lembanyutha 18:23

man der mi thala birieny kendo ki ngo ii; man ba dwand won ambadha ku pa mugole de biwinjre kendo ki ngo ii; kum jukuloka peri naka gi juker m’i ng’om; kum thek ceke bombre ni kum ajoga peri.

Lembanyutha 18:3

Kum ni kum pigulok mi kwinyo mi tarwang’ pare thek ceke gipodho; man ju m’ubimo m’i ng’om gitimo tarwang’ kude, man jukuloka m’i ng’om gidoko julonyo ni kum tego mi jambayunga pare.

Lembanyutha 18:9

Man ju m’ubimo m’i ng’om, m’utimo tarwang’ kude m’ubedo i ayunga ceke de gikugi, gibiywak ku goyo nduru i wie, ka gineno yiro mi wang’ m’ewang’ ko,