Lembanyutha 17:8 - The Holy Bible In Alur (Lur) Revised Orthography

⁸ Yedi m’ineno yang’ enuti, man embe: man edhingo ai i longro ma there mbe, m’ecidho ko i kanyothri. E ju m’ubedo wi ng’om igi biwang’ lii, gi ju ma nying’gi kugore ngo i kitabu mi kwo ugambre i thek ma ng’om uthekre ko, ka gineno yedi, maram yang’ enuti, man embe, man ebibino.

Lembanyutha 17:8 ပူးပေါင်းရင်းမြစ်များ

Zaburi 69:28

Wek juyweigi woko ku i kitabu mi kwo, Man ku jugorgi karacelo ku weg bedopwe.

Daniel 11:45

Man ebiguro hema mi odker pare i die nam ku got ma leng’ ma ber; ento ebitundo kum kajikne, man ng’atu moko mbe ma bikonye.

Daniel 7:11

Aneno i nindo maeca um dwal mi lembe ma dit ma tunge yero; aneno maram junego ko yedine, man maram junyotho ko kume de, man maram jumie ya juwang’e ku mac.

Daniel 7:26

Ento jubiketho pokolembe, man jubikabu bimobim pare woko, kara girwinye ginyothe cil i kajikne.

Daniel 7:3

Man yedi ang’wen ma dongo giwok kud i nam, ma gi tung’ tung’ ku wagi.

Daniel 7:7

Yo ng’ei maeni aneno i ginmawokiwang’ ku diewor, man, nen, yedi mir ang’wende, ma jang’oi ndiri man ma tek, man won tego ma dit; man ebedo ku lake ma dit mi nyunyu; ecamu man eturo nziki nziki, man enyono donge ku tiende: man e tung’ ku yedi ceke m’ular uwok ire; man ebedo ku tunge apar.

Matayo 25:34

Ubimo bilund wacu ni ju ma yo ku cinge ma yor acwic kumae, Wubin wu ju ma Vwa dwokowu jumugisa, wucam pacu mi ker m’ubedo ayika iwu ugambre i thekri mi ng’om:

Luka 10:20

Ento anyong’a kud unegwu kum maeni, nia tipo gibedo wor iwu; ento anyong’a negwu kum nyingwu gore i polo.

Luka 8:31

Man gikwaye y a kud eng’ol gicidh i longro ma there mbe.

Yohana 17:24

Vwa, ayenyo nia gin bende m’imio ira wabed kugi karacelo ka m’ani ie, kara ginen dwong’ para, m’imio ira: kum imara ma fodi ng’om ku thekre ngo.

Tic Mi Jukwenda 15:18

Rwoth uwacu en, m’eketho gin maeni ng’eire ugambre por yang’ con.

Juefeso 1:4

cil calu yang’ elwong’owa i ie ka fodi theng’om kuthekre ngo, nia wabed leng’ ma poyo de mbe i wang’e i mer:

Tito 1:2

i genogen mi kwo ma rondo ku rondo, ma Mungu, ma kucop cwayu ndra ngo, ung’olo por yang’ con;

1 Petro 1:20

ma jular jung’eye andha ka fodi theng’om kucakre ngo, ento enyuthre i kajiknindo piwu,

Lembanyutha 11:7

Man ka gibidaru lembatuca migi, yedi m’uai i longro ma there mbe ebitimo lwiny kugi, ebiloyogi de, man ebinegogi.

Lembanyutha 17:11

Man yedi ma naka nuti, ma dong’ embe e, en nini bende en e mir aborane, man en e kind abiro man ecidho i kanyothri.

Lembanyutha 17:2

m’ubimo m’i ng’om gitimo kugi tarwang’, man ju m’ubedo wi ng’om jumerogi ku pigulok mi tarwang’ pare.

Lembanyutha 20:10

Man wonabali m’ubombogi jubole i nammac ku muganga bende, ka ma yedi ku jabila mi ndra bende gini ie; man jubimio igi ndiba dieceng’ ku diewor rondo ku rondo.

Lembanyutha 20:12

Man aneno ju m’utho, ju ma dongo ku ju ma thindho, ma gicungo wang’ komker; e juyabu kitabu: man juyabu kitabu mange de, ma en e kitabu mi kwo: man jupoko lembe mi ju m’utho ku gin m’ugore i kitabune, calku tic migi.

Lembanyutha 20:15

Man tek ng’atu moko junwang’u nyinge kugore i kitabu mi kwo ngo, jubaye i nammac.

Lembanyutha 3:10

Kum igwoko lembe mi twiocwiny para, an bende abigwoki ni saa mir abidhe, saa maeno ma bibino wi ng’om ngung’, nimulo i ju m’ubedo wi ng’om.

Lembanyutha 3:5

Ng’atu m’uloyo bironyo kendi ma tar kumeni; man abiruco nyinge woko kud i kitabu mi kwo ki ngo, man abituco nyinge i wang’ Vwa, kud i wang’ malaika pare.