Lembanyutha 17:6 - The Holy Bible In Alur (Lur) Revised Orthography

⁶ Man aneno dhakune mer ku rimb jumaleng’, ku rimb ju m’utho pi Yesu. Man kan anene, ia wang’ lii ku wang’uic ma dit.

Lembanyutha 17:6 ပူးပေါင်းရင်းမြစ်များ

Daniel 7:21

Aneno, e tung maeno timo ali ku jumaleng’, man esagugi;

Daniel 7:25

Man ebiyero lembe kum Ng’atu ma Malu Ngbir; man ebiolo jumaleng’ pa Ng’atu ma Malu Ngbir; man ebipido ya elok nindo ku cik; man jubimiogi i cinge cil nindo ku nindo moko man ng’et nindo.

Habakuk 1:13

In m’ibedo ku wang’ ma leng’ njwa ketho kud inen dubo, m’icopo neno camuco de ngo, nedi ineno wi ju m’utimo abombi, man ibedo ling’ ka jadubo mwonyo ng’atu ma pwe ma sagu en;

Yohana 2:10

man ewacu ire kumae, Ku ba dhanu ceke gilar gikelo pigulok ma mit; man ka dhanu madhu hai, e gikelo maeno ma mit nyanok: in ikanu pigulok ma mit cil kawono.

Tic Mi Jukwenda 22:20

e ka rimb Stefano ma jamulembe peri cwir, nwang’u an de acungo i vute, ayia de ayio, akuro kum kendi mi ju m’unege de.

Lembanyutha 12:11

Man givoye ni kum rimb Nyathi Rombo, man ni kum wec mi lembatuca migi; man gimaru kwo migi ngo cil ni tho.

Lembanyutha 13:15

Man jumio ire y a eyui lietho ire, cil ni ayi yedine, kara ayi yedine weci, kara dhanu ceke de ma girwo ngo ni ayi yedine juneggi.

Lembanyutha 13:7

Man jumio ire ya etim lwiny ku jumaleng’, eloi kogi de: man jumio ire ng’ol wi suru kubang’gi kubang’gi ku dhanu man dhok man thek.

Lembanyutha 16:6

kum githwogo rimb jumaleng’ ku mi jubila de, imio igi rimo gimadhi: eromo kugi de.

Lembanyutha 2:13

Ang’eyo ka m’ibedo i ie, en e ka ma komker pa Jok ni ie; man imaku nyinga ki, man ikwero yioyic para ngo, cil i ceng’ pa Antipa ma jamulembe para, ng’atu mandha para, ma junego i kindwu, ka ma Jok bedo i ie.