Lembanyutha 17:3 - The Holy Bible In Alur (Lur) Revised Orthography

³ Man etera cen i Tipo cil i yamba: man aneno dhaku m’ubedo wi yedi ma kwar ngbo, m’epong’ ku nying’ mir acidi, ma wie abiro tunge ke apar.

Lembanyutha 17:3 ပူးပေါင်းရင်းမြစ်များ

1 Ubimo 18:12

Man ebitimbre, kan aai i beng’i, nia Tipo pa Yehova biting’i teri i ka m’ang’eyo ngo; man kan abino ayero ni Ahab de, man ecopo nweng’i ngo, ebinega: ento an m’a jatic peri agamu lworo Yehova i aradu para.

2 Ubimo 2:16

E giwacu ire kumae, kawono nen, dhanu ma jutego pier abic gini ku jutic peri; Wakwei, wek gicidhi, man giyeny rwoth peri, kuno nyo Tipo Yehova ting’e, man ebole wi got moko, kadi i poga moko. Man ewacu kumae, Wubioro ngo.

Wer Pa Suleman 8:5

Maeni ng’a m’uai malu kud i langa, M’ujengre kum jameme? Acewi the yendulam: Kuca meru sendre kudi, Kuca esendre m’ewodhi ko woko.

Ezekiel 11:24

Man Tipo ting’a malu, man etera i ginmawokiwang’ ku Tipo pa Mungu i Kaldayo, ba ju mi ng’eca. Kum kumeno ginmawokiwang’ m’aneno idho malu kud i bang’a.

Ezekiel 3:12

Tipo lund uting’a malu, man awinjo yor i ng’eya badwal mi giraringa ma dit, m’uwacu kumae, Mugisa bed wi dwong’ pa Yehova m’uai i kakare.

Ezekiel 8:3

Man erieyo ayi mi cing’, man emaka ku yukwia moko; e Tipo ting’a malu i die ng’om ku polo, man ekela i ginmawokiwang’ pa Mungu ba Yerusalem, ba dhugola mi dhugang’ mi lelagang’ ma yor i ie ma nen yor ariwa ma malu; ka ma kom mir ayi gin m’acwia mi nyeko ni i ie, ma nyayu nyeko.

Daniel 11:36

Man ubimo bitimo calu ie yenyo; man ebiyungre gire, man ebikethre dwong’ wi mungu kubang’gi ceke, man ebiyero lembe ma wang’uic kum Mungu mi mungu; man lembe pare bibedo miero cil ma ng’ecwiny bithum ko; kum maeno m’ukethre ebitimbre.

Daniel 7:20

man pi tunge apar ma ni i wie, man tunge mange m’uidho malu, ma adek de podho i wang’e, cil tunge maeno m’ubedo ku wang’e, ku dhoge m’uyero gin ma dit, ma nenne dit ma sagu juwagi.

Daniel 7:25

Man ebiyero lembe kum Ng’atu ma Malu Ngbir; man ebiolo jumaleng’ pa Ng’atu ma Malu Ngbir; man ebipido ya elok nindo ku cik; man jubimiogi i cinge cil nindo ku nindo moko man ng’et nindo.

Daniel 7:8

Ia pido pi tunge, man, nen, tunge mange ma nok uidho malu i kindgi, i wang’e tunge adek ma kwong’a jufudho kud ulaggi: man, nen, i tunge maeni wang’e nuti calu wang’ dhanu, man dhoge ubeyero gin ma dit.

Matayo 27:28

E giwodho bongu pare, man gironye ku jabia ma kwar ngbo.

Tic Mi Jukwenda 8:39

E kinde ma giai kud i pi, Tipo Rwoth urwinyo ku Filipo biti; e jamugumba dong’ unene kendo ngo, kum ecidho i yo pare ma anyong’a nege.

2 Jutesaloniki 2:4

en m’ejai etingre gire kum gin ceke ma julwong’o ya Mungu kadi ma jurwo i bang’gi de; ketho ebedo i hekalu pa Mungu, m’ekethre gire ya en e Mungu.

Lembanyutha 1:10

Nwang’u ani i Tipo i ceng’ pa Rwoth, e awinjo dwal ma dit yor i ng’eya, calu mir agwara,

Lembanyutha 12:14

Man jumio bomb acur ma dongo ario ni dhakune, kara ering i yamba i kakare, ka ma jugwoke i ie pi nindo, man ungu nindo, man ng’et nindo, kud i wang’ thwol.

Lembanyutha 12:3

E giranyutha mange nen i polo: man nen, ng’ec ma dit ma kwar, ma wie abiro tunge ke apar, man jamkermiwic abiro ni i wie.

Lembanyutha 12:6

Man dhakune ringo i yamba, ka ma kaka ma Mungu yiko ire ni i ie, kara jugwoke kuca ceng’ rubanga acel ku dak ario ku pier abusiel.

Lembanyutha 17:18

Man dhakune m’ineno en e adhura ma dit, m’ebimo wi ubimo m’i ng’om.

Lembanyutha 17:4

Man dhakune ronjre uluga man kwar ngbo, m’erukre de ku mola ma kwar ku kidi ma pire tek man kidi ma i upal, m’emaku kikombe mi mola ma kwar i cinge ma gin mir adegi pong’ i ie, cil gin m’ucido mi tarwang’ pare,

Lembanyutha 18:12

jambkuloka mi mola ma kwar, ku mi mola ma tar, man kidi ma pire tek, man kidi ma i upal, ku bongu ma nwang’ ma nwe nwe, man uluga, man bongu mir ukoko, man kwar ngbo; ku yen ceke ma ng’wice ng’ar, man agulu ceke kubang’gi mi lakliec, man agulu ceke kubang’gi ma jutimo ku yen ma pire tek, man mi mola, ku nyunyu man kidi ma tar de;

Lembanyutha 18:16

ma giwacu ko kumae, Can, can, adhura ma dwong’, en m’eronjre ku bongu ma nwang’ ma nwe nwe kud uluga man kwar ngbo, man m’erukre ku mola ma kwar ku kidi ma pire tek ku kidi ma i upal!

Lembanyutha 21:10

Man eyeya i Tipo ba got ma dit ma wiu, man enyutho ira adhura ma leng’ Yerusalem, m’uai i polo ba Mungu ubeloro piny,

Lembanyutha 4:2

E ndhu ndhu nica ani i Tipo: man nen, komker ukethre i polo, man ng’atu acel ujany wi komker;