Lembanyutha 17:14 - The Holy Bible In Alur (Lur) Revised Orthography

¹⁴ Joni gibitimo lwiny kum Nyathi Rombo, Nyathi Rombo de biloyogi, kum en e Rwoth mi rwodhi, man Ubimo mir ubimo; man ju ma gibedo gikugi de gibiloyo gikugi, ma gi ju ma julwong’ogi jugoyo wigi de gi mandha de.

Lembanyutha 17:14 ပူးပေါင်းရင်းမြစ်များ

Zaburi 110:5

Rwoth bigoyo ju m’ubimo i ceng’ mi kwinyo pare, Ku yo ku cingi ma yor acwic.

Yeremia 1:15

Kum, nen, abilwong’o wat ceke mi ker ma yor ariwa ma malu, Yehova wacu; e gibibino, man kubang’gi kubang’gi ng’atuman biketho komker pare i kamondo mi dhugang’ mi Yerusalem man kum gang’kidine ceke gbur, man kum adhura ceke mi Yuda,

Yeremia 1:19

Man gibikiedo i kumi; ento gibisegi ngo: kum wanuti wakudi, Yehova wacu, kara abodhi.

Yeremia 50:44

Nen, jadegi biidho malu calu umvor ku i kuhaya mi Yordan kum kabedo ma tek: kum abiketho gipiei kud i bang’e pio; e ng’atu ma tek jugoyo wie, abiketho ng’atuca i wie: kum ng’a ma calu ani? man ng’a ma ketho ira nindo? man ng’a ma jakwac ma copo cungo i wang’a?

Daniel 2:44

Man i nindo mir ubimo maeno Mungu m’i polo biketho ker ma binyothre ngo rondo ku rondo, kadok camukerne de jubiweko ngo ni dhanu mi thek mange; ento ebituro nziki nziki man ebijigo ker maeni ceke, man ebicungo mi nja.

Daniel 2:47

Ubimo loko lembe ni Daniel, man ewacu kumae, Andha Mungu mu en e Mungu mi mungu, man Rwoth mi ju m’ubimo, man en e ng’atu ma nyutho lembamung’a, kum icopo nyutho lembamung’a maeni.

Daniel 7:21

Aneno, e tung maeno timo ali ku jumaleng’, man esagugi;

Zekaria 2:8

Kum Yehova mir udul uwacu kumae: Pi dwong’ eora ba thek m’uyakuwu; kum ng’atu m’umulo wu emulo tong wang’e.

Matayo 22:14

Kum julwong’o dhanu dupa, ento dhanu ma nyanok re ma jugoyo nying’gi.

Matayo 25:40

Ubimo de biloko lembe ebiwacu igi kumae, Andha awacu iwu kumae, Kum calu wutime ni ng’atu acel ma kind utumira maeni, cil ni maeni ma gi nyithigiki nwang’u wutime ira.

Matayo 28:18

Man Yesu bino i bang’gi eweco i bang’gi, ewacu kumae, Ng’ol ceke mire ira m’i polo ku m’i ng’om bende.

Yohana 15:16

Wugoyo wia ngo, ento an e m’agoyo wiwu, akethowu de, kara wucidh wuceg nyingwu, nyingwune de dong’: kara gin ma tek wukwayu ba Wego ku nyinga, emi ginde iwu.

Jurumi 1:6

i kind joni wun bende, julwong’owu ya wubed pa Yesu Kristu:

Jurumi 8:30

man ju m’elar ekethogi, elwong’ogi bende: man ju m’elwong’o egonyo lembe m’i Wigi bende: man ju m’egonyo lembe m’i wigi, joca e m’eyungogi bende.

Jurumi 8:37

Ento, i gin maeni ceke wasagu weg avoci ni kum ng’ atu m’umaruwa.

1 Jukorinto 15:24

E kajikne lund ubino, kan ebimio ker ni Mungu, ma en e Wego; kinde m’ebidaru kabu bimobim ceke ku ng’ol ceke man tego.

Poi Mi Cik 10:17

Kum Yehova Mungu mu, en e Mungu mi mungu, man Rwoth mi rwodhi, Mungu ma dwong’, ma jatego, man jang’oindiri, ma lworo wang’ dhanu ngo, kadi ma gamu jambng’om de ngo.

1 Timoteo 6:15

m’ebinyutho i rundi pare gire, ng’atu ma Acwic ma Jamugisa e kende, Ubimo ma wi ju m’ubimo bim, Rwoth mi rwodhi; kende

2 Timoteo 2:4

Asikari moko mbe ma tek eni i tic m’etwire gire ku lembe mi kwo maeni; kara enyai mutoro i ng’atu m’ugoro nyinge ya ebed asikari.

1 Petro 2:9

Ento wun wu thekdhanu ma jugoyo nyingwu, lamulam mi ker, thek ma leng’, dhanu mi piny ma dhe pa Mungu, kara wunyuth bero pare m’elwong’owu kud i mudko i der pare ma wang’uic:

Lembanyutha 1:5

m’uai de ba Yesu Kristu, ma en e jamulembe mandha, m’e kayu mi ju m’utho, man jabim mir ubimo m’i ng’om. Ire m’emaruwa, m’egonyowa kud i dubo mwa ku rimbe;

Lembanyutha 11:7

Man ka gibidaru lembatuca migi, yedi m’uai i longro ma there mbe ebitimo lwiny kugi, ebiloyogi de, man ebinegogi.

Lembanyutha 16:14

kum gi tipo pajogi, ma gibetimo giranyutha; ma gicidho woko bang’ ubimo m’i ng’om ngung’, nicokogi karacelo ni lwiny mi ceng’ ma dwong’ pa Mungu, ma Jategokpo.

Lembanyutha 2:10

Lworo kud unegi kum gin ma fodi nyanok ibisendri kudo: nen, wonabali ni ceng’ni bayu kindwu moko i odkol, kara jumul ko iwu; man wubibedo ku masendi ceng’ apar. Dong’ ibed mandha cil i tho, man abimio iri jamkermiwic.

Lembanyutha 2:13

Ang’eyo ka m’ibedo i ie, en e ka ma komker pa Jok ni ie; man imaku nyinga ki, man ikwero yioyic para ngo, cil i ceng’ pa Antipa ma jamulembe para, ng’atu mandha para, ma junego i kindwu, ka ma Jok bedo i ie.

Lembanyutha 3:21

Ng’atu m’uloyo, abimie ejany kuda i komker para, calu an bende aloyo, man ajany waku Vwa i komker pare.