Lembanyutha 16:21 - The Holy Bible In Alur (Lur) Revised Orthography

²¹ Man pei ma dit, ku ba pei ceke pekne va lelo, uai i polo loro piny wi dhanu: man dhanu gicido Mungu kum masendi mi pei; kum masendine e dit apila.

Lembanyutha 16:21 ပူးပေါင်းရင်းမြစ်များ

Kitabu Pa Yob 38:22

Imondo i kakan koth m’umakre, Kadi ineno kakan pei,

Kitabu Pa Yob 38:23

M’agwoko kum nindo mi can, Kum nindo mi lwiny, man ali?

Ai 9:18

Nen, urwo unyoni abikonjo pei ma rac dit, wadi ma fodi ubedo mbe i Misiri ugambre i ceng’ ma juketho ecungo i ie cil kawono de.

Ai 9:22

E Yehova wacu ni Musa kumae, Riei cingi yor i polo, kara pei bed nuti i ng’om Misiri ceke wi dhanu man wi lim, man wi uboko m’i thim kubang’e kubang’e i ng’om Misiri ndri.

Isaya 30:30

E Yehova biketho dwal pare mi dwong’ winjre, man ebinyutho loro piny mi bote, ku kwinyo mi ng’ecwiny pare, man lebmac mi mac ma wang’u, ku morpiny, man wavuvu, man kidi mi pei.

Isaya 8:21

E gibikadhu kud i ie, ma can unegogi hai kec de negogi; man ebitimbre nia, kinde ma kec ubinegogi, gibiywagri gigi, man gibikwong’o kwong’ kud ubimo migi man ku Mungu migi, e gibiloko wang’gi malu:

Ezekiel 13:11

wac ni ju m’ufuye kud uza, nia ebipodho: koth ma dit bicwi; man wun, E kidi mi pei ma dit, wubipodho; man yamu mi wavuvu biyece.

Ezekiel 13:13

Ka kumeno Rwoth Yehova wacu kumae: Abiyece ku yamu mi wavuvu i kwinyo para; man koth ma dit bibedo nuti i ng’ecwiny para, man kidi mi pei ma dit i kwinyo para kara udare.

Yocuwa 10:11

Man etimbre, ka giringo kud i wang’ Israel, kinde ma gini i ka m’alora mi Beth-horon, nia Yehova bolo kidi ma dit piny kud i polo i wigi cil kum Azeka, e githo: ju m’utho ku kidi mi pei gi dit ma sagu ju ma nyithindho mir Israel unego ku palamularu.

Lembanyutha 11:19

Man juyabu hekalu pa Mungu ma ni i polo; man juneno sanduk mi lembariba pare i hekalu pare; man m’ulubo maeno lukoth, man dwal, ku morpolo, man digidi, ku pei ma dit.

Lembanyutha 16:11

man gicido Mungu m’i polo kum remokum migi ku vur migi; man giloko cwinygi de ngo kum tic migi.

Lembanyutha 16:9

E dhanu wang’ ku lietho ma dit: man gicido nying’ Mungu m’e won tego wi masendi maeni; man giloko cwinygi ngo nimie dwong’.

Lembanyutha 8:7

Man malaika ma kwong’ane kudho agwara, m’ulubo maeno pei ku mac, m’ujebre ku rimo, man jubologi wi ng’om: man theng ng’om mir adege wang’ pet, man mir adege mi yedhi de wang’ pet, man lum ceke ma numu wang’ pet.