Lembanyutha 16:2 - The Holy Bible In Alur (Lur) Revised Orthography

² Man ma kwong’ane cidho, man ekonjo tabu pare i ng’om; man edoko ni vur ma rac ma remo dit wi dhanu ma weg kiedo pa yedi ma girwo ni ayine de.

Lembanyutha 16:2 ပူးပေါင်းရင်းမြစ်များ

2 Lemkei 21:15

man ibibedo ku tho ma dit ku tho mi cindii, cil ma cindii biole woko ni kum thoje, ceng’ ku ceng’.

2 Lemkei 21:18

E yo ng’ei maeni ceke Yehova goye i cindie ku tho ma kei ungo.

Zaburi 78:26

Eketho yamu ma yo nyangu koto i polo; Man ku tego pare etwinyo yamu ma yor ariwa ma piny.

Isaya 3:17

ka kumeno Rwoth bigoyo nyig Sayuni ku gwenyo i die wigi, man Yehova biyabu lewic migi ngbeng’.

Isaya 3:24

Man ebitimbre, nia top bibedo ka yath ma jwa jwa ma ber; man uno, ka ruko mi pier; man wie m’uwang’, ka yukwic ma cu; man giratwia mi go nia, ka kanzu; man poyo, ka leng’kum.

Tic Mi Jukwenda 12:23

E ndhu ndhu nica malaika pa Rwoth ugoye, kum emio dwong’ ni Mungu ngo: man ukoko came, cwinye de mwony ndhu.

Poi Mi Cik 28:27

Yehova bigoi ku vur ni Misiri, ku pong’ic, man ku nyac, kud agara de, ma kei ungo.

Poi Mi Cik 28:35

Yehova bigoi i cong, man i tielo, ku vur ma rac, ma keire iri ngo, ugambre i tiendi cil i wii.

Poi Mi Cik 7:15

Man Yehova bikabu tho ceke kud i kumi; man ebiketho tho ma rac moko ngo i wii, m’ing’eyo i Misiri, ento ebikethogi wi ju m’udegi ceke.

Lembanyutha 13:12

Man etimo ku ng’ol ceke pa yedi ma kwong’ane i wang’ yedine. Man eketho ng’om ku ju m’ubedo i ie de girwo ni yedi ma kwong’ane, ma rem mi tho pare kei.

Lembanyutha 14:16

Man ng’atu m’ubedo wi afuru bolo uligu pare i ng’om; man ng’om unyare.

Lembanyutha 14:9

Man malaika mange, mir adege, ulubo ng’eigi, m’ewacu ku dwal ma dit kumae, Tek ng’atu moko rwo ni yedi kud ayine de, man ejolo kiedo ternyime kadi i cinge,

Lembanyutha 16:1

Man awinjo dwal ma dit uai kud i hekalu, uweco ni malaika abiro kumae, Wucidhi, wukonj tabu abiro mi kwinyo pa Mungu i ng’om.

Lembanyutha 16:11

man gicido Mungu m’i polo kum remokum migi ku vur migi; man giloko cwinygi de ngo kum tic migi.

Lembanyutha 8:7

Man malaika ma kwong’ane kudho agwara, m’ulubo maeno pei ku mac, m’ujebre ku rimo, man jubologi wi ng’om: man theng ng’om mir adege wang’ pet, man mir adege mi yedhi de wang’ pet, man lum ceke ma numu wang’ pet.

1 Samwil 5:6

Ento cing’ Yehova bedo tek wi ju ma i Acdod, man enyothogi, man egoyogi ku thong’om ma vur, en e Acdod ku kieune de.

1 Samwil 5:9

Man ebedo kumeno, nia, yo ng’ei tere kuca, cing’ Yehova bedo kum adhurane kud ang’abacwiny ma dit apila: man egoyo dhanu mir adhurane, ma thindho ku ma dongo de; e vur ma thong’om uluro i kumgi.