Lembanyutha 16:18 - The Holy Bible In Alur (Lur) Revised Orthography

¹⁸ e lukoth, ku dwal, ku morpolo ginuti; man digidi ma dit de yengre, yau digidi ma dit ma kumeno fodi uwok ungo i ng’om por ma dhanu gamu bedo ko i ng’om ngi, digidi ma tek kumeni ngi.

Lembanyutha 16:18 ပူးပေါင်းရင်းမြစ်များ

Isaya 29:6

Jubihewe ku mor polo ni kum Yehova mir udul, man ku digidi, ku badwal ma dit, man kud atido, man wavuvu, ku lebmac mi mac ma wang’u.

Daniel 12:1

Man i nindo maeca Mikael bicungo, jaditmawijo ma dwong’ m’ucungo kum juthu; man nindo mi masendi bibedo nuti, ma fokuwok ungo ugambre i thekri mi thek cil i nindo nino m’ubino: man i nindo maeca jubibodho juthu, ku ba dhanu ceke ma junwang’u egore i kitabu.

Matayo 24:21

kum i nindo maeno masendi ma dit bibedo nuti, ma wagi maeno fokuwok ungo ugambre i thekri mi ng’om cil ku kawono de, ungo, kadi cil rondo ku rondo de biwok ungo.

Lembanyutha 11:13

Man i saa maeno digidi ma dit uyengre, man theng adhura mir apaje podho; man dhanu rubanga abiro tho ku digidine: e dong’ dhanu m’udong’ lworo makugi, man gimio dwong’ ni Mungu mi polo.

Lembanyutha 11:19

Man juyabu hekalu pa Mungu ma ni i polo; man juneno sanduk mi lembariba pare i hekalu pare; man m’ulubo maeno lukoth, man dwal, ku morpolo, man digidi, ku pei ma dit.

Lembanyutha 4:5

Man lukoth ku dwal ku morpolo giai ba komker. Man thala abiro mi mac ubeliel i wang’ komker, ma gi Tipo abiro pa Mungu;

Lembanyutha 6:12

Man aneno kan ealu ayi mir abusiende, e digidi ma dit uyengre; man ceng’ udoko col calu gonia mi yuk diel ma mujuga, man dwi ceke doko calu rimo;

Lembanyutha 8:5

Man malaika ting’o tabu mir udok ma ng’wice ng’ar; man epong’e ku mac mi pemblam, man ebole wi ng’om: e m’ulubo maeno morpolo, ku dwal, man lukoth, ku digidi de.