Lembanyutha 16:14 - The Holy Bible In Alur (Lur) Revised Orthography

¹⁴ kum gi tipo pajogi, ma gibetimo giranyutha; ma gicidho woko bang’ ubimo m’i ng’om ngung’, nicokogi karacelo ni lwiny mi ceng’ ma dwong’ pa Mungu, ma Jategokpo.

Lembanyutha 16:14 ပူးပေါင်းရင်းမြစ်များ

1 Ubimo 22:6

Ubimo mir Israel ulund ucoko jubila karacelo, calu dhanu dak ang’wen, man ewacu igi kumae, Abicidho kum Ramoth-gilead i lwiny, kadi abidong’i? Man giwacu kumae, Idh malu; kum Rwoth bimie i cing ubimo.

Ezekiel 14:9

Man tek jubombo jabilane man eyero lembe, an a Yehova, abombo jabila maeno, man abirieyo cinga i kume, man abinyothe kud i kind dhanu para Israel.

Matayo 24:14

Man lembanyong’a maeni mi ker jubiyero i ng’om ngung’ ni lembatuca ni thek ceke; e kajik bilund wok.

Matayo 24:24

Kum ju ma gi Kristu mi ndra gibiwok, man jubila mi ndra de, man gibinyutho giranyutha ma dit ku musana; kara giwing ko cil ju ma jugoyo wigi de, tek ecopre.

Marko 13:22

kum ju ma Kristu mi ndra ku jubila mi ndra i de gibiwok, gibinyutho giranyutha ku musana de, kara giwing ko ju ma jugoyo nying’gi de, tek ecopre.

Luka 2:1

Nie etimbre i ceng’ maeno, nia ng’ol uai ba Kaisari Augusto, nia jugor nying’ dhanu ngung’ m’i ng’om.

Yohana 8:44

Wun wu pa wegwu ma wonabali, e wuyenyo wutim awanya ma rac pa wegwu. Cil ku kwong’a en e janek, man ecungo ngo i lemandha, kum lemandha mbe i ie. Kan eyero ndra, eyero kum gin m’ebedo ko: kum en e jandra, man e won ndrane.

Jurumi 1:8

Ku kwong’a, afoyo Mungu para ni kum Yesu Kristu piwu ceke, kum yioyic mu yik i ng’om ngung’.

2 Jutesaloniki 2:9

en e ng’atuca, ma bino pare en e calku tim pa Jok ku tego ceke man giranyutha ku musana mi ndra,

1 Timoteo 4:1

Ento Tipo wacu gbe, ya i nindo macen jumoko bibadhri kum yioyic, gibiciko ithgi ba tipo mir abidhe ku ponji mi pajogi,

Yakobo 3:15

Rieko maeni en e rieko m’uai malu loro piny ungo, ento en e m’i ng’om, mi kum m’anyola, pa wonabali.

Yocuwa 11:5

Man ubimo maeni ceke gicokri karacelo; e gibino gigonjo karacelo ba pi mi Merom, kara gikied ku Israel.

1 Yohana 5:19

Wang’eyo nia wa pa Mungu, man ng’om ngung’ de vuto i ng’atu ma rac.

Lembanyutha 12:9

Man jubolo ng’ec ma dwong’ piny, en e thwol ma con, en ma julwong’e Wonabali man Jok, en m’e jawondi mi ng’om ngung’; jubole piny i ng’om, man malaika pare de jubologi piny gikugi.

Lembanyutha 13:3

Man aneno wie acel calu juthume ni tho; man rem mi tho pare kei: man i ng’om ngung’ uwang’ lii kum yedine;

Lembanyutha 16:16

Man gicokogi karacelo i ka ma julwong’o ku dhu Juebrania Armagedon.

Lembanyutha 16:7

Man awinjo pemblam uwacu kumae, Eyo, E Rwoth Mungu, ma Jategokpo, lembapoka peri en e andha pwe de.

Lembanyutha 17:14

Joni gibitimo lwiny kum Nyathi Rombo, Nyathi Rombo de biloyogi, kum en e Rwoth mi rwodhi, man Ubimo mir ubimo; man ju ma gibedo gikugi de gibiloyo gikugi, ma gi ju ma julwong’ogi jugoyo wigi de gi mandha de.

Lembanyutha 20:8

man ebiwok woko nibombo thek ma gini i gund ng’om ang’wen, Gog ku Magog, nicokogi karacelo mi lwiny: welgi va kwio ma dhu nam.

Lembanyutha 3:10

Kum igwoko lembe mi twiocwiny para, an bende abigwoki ni saa mir abidhe, saa maeno ma bibino wi ng’om ngung’, nimulo i ju m’ubedo wi ng’om.

Lembanyutha 6:17

kum ceng’ ma dwong’ mi kwinyo migi wok; man ng’a ma copo cungo?