Lembanyutha 15:7 - The Holy Bible In Alur (Lur) Revised Orthography

⁷ Man ng’atu acel ma kind yedi ang’wen ma kwo umio ni malaika abiro tabu abiro mi mola ma kwar ma kwinyo pa Mungu pong’ i igi, en m’e kwo rondo ku rondo.

Lembanyutha 15:7 ပူးပေါင်းရင်းမြစ်များ

Zaburi 75:8

Kum kikombe ni i cing’ Yehova, man pigulok yenyo; Epong’ ku girajeba, man ekonjo kum maeno: Andha judubo ceke m’i ng’om gibiluro durune, man gibimadhugi.

Yeremia 25:15

Kum Yehova, Mungu mir Israel, uwacu ira kumae: Gam kikombe maeni mi pigulok mi kwinyo kud i cinga, man iketh thek ceke, m’aori i bang’gi, gimadhe.

1 Jutesaloniki 1:9

Kum joni giyero piwa gigi pi mondo mwa m’i beng’wu maram ebedo ko; man ke maram wulokru ko ni Mungu ku kum ayi gin m’acwia, kara wutim ni Mungu ma kwo mandha de,

Lembanyutha 1:18

man ng’atu ma Kwo; an ma nwang’u atho, man nen, abedo kwo mi rondo ku rondo, man abedo ku kifungula mi tho man mi Hadeya.

Lembanyutha 10:6

man ekwong’o kwong’ ku ng’atu ma bedo rondo ku rondo, m’ecwio polo ku giki m’i ie, ku ng’om man giki m’i ie, ku nam de man giki m’i ie, ya galu bidong’ bedo nuti kendo ngo:

Lembanyutha 14:10

en bende ebimadhu kum pigulok mi kwinyo pa Mungu, m’ubedo ayika m’ajeba ngo i kikombe mi ng’ecwiny pare; man jubimie ndiba ma ku mac man muganga i wang’ malaika maleng’, man i wang’ Nyathi Rombo:

Lembanyutha 15:1

Man aneno giranyutha mange i polo, ma dit ku ma wang’u ijo, malaika abiro ma weg masendi abiro, m’udong’ cen, kum i igi kwinyo pa Mungu thum.

Lembanyutha 16:2

Man ma kwong’ane cidho, man ekonjo tabu pare i ng’om; man edoko ni vur ma rac ma remo dit wi dhanu ma weg kiedo pa yedi ma girwo ni ayine de.

Lembanyutha 17:1

Man acel m’i kind malaika abiro ma weg tabu abiro ubino, uweco kuda, ewacu kumae, Bin kue, abinyutho iri pokolembe pa dhaku ma won asara ma dit m’ubedo wi pi dupa;

Lembanyutha 21:9

Man acel ma kind malaika abiro ma gi weg tabu abiro, ma ginur ku masendi abiro macen ubino; man eweco kuda, ewacu kumae, Bin kue, abinyutho iri mugole, ma dhaku pa Nyathi Rombo.

Lembanyutha 4:10

judongo pier ario wi ang’wen bipodho piny i wang’ ng’atu m’ujany wi komker, man gibirwo ire m’ebedo kwo rondo ku rondo, man gibibolo jamkermiwic migi wang’ komker, ma giwacu ko kumae,

Lembanyutha 5:8

Man kan edaru ting’o kitabune, e yedi ma kwo ang’wen ku judongo pier ario wi ang’wende gipodho piny wang’ Nyathi Rombo, ma adungu ni kubang’gi nzu, ku tabu mi mola ma kwar ma gin ma ng’wice ng’ar upong’ i ie, ma en e rwo mi jumaleng’.