Lembanyutha 14:7 - The Holy Bible In Alur (Lur) Revised Orthography

⁷ man ewacu ku dwal ma dit, Wulwor Mungu, man wumie dwong’: kum saa mi pokolembe pare wok: man wurwo ni ng’atu m’ucwio polo ku ng’om ku nam ku kulo ma dhenyni bende.

Lembanyutha 14:7 ပူးပေါင်းရင်းမြစ်များ

Thangambere 22:12

E ewacu kumae, Kud iketh cingi kum nyathin, kadi gin moko de kud itim i kume; kum kawono ang’eyo nia ilworo Mungu, kum ikwero wodi ngo ira, wodi kulong’.

Nehemia 9:6

In i Yehova, in i kendi; itimo polo, polo m’i polo, kud udul migi ceke, ng’om de ku gin ceke ma ni i wie, ku nam man gin ceke ma ni i igi, e igwokogi ceke; man udul m’i polo berwo iri.

Zaburi 115:15

Wun wu jumugisa pa Yehova, M’utimo polo ku ng’om.

Zaburi 124:8

Kony mwa ni i nying’ Yehova, M’ucwio polo ku ng’om.

Zaburi 33:6

Jucwio polo ni kum lembe pa Yehova. Man udulgi ceke ni kum lietho mi dhoge.

Zaburi 36:1

Camuco pa jadubo wacu yo i adundena kumae, Lworo pa Mungu mbe i wang’e.

Zaburi 89:7

Mungu ma jang’oindiri ma dit i dilo mi jumaleng’, Ma maku julwore ma sagu dhanu ceke m’utieke gburi?

Zaburi 95:5

Nam en e pare, man etime; Man cinge timo ng’om m’uthwo.

Ai 20:11

kum Yehova timo polo ku ng’om i ceng’ abusiel, ku nam, ku giki ceke ma ni i ie, man eyom i ceng’ mir abirone: kum kumeno Yehova mio mugisa kum ceng’ sabatu, man edwoke leng’.

Isaya 40:3

Dwand ng’atu moko m’ukok kumae, Wuyik yo pa Yehova i langa; wupot ng’omngele ni gengi ni Mungu mwa.

Isaya 40:6

Dwand ng’atu moko m’uwacu kumae, Lwong’. E ng’atu acel uwacu kumae, Alwong’ ang’o? Lwong’ kumae, Weg kum ceke en e lum, man berone ceke calu thiuboko m’i thim.

Isaya 40:9

E in m’iyero rwonglembe ma ber ni Sayuni, idh malu wi got ma wiu; E in m’iyero rwonglembe ma ber ni Yerusalem, ting’ dwendi malu ku tego; ting’e malu, lworo kud unegi; wac ni adhura mi Yuda kumae, Nen, Mungu mu!

Isaya 42:12

Wek gimi dwong’ ni Yehova, man giyer pak pare i cula.

Isaya 44:23

Wuwer, E polo, kum Yehova timo maeni; wukoki, wu ng’et ng’om ma yo piny; wu moj wer, wu gudi, E luli, man yen kubang’e kubang’e ma ni i ie: kum Yehova waru Yakobo, man ebinwang’u dwong’ ire gire ni kum Israel.

Isaya 58:1

Kok ma tek, kud ikwer, ting’ dwendi calu agwara, man iyer ni dhanu para pi gondri migi, man ni ot pa Yakobo pi dubo migi.

Yeremia 10:10

Ento Yehova en e Mungu mandha; en e Mungu ma kwo, man Ubimo mi nja: ng’om yengre ni kwinyo pare, man thek copo ciro ng’ecwiny pare ngo.

Ezekiel 7:2

Man in, wod dhanu, Rwoth Yehova wacu kumae ni ng’om mir Israel, Kajik, kajik uwok wi gund ng’om ang’wen.

Ezekiel 7:6

Kajik ubino, kajik ubino; eceu i kumi; nen, ebino.

Daniel 8:19

Man ewacu kumae, Nen, abiketho ing’ei gin ma biwok i nindo ma cen mi kwinyo; kum en e mi nindo ma juketho mi kajikne.

Hoseya 8:1

Keth agwara i dhogi. Calu acur ebino kum ot pa Yehova, kum gituro lembariba para, man gidubo kum cik para.

Malaki 2:2

Tek wubiwinjo ngo, man tek wubiketho cwinywu i kume ngo, kara wumi yung ni nyinga, Yehova mir udul uwacu, abilund oro kwong’ i wiwu, man abikwong’o mugisa mu; eyo, adaru kwong’ogi, kum wuketho cwinywu i kume ngo.

Matayo 25:13

Ka kumeno dong’ wuki, kum wung’eyo cenge kadi saane de ngo.

Luka 17:18

Ng’atu moko mbe ma junwang’u udwogo nimio yung ni Mungu, ndhu jakamange maeni?

Tic Mi Jukwenda 14:15

giwacu kumae, Paco, wutimo gin maeni nedi? Wan wa dhanu ma ku kum calu wun, man wakelo iwu lembe ma ber, kara wulokra ku kum gin maeni ma kite mbe ni Mungu ma kwo m’ucwio polo ku ng’om ku nam de, ku gin ceke ma ni i igi de:

Yocuwa 7:19

E Yocuwa wacu ni Akan kumae, Woda, akwei, mi dwong’ ni Yehova, Mungu mir Israel, man ituc ire; yer ira kawono pi gin m’itimo; kud imung’e ira.

1 Petro 4:7

Ento kajik mi gin ceke dhingo ceng’ni: ka kumeno wubed ku pidoiwu ma cu, wubed nger de ni rwo ni Mungu:

Lembanyutha 11:13

Man i saa maeno digidi ma dit uyengre, man theng adhura mir apaje podho; man dhanu rubanga abiro tho ku digidine: e dong’ dhanu m’udong’ lworo makugi, man gimio dwong’ ni Mungu mi polo.

Lembanyutha 11:18

Man kwinyo nego thek man kwinyo peri wok, ku nindo ma jupoko ie lembe mi ju m’utho, man nindo ma jumio ie sukulia ni jumiru peri ma jubila, man ni jumaleng’, man ni ju m’ulworo nyingi, ju ma thindho ku ju ma dongo; man ninyotho ju m’unyotho ng’om.

Lembanyutha 15:4

Ng’a ma lworo binege ngo, E Rwoth, ma k’ebiyungo nyingi de ngo? kum in i kendi e m’i leng’; kum thek ceke bibino man gibirwo i weng’i; kum tic peri mi bedopwe udaru nyuthre.

Lembanyutha 16:9

E dhanu wang’ ku lietho ma dit: man gicido nying’ Mungu m’e won tego wi masendi maeni; man giloko cwinygi ngo nimie dwong’.

Lembanyutha 18:10

ma gicungo ko ku bor ni lworo mi ndiba pare, ma giwacu ko kumae, Can, can, adhura ma dwong’, Babeli, adhura ma tek! kum i saa acel pokolembe peri wok.

Lembanyutha 18:17

kum i saa acel thwo lonyo ma rokeni ngi juketho edong’ lwe. Man weg combo ceke kubang’gi, ku dhanu ceke kubang’gi m’uwotho ka moko ku wi pi, ku jutic mi combo, ku dhanu ceke ma ginwang’u kuloka migi ni kum nam, gicungo ku bor,

Lembanyutha 18:19

Man giketho utur i wigi, gikok kumae, ku ywak man can, giwacu, Can, can, adhura ma dit, ma i ie dhanu ceke ma gibedo ku combo migi i pi juketho gilony ni kum lonyo pare! kum i saa acel juketho edong’ lwe.

Lembanyutha 19:5

Man dwal uai i komker, uwacu kumae, Wupak Mungu mwa, wu jumiru pare ceke, wu ju m’ulwore, ma thindho ku ma dongo.

Lembanyutha 4:11

Eromo kudi, Rwoth mwa man Mungu mwa, ya igam dwong’ man yung ku tego: kum icwio gin ceke, man gibedo nuti ni kum yeny m’iyenyo, gicwiri de.

Lembanyutha 4:9

Man ka yedi ma kwo bimio dwong’ ku yung ku foyofoc ni ng’atu m’ujany wi komker, ni ng’atu m’ubedo kwo rondo ku rondo,

Lembanyutha 8:10

Man malaika mir adege kudho agwara, e cero ma dit uai kud i polo podho, m’ubewang’ va ridhro, man epodho wi theng kulo mir adege, man wi pi ma dhenyni;

1 Samwil 6:5

Kum kumeno wubitimo ayi vur mu, man ayi uyo m’i lum mu m’unyotho ng’om; man wubimio dwong’ ni Mungu mir Israel: kuno nyo ebidwoko cinge yot kud i kumwu, man kud i kum mungu mu, man kud i kum ng’om mu.