Lembanyutha 14:6 - The Holy Bible In Alur (Lur) Revised Orthography

⁶ Man aneno malaika mange m’uberingo i kor polo, m’e won lembanyong’a ma nja m’eyero ni ju m’ubedo wi ng’om, man ni thek ceke ku suru ku dhok man dhanu;

Lembanyutha 14:6 ပူးပေါင်းရင်းမြစ်များ

Thangambere 1:6

Man Mungu wacu kumae, Dong’ apokapiny ubed i kind pi, man epok kind pi ku pi.

2 Samwil 23:5

Andha ot para bedo kumeno ngo ku Mungu; Ento etimo kuda lembariba mi nja, Ayika i lembe ceke, man andha: Kum en e both para ceke, man yeny ceke ma ia yenyo, Kadok eketho edongo ngo,

Zaburi 119:142

Bedopwe peri en e bedopwe mi nja: Man cik peri en e lemandha.

Zaburi 139:24

Man nen tek yo moko mi dubo ni i ia, Man itel wia i yo mi nja.

Zaburi 145:13

Ker peri en e ker mi nja, Man bim peri bedo cil kum dhanum’utuk ceke.

Isaya 40:8

Lum ner, thiuboko kite rwinyo; ento lembe pa Mungu mwa bicungo mi nja.

Isaya 45:17

Ento Israel biboth ni kum Yehova ku both mi nja: lewic bimakuwu ngo kadi cwinywu de bing’abre ngo mi nja.

Isaya 51:6

Wung’ai weng’wu malu i polo, man wunen wi ng’om ma piny; kum polo birwinyo woko calu yiro, man ng’om biti calu kendi; e ju m’ubedo i ie bitho kumeca: ento both para bibedo mi nja, man jubinyotho bedopwe para ngo.

Isaya 51:8

Kum abirbir bicamugi calu kendi, man ukoko bicamugi calu yuk rombe; ento bedopwe para bibedo mi nja, man both para ni dhanum’utuk ceke.

Isaya 6:2

Juserafi cungo malu i wie: kubang’gi kubang’gi bombgi abusiel abusiel; eumo wang’e ku bombe ario, eumo tiende ku bombe ario de, man eringo ku bombe ario.

Ezekiel 1:14

Man gin ma kwone giringo gi dwogo de calu nen mi lukoth.

Daniel 4:1

Nebukadnezar m’ubimo, ni kodhidhanu ceke, ku thek ceke, man dhok ceke, m’ubedo i ng’om yu: kwiocwiny umedre iwu.

Daniel 9:21

eyo, kinde m’abeweco i rwo, ng’atu ma Gabriel, m’aneno ku kwong’a i ginmawokiwang’, ma juketho eringo pio, emulo kuma calu nindo mi lam mir uthieno.

Matayo 10:27

Gin m’ayero iwu i piny ma col wuyer i der: gin ma wuwinjo de i ithwu, wuyere wi ot.

Marko 16:15

Man ewacu igi kumae, Wucidh i ng’om yu, wuyer lembanyong’a ma juboth ko ni giracwia ceke.

Jurumi 16:25

Nie ire m’ecopo ketho wunyang’ calku lembanyong’a para ma juboth ko ku lembayera pa Yesu Kristu, calku lembanyutha mi lembamung’a m’ukandre ling’ i nindo ma rondo ku rondo,

Jukolosai 1:23

tek ebedo kumeno ya wubed i yioyic, ma ulegwu nyang’ ucungo tek de, ma wukucoro cen ungo kum genogen mi lembanyong’a ma juboth ko ma wuwinjo, ma juyero i giracwia pa Mungu ceke the polo; ma an a Paolo judwpka ni jatije.

2 Jutesaloniki 2:16

Nie Rwoth mwa ma Yesu Kristu en, man Mungu ma Wegwa m’emaruwa m’emio iwa juk mi nja ku genogen ma ber ni kum bero,

Juebrania 13:20

Nie Mungu mi kwiocwiny, m’ekelo jakwac ma dit mi rombe kendo m’ecer ku kind ju m’utho ni kum rimo mi lembariba mi nja, en e Rwoth mwa ma Yesu,

1 Petro 1:25

Ento lembe pa Rwoth bedo rondo ku rondo. Maeni lembe mi lembanyong’a ma juboth ko ma juyero iwu.

Lembanyutha 10:11

Man giwacu ira kumae, Ibikoewo kendo be wi kodhidhanu dupa ku thek man dhok man ju m’ubimo.

Lembanyutha 10:7

ento i ceng’ mi dwand malaika mir abirone, kinde m’eyenyo ekudh agwara, e giramung’a pa Mungu lund uthum, calku lembanyong’a m’eyero ni jumiru pare ma jubila.

Lembanyutha 13:7

Man jumio ire ya etim lwiny ku jumaleng’, eloi kogi de: man jumio ire ng’ol wi suru kubang’gi kubang’gi ku dhanu man dhok man thek.

Lembanyutha 3:10

Kum igwoko lembe mi twiocwiny para, an bende abigwoki ni saa mir abidhe, saa maeno ma bibino wi ng’om ngung’, nimulo i ju m’ubedo wi ng’om.

Lembanyutha 5:9

Man giwero wer ma nyen, giwacu kumae, Eromo kudi ya iting’ kitabu, man ial ayine de: kum juthumi, man ing’iewo ni Mungu ku rimbi dhanu mi suru ceke kubang’gi, man dhok, man dhanu, man thek,

Lembanyutha 8:13

E aneno, man awinjo acur acel, m’eberingo i kor polo, m’ebewacu ku dwal ma dit kumae, Can, can, can, ni ju m’ubedo wi ng’om, kum dwal mange mir agwara mi malaika adek, ma gibikudho agwara macen.