Lembanyutha 14:4 - The Holy Bible In Alur (Lur) Revised Orthography

⁴ Joni gi ju ma gicido ngo ku mon; kum gi ju ma sumba. Joni gi ju ma gilubo Nyathi Rombo ku ba ka m’ecidho i ie ceke. Joni jung’iewogi kud i kind dhanu, ya gibed ni landu mwoka ni Mungu man ni Nyathi Rombo.

Lembanyutha 14:4 ပူးပေါင်းရင်းမြစ်များ

Zaburi 45:14

Jubitere bang’ ubimo ku kendi mi ruko: Nyir wadi m’ulube Jubikelogi i beng’i.

Zaburi 74:2

Poi pir udul peri, m’ing’iewo con, M’iwaru kara ubed suru mir aba peri; Man got Sayuni, m’ibedo i ie.

Wer Pa Suleman 1:3

Mo peri ng’wi ng’ar; Nyingi calu mo ma jukonjo; Ka kumeno nyir ma ng’won gimeri.

Wer Pa Suleman 6:8

Ubimo ma mon nuti pier abusiel, man mon m’araga pier abora, Man nyir ma ng’won welgi mbe.

Yeremia 2:3

Israel ubedo ni leng’ ni Yehova, mwoka mi nyai pare: ceke m’ucame jubinwang’u nia lembe ni i wigi; lem ma rac bipodho i wigi, Yehova wacu.

Amos 6:1

Can wi ju m’ubedo yo i Sayuni, man ni ju m’ubedo museme kum got mi Samaria, dhanu ma pigi yik mi thek ma kwong’a, ma ot mir Israel ubino i bang’e!

Matayo 19:12

Kum jumugumba nuti, ma meggi nyolo kogi anyola: jumugumba nuti de, ma dhanu dwokogi en ni jumugumba: jumugumba nuti de, ma gidwokri gigi ni jumugumba kum ker m’i polo. Ng’atu ma lembe nini jole ire, wek ejole.

Matayo 25:1

Ker mi polo jubilund poro ku jumanyir apar ma gi sumba, ma gigamu thala migi, gicidho de nirombo ku cwar mugole.

Matayo 8:19

E jagorcik moko bino, ewacu ire de kumae, Japonji, abilubo ng’ei ka ma tek icidho i ie ceke.

Yohana 10:27

Rombe para winjo dwanda, man ang’eyogi, gilubo ng’eya de:

Yohana 12:26

Tek ng’atu moko timo ira, wek elub ng’eya; man ka m’ani ie, jatic para bende bibedo keca: tek ng’atu moko timo ira, Vwa biyunge.

Yohana 13:37

Petro wacu ire kumae, Rwoth, nedi acopo lubo ng’ei ngo kawono? Abimio kwo para piri.

Yohana 8:12

Yesu lund uyero igi kendo, ewacu kumae, An a der m’i ng’om; ng’atu m’ulubo ng’eya biwotho i mudho ngo, ento ebibedo ku der mi kwo.

Tic Mi Jukwenda 20:28

Wubed ku weng’wu giwu, kud udul ceke, ma Tipo Maleng’ uketho wudoko julieu i ie kara wumi cam ni kanisa pa Rwoth m’eng’iewo ku rimbe gire.

1 Jukorinto 16:15

Nie abekwayuwu ma tek, umego (wung’eyo ot pa Stefano, nia en e landu wi mwoka mir Akaya, nia gikethri de gigi ya gitim ni jumaleng’),

1 Jukorinto 6:20

kum jung’iewowu ku wel piny: ka kumeno dong’ wuyung Mungu i kumwu.

1 Jukorinto 7:28

Ento tek igamu, meca idubo ngo; man tek nyaku ma sumba gomo co, meca edubo ngo. Ento wagi ju ma kumeni binwang’u can i kum: man ayenyo acerwu ni maeni.

2 Jukorinto 11:2

Kum ngiri benega piwu en e ngiri ma ayi Mungu ni i kume: kum adhumowu ni nico acel, kara aterwu ni Kristu calu nyaku ma leng’ ma sumba.

Juefeso 1:14

ma en e mukwatu mi camupacu mwa, ni war mi piny pare gire, ni pak mi dwong’ pare.

Juefeso 5:27

kara ethier ire gire kanisa ma en e dwong’, ma poyo de mbe kadi bel de mbe kadok wagi gin ma kumeno de; ento kara ebed leng’ ma mulima de mbe.

1 Timoteo 4:3

ma gikwero ko ya ku jugambri, ma ging’olo de ya jukwir ring’o, ma Mungu cwio ya ju ma gi weg yioyic ma ging’eyo lemandha de gijol ku foyofoc.

Juebrania 12:23

ba cokri ma yu ku kanisa mi kayu ma jugoro i polo, man ni Mungu ma Japok mi jo ceke, man ni tipo mi weg bedopwe ma judwoko cu ma ndhu,

Yakobo 1:18

E enyolowa ku lembe mi lemandha, kara wabed ni landu mi mwoka mi ju m’ecwio.

1 Petro 2:9

Ento wun wu thekdhanu ma jugoyo nyingwu, lamulam mi ker, thek ma leng’, dhanu mi piny ma dhe pa Mungu, kara wunyuth bero pare m’elwong’owu kud i mudko i der pare ma wang’uic:

Lembanyutha 17:14

Joni gibitimo lwiny kum Nyathi Rombo, Nyathi Rombo de biloyogi, kum en e Rwoth mi rwodhi, man Ubimo mir ubimo; man ju ma gibedo gikugi de gibiloyo gikugi, ma gi ju ma julwong’ogi jugoyo wigi de gi mandha de.

Lembanyutha 21:22

Man aneno hekalu i ie ngo: kum Rwoth Mungu ma Jategokpo, ku Nyathi Rombo de, gi hekalune.

Lembanyutha 21:23

Man adhurane can ceng’ umbe i kume, kadok mi dwi de, nia urieny i wie: kum dwong’ pa Mungu care, man thalane en e Nyathi Rombo.

Lembanyutha 3:4

Ento nyathi nyingi moko nuti i beng’i i Sardi m’ucido kendi migi ngo: man wabiwotho wakugi ku kendi ma tar; kum giromo.

Lembanyutha 5:9

Man giwero wer ma nyen, giwacu kumae, Eromo kudi ya iting’ kitabu, man ial ayine de: kum juthumi, man ing’iewo ni Mungu ku rimbi dhanu mi suru ceke kubang’gi, man dhok, man dhanu, man thek,