Lembanyutha 13:15 - The Holy Bible In Alur (Lur) Revised Orthography

¹⁵ Man jumio ire y a eyui lietho ire, cil ni ayi yedine, kara ayi yedine weci, kara dhanu ceke de ma girwo ngo ni ayi yedine juneggi.

Lembanyutha 13:15 ပူးပေါင်းရင်းမြစ်များ

Thangambere 2:7

Man Yehova Mungu cwio ng’atu ma nico kud utur m’i ng’om, man eyuyo lietho mi kwo i ume; e ng’atu ma nicone doko ni ng’eyong’ec ma kwo.

Zaburi 115:5

Dhoggi nuti, ento giweco ngo, Wang’gi nuti, ento gineno ngo;

Yeremia 10:14

Ku ba dhanu ku ba dhanu ng’atuman udoko calu lim man umbe ng’eyong’ec; ku ba jathiedh mola ma tar ayi gin m’acwia m’ang’ika pare nyayu lewic i wie; kum ayi gin m’acwia m’atwaga pare en e ndra, man yuyo moko mbe i igi.

Yeremia 10:5

Gi calu thith, mi tic m’aloka, man giweco ngo: juting’ogi ating’a, kum gicopo wotho ngo. Kud wulworgi; kum gicopo timo gin ma rac ungo, kadok timo ber de mbe i igi.

Yeremia 51:17

Ku ba dhanu ku ba dhanu ng’atuman udoko va lim ma ng’eyong’ec umbe kude: junyayu lewic wi jubodho mi mola ma kwar ni kum ayi gin m’acwia pare; kum ayi gin m’acwia pare m’atwaga en e ndra, man yuyo moko mbe i igi.

Daniel 7:20

man pi tunge apar ma ni i wie, man tunge mange m’uidho malu, ma adek de podho i wang’e, cil tunge maeno m’ubedo ku wang’e, ku dhoge m’uyero gin ma dit, ma nenne dit ma sagu juwagi.

Daniel 7:25

Man ebiyero lembe kum Ng’atu ma Malu Ngbir; man ebiolo jumaleng’ pa Ng’atu ma Malu Ngbir; man ebipido ya elok nindo ku cik; man jubimiogi i cinge cil nindo ku nindo moko man ng’et nindo.

Habakuk 2:19

Can wi ng’atu m’uwacu ni yen kumae, Ceu: ni kidi ma weco ngo de kumae, Ai malu! Maeni biponjo? Nen, jumwone ku mola ma kwar man ku mola ma tar, e yuyo moko mbe i ie tak de.

Yakobo 2:26

Kum calu kum nge ku cwiny en e avu, kumeno cil yioyic de ma nge ku tic en e avu.

Lembanyutha 13:1

Man ecungo wi kwio ma dhu nam. Man aneno yedi ai i nam, ma tunge apar wie ke abiro, man jamkermiwic apar ni wi tunge, man nying’ mir acidi ni i wie.

Lembanyutha 13:12

Man etimo ku ng’ol ceke pa yedi ma kwong’ane i wang’ yedine. Man eketho ng’om ku ju m’ubedo i ie de girwo ni yedi ma kwong’ane, ma rem mi tho pare kei.

Lembanyutha 13:14

Man ebombo ju m’ubedo wi ng’om ni kum giranyutha ma jumio ire etim i wang’ yedi; m’ewacu ko ni ju m’ubedo wi ng’om, ya gitim ayi yedi m’ubedo ku rem ma jutong’e ko ku palamularu man ebedo kwo.

Lembanyutha 14:11

man yiro mi ndiba migi idho malu rondo ku rondo; man yom umbe igi dieceng’ ku diewor, gi ju m’urwo ni yedi kud ayine de, ku ju m’ujolo kiedo mi nyinge.

Lembanyutha 14:9

Man malaika mange, mir adege, ulubo ng’eigi, m’ewacu ku dwal ma dit kumae, Tek ng’atu moko rwo ni yedi kud ayine de, man ejolo kiedo ternyime kadi i cinge,

Lembanyutha 16:2

Man ma kwong’ane cidho, man ekonjo tabu pare i ng’om; man edoko ni vur ma rac ma remo dit wi dhanu ma weg kiedo pa yedi ma girwo ni ayine de.

Lembanyutha 16:5

Man awinjo malaika mi pi wacu kumae, In i pwe, in m’i nuti man yang’ de inuti, in m’i Ng’atu Maleng’, kum ipoko lembe kumeno:

Lembanyutha 17:14

Joni gibitimo lwiny kum Nyathi Rombo, Nyathi Rombo de biloyogi, kum en e Rwoth mi rwodhi, man Ubimo mir ubimo; man ju ma gibedo gikugi de gibiloyo gikugi, ma gi ju ma julwong’ogi jugoyo wigi de gi mandha de.

Lembanyutha 17:17

Kum Mungu ketho i adundegi nia gitim pidoie, man gidok ma pidoigi acel, man gimi ker migi ni yedi, cil ma lembe pa Mungu timbre ko kakare.

Lembanyutha 17:6

Man aneno dhakune mer ku rimb jumaleng’, ku rimb ju m’utho pi Yesu. Man kan anene, ia wang’ lii ku wang’uic ma dit.

Lembanyutha 18:20

Anyong’a negwu i kume, in i polo, ku wun wu jumaleng’, man wu jukwenda, ku wu jubila; kum Mungu poko lembe mu i wie.

Lembanyutha 18:24

Man i ie junwang’u rimo mi jubila man mi jumaleng’, man mi ceke ma junego wi ng’om.

Lembanyutha 19:20

E jumaku yedine, ku jabila mi ndra bende karacelo kude m’etimo giranyutha i wang’e, m’ebombo kudo ju m’ujolo kiedo pa yedi man ju m’urwo ni ayine de: gin ario jubologi ma kwo i nammac ma wang’ ku muganga:

Lembanyutha 20:4

Man aneno komker, ku ju m’ujany i wigi, man pokolembe mire igi: man aneno kwo mi ju ma juthumo wigi pi lembatuca pa Yesu, man pi lembe pa Mungu, man wagi ju ma girwo ngo ni yedi, kadok ni ayine, ma gijolo kiedo ngo ternyimgi kud i cing’gi de; man gibedo, gibimo de giku Kristugi rundi rubanga acel.