Lembanyutha 13:10 - The Holy Bible In Alur (Lur) Revised Orthography

¹⁰ Tek ng’atu moko en e jathebkol, e ecidho i kol: tek ng’atu moko binego ku palamularu, en de jubikonege be ku palamularu. Twiocwiny ku yioyic mi jumaleng’ ni keni.

Lembanyutha 13:10 ပူးပေါင်းရင်းမြစ်များ

Isaya 14:2

E kodhidhanu biting’ogi man gibidwokogi i kakagi; e ot mir Israel bibedo kugi i ng’om pa Yehova ni jutic man ni bong’: man gibidwokogi ni ng’eca ma naka gin e ma gi ng’eca migi; man gibibimo wi jusend migi.

Isaya 26:21

Kum, nen, Yehova ai kud i kakare kara esend ju m’ubedo i ng’om kum kier migi: ng’om bende biyabu rimo pare, man ebiumo ju ma junego pare kendo ngo.

Isaya 33:1

Can i wii in i ng’atu m’inyotho, man junyothi ngo; man m’itimo kud abombi, e gitimo kud abombi i kumi ngo! Kinde m’idaru nyotho, e jubinyothi; man kinde m’idaru timo kud abombi, gibitimo kud abombi i kumi.

Yeremia 15:2

Man ebitimbre, kinde ma giwacu iri kumae, Waci cen kani? e ibilund wacu igi kumae, Yehova wacu kumae: Wadi ju ma mi tho, gici ba tho; man wadi ju ma mi palamularu, gici ba palamularu; man wadi ju ma mi ndru, gici ba ndru; man wadi ju ma mi ng’eca, gici ba ng’eca.

Yeremia 43:11

Man ebibino, e ebigoyo ng’om mi Misiri; wadi ma mi tho bimire ni tho, man wadi ma mi ng’eca bimire ni ng’eca, man wadi ma mi palamularu bimire ni palamularu.

Ywak 3:26

E ber ya dhanu gen man ekur yo pi both pa Yehova.

Habakuk 2:3

Kum ginmawokiwang’ fodi en e pi nindo ma juketho, man etimo pio i dhu kajikne, man ebicwayu ndra ngo: kadok egalu, kure; kum ebibino andha, ebigalu ngo.

Matayo 26:52

Yesu lund uwacu ire kumae, Dwok palamularu peri kendo kakare: kum dhanu ceke m’umaku palamularu gibitho ku palamularu.

Matayo 7:2

Kum ku lembapoka ma wupoko, jubipoko ko lembe mu: man ku mukero ma wuporo ko, jubiporo ko iwu bende.

Luka 21:19

I twiocwiny mu wubibodho kwo mu.

Jukolosai 1:11

ma wudoko tek ku tego ceke, calku tek mi dwong’ pare, ni twiocwiny ceke ku mwonyolembe ma jumwonyo hai ku mutoro:

Juebrania 6:12

kara kud wubed ku molkum, endre wubed jupor mi jucampacu mi lembang’ola ni kum yioyic ku twiocwiny.

Lembanyutha 1:9

An a Yohana, m’umegwu man jarib wakudu i masendi ku ker ku twiocwiny ma gini i Yesu, nwang’u ani i cula ma julwong’o Patmo, kum lembe pa Mungu man kum lembatuca pa Yesu.

Lembanyutha 11:18

Man kwinyo nego thek man kwinyo peri wok, ku nindo ma jupoko ie lembe mi ju m’utho, man nindo ma jumio ie sukulia ni jumiru peri ma jubila, man ni jumaleng’, man ni ju m’ulworo nyingi, ju ma thindho ku ju ma dongo; man ninyotho ju m’unyotho ng’om.

Lembanyutha 14:12

Keni en e twiocwiny mi jumaleng’, gi ju ma giworo lembang’ola pa Mungu, ku yioyic pa Yesu.

Lembanyutha 16:6

kum githwogo rimb jumaleng’ ku mi jubila de, imio igi rimo gimadhi: eromo kugi de.

Lembanyutha 17:11

Man yedi ma naka nuti, ma dong’ embe e, en nini bende en e mir aborane, man en e kind abiro man ecidho i kanyothri.

Lembanyutha 17:8

Yedi m’ineno yang’ enuti, man embe: man edhingo ai i longro ma there mbe, m’ecidho ko i kanyothri. E ju m’ubedo wi ng’om igi biwang’ lii, gi ju ma nying’gi kugore ngo i kitabu mi kwo ugambre i thek ma ng’om uthekre ko, ka gineno yedi, maram yang’ enuti, man embe, man ebibino.

Lembanyutha 2:19

Ang’eyo tic peri, ku mer peri man yioyic ku timotim man twiocwiny, man nia tic peri ma cen usagu ma kwong’a.

Lembanyutha 2:2

Ang’eyo tic peri, ku tic m’imuli kudo man twiocwiny peri, man nia bedo ku dhanu ma rac copre iri ngo, man imulo i ju ma gilwongri gigi jukwenda, enke gi kumeno ngo, man inwang’u nia gi jundra;

Lembanyutha 3:10

Kum igwoko lembe mi twiocwiny para, an bende abigwoki ni saa mir abidhe, saa maeno ma bibino wi ng’om ngung’, nimulo i ju m’ubedo wi ng’om.

Lembanyutha 3:3

Ka kumeno dong’ ipoi maram yang’ ijolo man iwinjo de; man igwoke, ilok cwinyi de. Ka kumeno tek ikuro ngo, abibino calu jakwo, man saa m’abibino i ie i wi ibing’eyo ngo.