Lembanyutha 12:7 - The Holy Bible In Alur (Lur) Revised Orthography

⁷ Man ali ni i polo: Mikael ku malaika pare gibecitimo ali ku ng’ec; ng’ec de gikiedo man malaika pare;

Lembanyutha 12:7 ပူးပေါင်းရင်းမြစ်များ

Zaburi 78:49

Man ebolo ng’ecwiny pare ma lake tek i wigi, Kwinyo, ku ng’ecwiny, man can, Udul malaika mi lem ma rac.

Isaya 34:5

Kum palamularu para madhu m’uyeng’e i polo: nen, ebiloro piny wi Edom, man wi dhanu mi kwong’ para, i pokolembe.

Isaya 55:4

Nen, amie ni mulembe ni kodhidhanu, jatelwic man jego ni kodhidhanu.

Daniel 10:13

Ento jaditmawijo mi ker mir Ajemi jai ira ceng’ pier ario wi acel; ento, nen, Mikael, ng’atu acel ma kind judongomawijo ma gi judongo, ebino kara ekonya: man adong’ keca kud ubimo mir Ajemi.

Daniel 10:21

Ento abiyero iri maeno m’ukieure i lembagora mi lemandha: man ng’atu moko mbe m’ubedo ku tegocwiny karacelo kuda kum ju maeni ndhu Mikael ma jaditmawijo mu.

Daniel 12:1

Man i nindo maeca Mikael bicungo, jaditmawijo ma dwong’ m’ucungo kum juthu; man nindo mi masendi bibedo nuti, ma fokuwok ungo ugambre i thekri mi thek cil i nindo nino m’ubino: man i nindo maeca jubibodho juthu, ku ba dhanu ceke ma junwang’u egore i kitabu.

Matayo 13:41

Wod dhanu bioro malaika pare man gibicoko kud i ker pare gin ceke m’uketho jukier, ku ju m’udubo lembe bende,

Matayo 16:27

Kum Wod dhanu bibino i dwong’ pa Won karacelo ku malaika pare; e ebilund mio ni dhanu ceke kubang’gi calku tic pare.

Matayo 24:31

Man ebioro malaika pare ku dwand agwara ma dit, e gibicoko ju ma jugoyo nying’gi karacelo kud i the yamu ang’wen, kud i tung polo kun ku kun de.

Matayo 25:41

Ebilund wacu ni ju ma ni yo ku cinge ma yor acam bende kumae, Wuai woko kud i vuta, wun ma wubedo akwong’a, i mac ma rondo ku rondo m’ubedo ayika ni wonabali ku malaika pare:

Matayo 26:53

Kadi iwacu nyo acopo kwayu Vwa ngo, man ebioro ira cil kawono nini udul malaika ma sagu apar wi ario ngo.

2 Jukorinto 12:7

Man kara kud atingra malu ma sagu ni kum giranyutha ma dit apila, ukudho ma i ring’kum umire ira, jakwenda pa Jok kara epada, kara kud atingra ma sagu.

Juefeso 6:12

Kum anyego mwa en e kum ring’kum ku rimo de ngo, endre kum ker, kum tego, kum jubim mi mudho mi ng’om maeni, kum udul tipo mi dubo i ka mi polo.

2 Jutesaloniki 1:7

e iwu, wun ma jubenyayu ruvwa i kumwu, wayom wakudu, i nyuth pa Rwoth Yesu kud i polo ku malaika mi tego pare i mac m’uliel,

Juebrania 2:10

Kum emake, ma gin ceke gi pire, ma gin ceke de wok ni kume, i kelo m’ekelo ko wot dupa i dwong’ ya eketh won both migi dok ndhu cu ni kum sendri.

2 Petro 2:4

Kum tek Mungu weko malaika m’udubo ngo, ento ebologi i gehena, man ekethogi i vur mi mudho, ma jugwoko kogi cil ni pokolembe;

Yuda 1:9

Ento Mikael ma en e malaika ma jadit, kinde ma gi-ii giku wonabau epiemo pi kum Musa, cwinye tek ungo m’ekelo ko lembapoka mi cac i wie, ento ewacu kumae, Dong’ Rwoth ujuki.

Lembanyutha 12:8

man giloyo ngo, kadi kakagi de junwang’u kendo ngo i polo.

Lembanyutha 12:9

Man jubolo ng’ec ma dwong’ piny, en e thwol ma con, en ma julwong’e Wonabali man Jok, en m’e jawondi mi ng’om ngung’; jubole piny i ng’om, man malaika pare de jubologi piny gikugi.

Lembanyutha 13:7

Man jumio ire ya etim lwiny ku jumaleng’, eloi kogi de: man jumio ire ng’ol wi suru kubang’gi kubang’gi ku dhanu man dhok man thek.

Lembanyutha 20:2

Man emaku ng’ec, ma thwol ma con, ma en e Wonabali ku Jok, man etwie mi rundi rubanga acel,